କନକ ବ୍ୟୁରୋ: କଂଗ୍ରେସ ନେତୃତ୍ୱରେ ଆଜି ବେଙ୍ଗାଲୁରୁରେ ବିରୋଧୀ ଦଳଙ୍କ ବୈଠକ ଆରମ୍ଭ ହେବାକୁ ଯାଉଛି । କଂଗ୍ରେସର କହିବା କଥା ଯେ ଏହି ବୈଠକ ଭାରତର ରାଜନୀତି ପାଇଁ ଗେମଚେଞ୍ଜର ସାବ୍ୟସ୍ଥ ହେବ । ସୂଚନା ଅନୁସାରେ, କଂଗ୍ରେସର କହିବା କଥା ଯେ ବିରୋଧୀ ଦଳର ନାମ ୟୁପିଏ ରଖାଯାଉ କିମ୍ବା ଅନ୍ୟ କିଛି ରଖାଯାଉ ତାହାର ନିଷ୍ପତ୍ତି ଅନ୍ୟ ବିରୋଧୀ ଦଳଙ୍କ ଉପରେ ଛାଡିଦିଆଯାଉ । କଂଗ୍ରେସକୁ ଏଥିରେ କୌଣସି ଆପତ୍ତି ନାହିଁ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସର କହିବା କଥା ଯେ ଏହି ମେଣ୍ଟର ମୁଖ୍ୟ ଦଳ କଂଗ୍ରେସ ହେଉ କାରଣ ସେ ସବୁଠାରୁ ବଡ ଦଳ । ବାକି ବିରୋଧୀ ଦଳ ଉପରେ ନିର୍ଭର କରେ ଯେ ସେ କାହାକୁ ବାଛିବେ । ସୋନିଆ ଗାନ୍ଧୀଙ୍କ ନାଁକୁ ନେଇ କୌଣସି ପ୍ରକାରର ଅଭିଯୋଗ ନାହିଁ । ସେ ପ୍ରଧାନମନ୍ତ୍ରୀ ପଦ ପାଇଁ ଦାବିଦାର ନଥିବା ବେଳେ ଏହି ବୈଠକରେ ଯୋଗଦେବା ପାଇଁ ପହଞ୍ଚିଛନ୍ତିି । ଗତ ବୈଠକରେ କିଛି ଦଳ ପକ୍ଷରୁ ନୀତିଶ କୁମାରଙ୍କୁ ମେଣ୍ଟର ସଂଯୋଜକ କରିବା ପାଇଁ ପ୍ରସ୍ତାବ ଦିଆଯାଇଥିଲା ।