ହୁବେଇରେ ସାମାନ୍ୟ ହେଉଛି ସ୍ଥିତି, କରୋନା ଆକ୍ରାନ୍ତଙ୍କ ସଂଖ୍ୟା କମିବାରୁ ୯୦ଦିନ ପରେ ହଟିଲା ଲକ୍ ଡାଉନ୍ । ୪ମାସ ପରେ ଘର ମୁହାଁ ହେଲେ ସହରରେ ଫସି ରହିଥିବା ଲୋକେ ।
କନକ ବ୍ୟୁରୋ: କରୋନା ଭାଇରସର ଭୟାବହତା ଭିତରେ ଆସିଛି କିଛି ଆଶ୍ୱସ୍ତିକର ଖବର । ୯୦ଦିନ ପରେ ପୁଣି ଖୋଲିଛି ଚୀନର ହୁବେଇ ପ୍ରାନ୍ତ । ଚୀନରେ କରୋନା ଭୂତାଣୁ ସଂକ୍ରମଣକୁ କିଛି ମାତ୍ରାରେ ରୋକାଯାଇଥିବା ଯୋଗୁଁ ଏବେ ସ୍ଥିତି ସ୍ୱାଭାବକ ହୋବକୁ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ଚୀନର ହୁବେଇ ପ୍ରାନ୍ତର ରାଜଧାନୀ ଉହାନରୁ ଆରମ୍ଭ ହୋଇଥିବା କରୋନା ଭୂତାଣୁ ସଂକ୍ରମଣ ରୋକିବାରେ ଚୀନ୍କୁ କିଛିଟା ସଫଳତା ମିଳିଛି । ଆକ୍ରାନ୍ତଙ୍କ ସଂଖ୍ୟା କମିବାରେ ଲାଗିଛି । ଫଳରେ ହୁବେଇରୁ ଲକ୍ ଡାଉନ ହଟାଇ ଦିଆଯାଇଛି । ହୁବେଇ ପ୍ରାନ୍ତରେ ରହୁଥିବା ପ୍ରାୟ ୫କୋଟି ୬୦ଲକ୍ଷ ଲୋକ ଏବେ ମୁକ୍ତ ହୋଇଛନ୍ତି । ୩ମାସ ଧରି ବନ୍ଦ ରହିବା ପରେ ଏବେ ଲୋକେ ବାହାରକୁ ବାହାରିବା ସହ ହୁବେଇରେ ଫସି ରହିଥିବା ଲୋକେ ଘର ମୁହାଁ ହୋଇଛନ୍ତି । ଏଥିପାଇଁ ସାଧାରଣ ପରିବହନ ସେବା ମଧ୍ୟ ଆରମ୍ଭ ହୋଇଛି । ତେବେ ହୁବେଇ ପ୍ରାନ୍ତର ରାଜଧାନୀ ଉହାନ ଏବେ ମଧ୍ୟ ଲକ୍ ଡାଉନ ବା ତାଲା ବନ୍ଦ ହୋଇ ରହିଛି । ଏପ୍ରିଲ ୮ତାରିଖ ପର୍ଯ୍ୟନ୍ତ ଏଠାରେ କଟକଣା ଲାଗିଛି ।
ହୁବେଇରେ ପରିସ୍ଥିତି ସାମାନ୍ୟ ହେବା ପରେ ହୁବେଇରୁ ବାହାରି ଫଶିରହିଥିବା ଲୋକେ ନିଜ ଘରକୁ ଫେରିଛନ୍ତି । କଟକଣା ହଟିବା ପରେ ଟ୍ରେନ ଯୋଗେ ଅନହୁଇ ପ୍ରାନ୍ତରୁ ହୁବେଇକୁ ଫେରିଛନ୍ତି ଏହି ଯୁବତୀ । ଦୀର୍ଘ ଦିନ ପରେ ନିଜ ଘରକୁ ଫେରିଥିବା ଯୋଗୁଁ ସେ ଖୁସି ପ୍ରକାଶ କରିଛନ୍ତି । ସେହିପରି ହୁବେଇରେ ବସ୍ ସେବା ମଧ୍ୟ ଆରମ୍ଭ ହୋଇଛି ।
ହୁବେଇରେ କରୋନା ଭୂତାଣୁ ସଂକ୍ରମଣର ଚିକିତ୍ସା ପାଇଁ ବିଭିନ୍ନ ଅଂଚଳରୁ ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀ ଏଠାକୁ ଆସିଥିଲେ । ହୁବେଇର ୧୪ଟି ଅସ୍ଥାୟୀ ଡାକ୍ତରଖାନାରେ ପ୍ରାୟ ୩ହଜାର ୬୭୫ ସ୍ୱାସ୍ଥ୍ୟ କର୍ମୀ ୪୧ଟି ଟିମରେ ଭାଗ ହୋଇ ସ୍ୱାସ୍ଥ୍ୟ ସେବା ଯୋଗାଉଥିଲେ । ଦୀର୍ଘ ତିନି ମାସ ଧରି ସେମାନ ଅନବରତ ଭାବେ ଚିକିତ୍ସା ସେବା ଯୋଗାଇବା ପରେ ଏବେ ସେମାନେ ମଧ୍ୟ ନିଜ ନିଜ ଘରକୁ ଫେରିଛନ୍ତି । ତାଙ୍କୁ ସମ୍ମାନ ଜଣାଇ ସୁରକ୍ଷାକର୍ମୀ ମାନେ ତାଙ୍କୁ ସାଲ୍ୟୁଟ କରିଛନ୍ତି । ସେପଟେ ଚୀନ୍ ପରେ ଇଟାଲୀରେ କରୋନା ସଂକ୍ରମଣ ବ୍ୟାପିବାରେ ଲାଗିଛି । ଫଳରେ ଚୀନ୍ର ୩ଶହ ଡାକ୍ତର ଓ ସ୍ୱାସ୍ଥ୍ୟକର୍ମା ଚିକିତ୍ସା ସେବା ଯୋଗାଇ ଦେବା ପାଇଁ ଇଟାଲୀରେ ପହଂଚିଛନ୍ତି । ସେଠାରେ ସେମାନେ ଇଟାଲୀ ଡାକ୍ତରଙ୍କ ସହ ମିଳିତ ଭାବେ କରୋନା ସଂକ୍ରମିତଙ୍କ ଚିକିତ୍ସା କରୁଛନ୍ତି ।