ସାବଧାନ : ଖାଦ୍ୟ ସହିତ ଆପଣଙ୍କ ଶରୀର ମଧ୍ୟକୁ ଯାଉଛି ୧୦୦ରୁ ବି ଅଧିକ ପ୍ଲାଷ୍ଟିକ କଣିକା । ଜାଣନ୍ତୁ କିପରି
ଆପଣଙ୍କ ଖାଇବାେରେ ପ୍ଲାଷ୍ଟିକ ଥିବା କଥା ଶୁଣି ଆଶ୍ଚର୍ଯ୍ୟ ହେଉଥିବେ ନିଶ୍ଚୟ । ରିସର୍ଚ୍ଚରେ ଖୁଲାସା କରାଯାଇଛି କି ନରମ ଜିନିଷ ଏବଂ ସିନ୍ଥେଟିକ କପଡାରୁ ବାହାରୁଥିବା ପଲିମର ଘରର ଧୂଳିକଣାରେ ମିଶିଯାଏ, ଯାହାକି ଆମ ଖାଇବା ପ୍ଲେଟରେ ଜମା ହୋଇଯାଏ । ବ୍ରିଟେନ ସ୍ଥିତ ହ୍ୟାରିଅଟ-ୱାଟ ୟୁନିଭର୍ସିଟିର ଗବେଷକ ତିନୋଟି ଘରର ଖାଇବା ଟେବୁଲରେ ରଖାଯାଇଥିବା ପ୍ଲେଟକୁ ଯାଂଚ କରିବାରୁ ଜାଣିବାକୁ ପାଇଲେ । ୨୦ ମିନିଟ ପର୍ଯ୍ୟନ୍ତ ଚାଲିଥିବା ରାତ୍ରି ଭୋଜନ ସରିବା ପରେ ବାସନକୁସନରେ ପ୍ଲାଷ୍ଟିକର ୧୪ଟି କଣିକା ପାଇଲେ, ଯାହା ୧୧୪ଟି ପ୍ଲାଷ୍ଟିକ ଫାଇବର ସହିତ ସମାନ । ଏହା ହାରାହାରି ପ୍ରତି ରାତ୍ରି ଭୋଜନ ଥାଳିରେ ମିଳେ । ହ୍ୟାରିଅଟ-ୱାଟ ୟୁନିଭର୍ସିଟିର ବୈଜ୍ଞାନିକଙ୍କ ମୁତାବକ, ଜଣେ ବ୍ୟକ୍ତି ବର୍ଷକୁ ସାଧାରଣ ଭାବେ ଖାଇବା ସମୟରେ ୬୮ ହଜାର ୪୧୫ଟି କ୍ଷତିକାରକ ପ୍ଲାଷ୍ଟିକ ଫାଇବରକୁ ଗିଳିଥାନ୍ତିି । ହ୍ୟାରିଅଟ-ୱାଟ ୟୁନିଭର୍ସିଟିର ପ୍ରଫେସରଙ୍କ କହିବାନୁସାରେ, ଏହି ପ୍ଲାଷ୍ଟିକ ଫାଇବର ଘରର ଭିତର ଓ ବାହାର ପରିବେଶରେ ଉପସ୍ଥିତ ଥାଏ ।
Kanak News is now on WhatsApp
Join and get latest news updates delivered to you via WhatsApp
ଗବେଷକଙ୍କ ମୁତାବକ, ଘର ତିଆରି ଖାଇବାରେ ମିଳୁଥିବା ପ୍ଲାଷ୍ଟିକ ଫାଇବର ଖାଦ୍ୟରେ ବ୍ୟବହୃତ ହେଉଥିବା ଚାଉଳ ବା ଖାଦ୍ୟ ତିଆରି ପରିବେଶରୁ ଆସେନି ବରଂ ଘରେ ଉପସ୍ଥିତ ଧୂଳିକଣାରୁ ଆସେ । ଭୋଜନ କରିବା ସମୟରେ ମଣିଷ ଏହି ପ୍ଲାଷ୍ଟିକ ଫାଇବରକୁ ଗ୍ରହଣ କରିଥାଏ । ଏହା ସହିତ ପବନରେ ଥିବା ଧୂଳିକଣା ନିଶ୍ୱାସ ଓ ପ୍ରଶ୍ୱାସ ଜରିଆରେ ମଧ୍ୟ ଆମ ଶରୀରରେ ପ୍ରବେଶ କରେ । ଗବେଷକ ଜୁଲିଏନ କିର୍ବିଙ୍କ ମୁତାବକ, ଘର ଭିତରେ ଥିବା ଧୂଳି ଓ ପବନ ଯାହାକୁ ଆମେ ଶ୍ୱାସକ୍ରିୟାରେ ଗ୍ରହଣ କରୁ, ସେଥିରୁ ମିଳୁଥିବା ପ୍ଲାଷ୍ଟିକ ଫାଇବର କାର ଟାୟାର, କାର୍ପେଟ ଓ ପଶୁପକ୍ଷୀଙ୍କ ଉଲରୁ ତିଆରି କପଡା ଜରିଆରେ ତାହା ଘରକୁ ପ୍ରବେଶ କରେ । ଏହି ସବୁ ଜିନିଷର ବ୍ୟବହାର ଦ୍ୱାରା ପ୍ଲାଷ୍ଟିକର ସୁକ୍ଷ୍ମ କଣିକା ଘରୋଇ ପରିବେଶକୁ ପ୍ରବେଶ କରେ ।