ଆଠଗଡ଼ ଟିକା କେନ୍ଦ୍ରରେ ପୁଣି ଠେଲାପେଲା : ମାତ୍ର ୧୨୦ ଟିକାକୁ ଶହ ଶହ ହିତାଧିକାରୀ
ଧାଡ଼ିରେ ଆଧାର କାର୍ଡ ରଖି ପାଳି ପଡ଼ିବାକୁ ଅପେକ୍ଷା; ଅଳ୍ପ ମାତ୍ରାରେ ଟିକା ଯୋଗାଇ ଦିଆଯାଉଥିବାରୁ ବଢ଼ିଲା ଅସନ୍ତୋଷ
କନକ ବ୍ୟୁରୋ : ସଂକ୍ରମଣ ରୋକିବା ପାଇଁ ସରକାର ଟିକାକରଣ ଉପରେ ଗୁରୁତ୍ୱ ଦେଉଥିବା ବେଳେ ଟିକାକରଣକୁ ନେଇ ଆସିଛି ଅଭାବନୀୟ ଚିତ୍ର । କଟକ ଆଠଗଡ଼ ଅଂଚଳରେ ଟିକା ପାଇଁ ଚାଲିଛି ଠେଲାପେଲା । ମାତ୍ର ୧୨୦ ଟିକା ରହିଥିବା ବେଳେ ଟିକା ପାଇଁ ଶହ ଶହ ଲୋକ ଲଗାଇଛନ୍ତି ଲାଇନ୍ । ସକାଳୁ ଆଧାର କାର୍ଡ ଧରି ଲୋକେ ଟିକାକରଣ କେନ୍ଦ୍ରରେ ଲାଇନ ଲଗାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଏଭଳି ଭିଡ଼ ଦେଖିବାକୁ ମିଳିଥିବା ବେଳେ ଆଜି ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଛି । ଲୋକେ ଲାଇନ କରି ଠିଆ ହେବାରେ ଅସୁବିଧା ହେଉଥିବାରୁ ଆଧାର କାର୍ଡ ମାଧ୍ୟମରେ ଲାଇନ ଲଗାଉଛନ୍ତିି । ଆଠଗଡ଼ ବ୍ଲକ ଗୁରୁଡ଼ିଝାଟିଆ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଏଭଳି ଭିଡ଼ ଦେଖିବାକୁ ମିଳିଛି । ଟିକାର ଏଠାରେ ଆବଶ୍ୟକତା ଅଧିକ ରହିଥିଲେ ମଧ୍ୟ ସ୍ୱାସ୍ଥ୍ୟ ବିଭାଗ ଏଥିପ୍ରତି ଗୁରୁତ୍ୱ ଦେଉନଥିବାରୁ ଏଭଳି ସ୍ଥିତି ଉପୁଜିଛି ବୋଲି ଲୋକ କହିଛନ୍ତି ।