ଗରିବ ଯୁବକଙ୍କ ସଫଳ କାହାଣୀ, ସ୍ୱପ୍ନ ପୁରଣ କରି ବନିଲେ ଆଇଏଏସ,କହିଲେ ଯଦି କଠିନ ପରିଶ୍ରମ ଏବଂ ନିଷ୍ଠା ଅଛି ତେବେ ଗନ୍ତବ୍ୟସ୍ଥଳ ଦୂର ନୁହେଁ ।
କନକ ବ୍ୟୁରୋ :କଥାରେ ଅଛି ବେଳେବେଳେ ଇଚ୍ଚା ଶକ୍ତି ଆଗରେ ପରିସ୍ଥିତି ହାର ମାନିଥାଏ । ଗରିବୀ ବେଳେବେଳେ ଆଗକୁ ବଢିବାର ସ୍ୱପ୍ନ ମାରିଦେଇଥାଏ । ଯଦି ଆପଣଙ୍କ ମନୋବଳ ଦୃଢ ଅଛି ତେବେ ସଫଳତା ନିଶ୍ଚିତ । ହଁ ସମସ୍ୟା ତ ଅନେକ ଆସିବ କିନ୍ତୁ ଆପଣଙ୍କୁ ହାର ନ ମାନି ଆଗକୁ ବଢିବାକୁ ପଡିବ । ସଫଳତା ଏମିତି ଏକ ମନ୍ତ୍ର ଯାହା ବ୍ୟକ୍ତିକୁ ସଂଘର୍ଷ କରିବା ପାଇଁ ପ୍ରେରଣା ଯୋଗାଇଥାଏ ।
Kanak News is now on WhatsApp
Join and get latest news updates delivered to you via WhatsApp
କିଏ ନଚାହେଁ ସ୍ୱପ୍ନ ପୁରଣ କରି ଆଗକୁ ବଢିବା ପାଇଁ ଏହା ପ୍ରତ୍ୟେକ ଛାତ୍ର ଛାତ୍ରୀ ଚାହାନ୍ତି କିନ୍ତୁ କିଛି ଛାତ୍ର ଛାତ୍ରୀ ଏଥିରେ ସଫଳତା ପାଇଥାନ୍ତି । ଏମିତି ଏକ ସଫଳତାର କାହାଣୀ ଆମେ ଏବେ ଆପଣଙ୍କୁ କହିବୁ ଏକ ନିପଟ ମଫସଲ ଗାଁର ଜଣେ ସାଧାରଣ ପିଲାଟିର କଥା । ବୁଲନ୍ଦସହର ର ରଘୁନାଥପୁର ଗ୍ରାମର ମୁକେଶ କୁମାରଙ୍କ ପୁଅ ପବନ କୁମାର ।
ସିଭିଲି ସର୍ଭିସ ପରୀକ୍ଷାରେ ୨୩୯ ତମ ସ୍ଥାନ ହାସଲ କରିଛନ୍ତି । ସଂଘର୍ଷ ଭରା କାହାଣୀରେ ସେ କହିଛନ୍ତି ଇଚ୍ଚାଶକ୍ତି ଅଛି ଯଦି କଠିନ ପରିଶ୍ରମ ଏବଂ ନିଷ୍ଠା ଅଛି ତେବେ ଗନ୍ତବ୍ୟସ୍ଥଳ ଦୂର ନୁହେଁ । ପବନ କୁମାର କହିଛନ୍ତି ଯେ ତାଙ୍କ ପିତା ଓ ଭଉଣୀ ଦିନ ମଜୁରିଆ ଭାବେ କାମ କରୁଛନ୍ତି । ତାଙ୍କ କାମ ପରେ ଯାଇ ସେ କୋଚିଙ୍ଗ ନେବା ସଫଳ ହୋଇପାରିଛି ।
ଘରେ ରୋଷେଇ କରିବା ପାଇଁ ଗ୍ୟାସ ବି ଆମର ନାହିଁ । ମା ଓ ଭଉଣୀ ଚୁଲିରେ ରୋଷେଇ କରିଥାନ୍ତି । ସଫଳତା ପାଇବା ପାଇଁ ପରିବାର ପୁରା ସହଯୋଗ କରିଛନ୍ତି । ସେପଟେ ପୁଅର ସଫଳତା ପରେ ବାପା ଖୁସି ହୋଇଥିବା ବେଳେ ସେ କହିଛନ୍ତି ଏତେ ସଂଘର୍ଷ ପରେ ମୋ ପୁଅ ସଫଳତା ପାଇ ମୋ ଜିଲ୍ଲା ଓ ଗ୍ରାମର ନାଁ ରଖିଛି । ଯାହାକି ମତେ ଖୁସି ଆଣିଦେଇଛି । ଏହା ପବନ କୁମାରଙ୍କ ୩ୟ ଥର ପରୀକ୍ଷା ଥିବାବେଳେ ଏଥିରେ ସେ ସଫଳତା ପାଇଥିଲେ ।