ଟିକା ପାଇଁ ରାତି ଉଜାଗର : ସୋର ଓ କେନ୍ଦୁଝରରୁ ଆସିଲା ଅଭାବନୀୟ ଦୃଶ୍ୟ

ଟିକା ନେବାକୁ ଗୋଟିଏ ଦିନ ଆଗରୁ ଇଟାପଥର ଥୋଇ ଲମ୍ବା ଲାଇନ କଲେ ଲୋକ

73

କନକ ବ୍ୟୁରୋ : ରାଜ୍ୟରେ ଟିକାକରଣ ଆଗେଇ ଚାଲିଥିବା ବେଳେ ଏବେବି ଟିକାକରଣ ପାଇଁ ଅନେକ ଜାଗାରେ ସାଧାରଣ ଲୋକଙ୍କୁ ଅନେକ କଷ୍ଟ ସହିବାକୁ ପଡ଼ୁଛି  । ଏପରି ଦୁଇଟି ଜାଗାରୁ ଦୃଶ୍ୟ ଆସିଛି  । ଗୋଟିଏ କେନ୍ଦୁଝରର ଓ ଅନ୍ୟ ଦୃଶ୍ୟଟି ସୋରରୁ ଆସିଛି । ଟିକା ନେବା ପାଇଁ ରାତି ଅଧରୁ ଲାଇନ୍  ।

ବାଲେଶ୍ୱର ଜିଲ୍ଲା ସୋର ବ୍ଳକ ମାଣିପୁର ଗାଁରେ ଟିକାକରଣ କେନ୍ଦ୍ରରେ ଲୋକେ ଆଜି ଟିକା ନେବା ପାଇଁ କାଲି ରାତି ଠାରୁ ଲମ୍ବା ଲାଇନ ଲଗାଇଥିଲେ  । ସେପଟେ କେନ୍ଦୁଝର ଜିଲ୍ଲା ବାଂଶପାଳ ବ୍ଲକ ଫୁଲଝର ସ୍ୱାସ୍ଥ୍ୟକେନ୍ଦ୍ରରେ ମଧ୍ୟ ସମାନ ଅବସ୍ଥା  । ଏଠାରେ ଟିକା ପାଇଁ ଶହ ଶହ ଲୋକଙ୍କ ଲାଇନ  । ଶୁକ୍ରବାର ଏହି କେନ୍ଦ୍ରରେ ଟିକା ନପାଇ ଫେରିଯାଇଥିବା ମଧ୍ୟ କିଛି ଲୋକ ଅଭିଯୋଗ କରିଥିଲେ  । ତେବେ କର୍ତୃପକ୍ଷ ଏହାକୁ ଖଣ୍ଡନ କରିଛନ୍ତି  ।