ଶ୍ରୀରାମ ନବମୀ ପାଇଁ ସବୁଠି ଉତ୍ସାହ , ଅଯୋଧ୍ୟାରେ ସରଯୁ ନଦୀ କୂଳରେ କରାଯାଇଛି ପ୍ରଭୁଙ୍କ ଦିବ୍ୟ ଆଳତୀ ।
କନକ ବ୍ୟୁରୋ: ଆଜି ଶ୍ରୀରାମ ନବମୀ । ସଜେଇ ହୋଇଛି ଅଯୋଧ୍ୟା ନଗରୀ । ସବୁଠି ରାମମୟ ପରିବେଶ । ପ୍ରାଣ ପ୍ରତିଷ୍ଠା ପରେ ଆଜି ଅଯୋଧ୍ୟାରେ ପ୍ରଥମ ରାମ ନବମୀ ପାଳିତ ହେଉଛି ।ଭୋର ସମୟରେ ସରଯୁ ନଦୀ ଘାଟରେ ସ୍ୱତନ୍ତ୍ର ଆଳତୀ ଦେଖିବାକୁ ମିଳିଛି । ବ୍ରାହ୍ମ ମୂହୂର୍ତ୍ତ ସମୟରେ ଏହି ଆରତି ଆରମ୍ଭ ହୋଇଥିବାବେଳେ ଚାରିଆଡେ ମନ୍ତ୍ର ଧ୍ୱନିର ସ୍ୱର ଆହୁରି ପରିବେଶକୁ ମନ୍ତ୍ରମୁଗ୍ଧ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଚାରିଆଡେ ଭକ୍ତିମୟ ପରିବେଶ ହୋଇଥିବା ବେଳେ ସରଜୁ ନଦୀ ଘାଟରେ ଆରତି ସମୟରେ ଲକ୍ଷାଧିକ ଲୋକଙ୍କ ସମାଗମ ଦେଖିବାକୁ ମିଳିଥିଲା । ଏଥିପାଇଁ ରାତିରୁ ଅଯୋଧ୍ୟାରେ ଶ୍ରଦ୍ଧାଳୁଙ୍କ ଭିଡ଼ ଲାଗିରହିଛି । ସାର ଦେଶରୁ ୨୫ ଲକ୍ଷରୁ ଅଧିକ ଶ୍ରଦ୍ଧାଳୁ ଅଯୋଧ୍ୟାରେ ପହଂଚିବେ ବୋଲି ଆକଳନ କରାଯାଉଛି ।
ଶ୍ରଦ୍ଧାଳୁଙ୍କ ଆଗମନ ପାଇଁ ୯୦ ବିମାନ, ୧୦୦ଟି ଟ୍ରେନ୍ର ବ୍ୟବସ୍ଥା ହୋଇଛି । ଶ୍ରଦ୍ଧାଳୁଙ୍କ ଆଗମନକୁ ଦୃଷ୍ଟିରେ ରଖି ଅଯୋଧ୍ୟାରେ ବ୍ୟାପକ ଆୟୋଜନ କରାଯାଇଛି । ଆଗମନକୁ ଦୃଷ୍ଟିରେ ରଖି ସୁରକ୍ଷାରେ ମୁତୟନ ହୋଇଛନ୍ତି ୨ ହଜାର ପୋଲିସ କର୍ମୀ ।
ରାମନବମୀରେ ଅଯୋଧ୍ୟର ରାମଲାଲାଙ୍କ ମନ୍ଦିରରେ ଏଥର ଖାସ ହେବାକୁ ଯାଉଛି । ରାମଙ୍କ ନଗରୀରେ ସୂର୍ଯ୍ୟତିଳକ ବେଳେ ଦେଖିବାକୁ ମିଳିବ ଅଭୁତ ଦୃଶ୍ୟ । ରାମଲାଲାଙ୍କ ମସ୍ତକରେ ୪ ମିନିଟ ଯାଏଁ ପଡିବ ସୂର୍ଯ୍ୟଙ୍କ କିରଣ । ସମସ୍ତଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛନ୍ତି ରାମଲଲା । ରାମଲାଲାଙ୍କୁ କ୍ଷୀରରେ ଅଭିଷେକ ପରେ ସୁନା ଅଳଙ୍କାରରେ ଆଭୁଷତି କରାଯାଇଛି ।