କନକ ବ୍ୟୁରୋ: ପ୍ରବଳ ଗରମରେ ଅସ୍ତବ୍ୟସ୍ତ ହେଉଛି ଜୀବନ । ଖରା ଏତେ ହେଉଛି ଯେ ମଣିଷ ତାତିରୁ ଟିକେ ତ୍ରାହି ପାଇବାକୁ ପ୍ରବଳ ପାଣି, ନହେଲେ ମୃଦୁ ପାନୀୟ ନହେଲେ ଆଇସ୍କ୍ରିମ୍ ଖାଉଛି । ଏମିତି ଏକ ଗ୍ରୀଷ୍ମ ଦିବସରେ ଆଇସ୍କ୍ରିମ୍ ଖାଇବାକୁ ମନ କରିଥିଲେ ମୁମ୍ବାଇର ଦୁଇ ଭାଇ ଭଉଣୀ । ଆଇସ୍କ୍ରିମ୍ ଖାଇବାର ଇଚ୍ଛା ଥିବାରୁ ସାଙ୍ଗେ ସାଙ୍ଗେ ଅନଲାଇନରେ ଅର୍ଡର ବି କଲେ । ଆଉ କିଛି ସମୟ ପରେ ଆଇସ୍କ୍ରିମ୍ ଆସି ପହଞ୍ଚିଗଲା । ଯୁବତୀ ଜଣଙ୍କ ଆଇସ୍କ୍ରିମ୍ ପହଞ୍ଚୁ ପହଞ୍ଚୁ ଖୋଲି ଖାଇବାକୁ ଲାଗିଲେ । ହେଲେ ହଠାତ୍ ଆଇସ୍କ୍ରିମରେ କିଛି ଗଡବଡ ଅନୁଭବ କଲେ, ଆଉ ପରେ ଯେତେବେଳେ ସମ୍ପୂର୍ଣ୍ଣ ଆଇସ୍କ୍ରିମ୍ ଖୋଲି ଦେଖିଲେ ସେ ଆଶ୍ଚର୍ଯ୍ୟ ହୋଇଯାଇଥିଲେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କିଛି ସମୟ ଆଗରୁ ସୁଆଦିଆ ଲାଗୁଥିବା ଆଇସ୍କ୍ରିମ୍ ଭିତରେ ଯେ ଗୋଟେ ମଣିଷର ଆଙ୍ଗୁଠି ଥିବ ତାହା କେବେ ସେ କଳ୍ପନା କରି ନଥିଲେ । କୋନ୍ ଆଇସ୍କ୍ରିମରେ ମଣିଷ ଆଙ୍ଗୁଠି ଦେଖି ଆଶ୍ଚର୍ଯ୍ୟ ହେବା ପରେ ସିଧା ମଲାଡ୍ ଥାନାରେ ପହଞ୍ଚିଥିଲେ । ତେବେ ଘଟଣାର ଯାଞ୍ଚ କରିବା ସହ ପ୍ରାଥମିକ ପର୍ଯ୍ୟାୟରେ ପୋଲିସ ଉକ୍ତ ଆଇସ୍କ୍ରିମ୍ କମ୍ପାନୀ ବିରୋଧରେ ମାମଲା ରୁଜୁ କରିଛି । ତାସହ ଆଇସ୍କ୍ରିମ୍ ଏବଂ ମିଳିଥିବା କଟା ଆଙ୍ଗୁଠିକୁ ଫରେନସିକ୍ ଲ୍ୟାବକୁ ପରୀକ୍ଷା ପାଇଁ ପଠାଯାଇଛି । ତେବେ ଏହି ଘଟଣା ପରେ ମୁମ୍ବାଇରେ ହଇଚଇ ସୃଷ୍ଟି ହୋଇଛି ।