ଜେଲରୁ କେମିତି ସରକାର ଚଳାଇବେ କେଜ୍ରିୱାଲ ? ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ସ୍ୱତନ୍ତ୍ର ସୁବିଧା ପ୍ରଦାନ କରିବେ କି କୋର୍ଟ?
କନକ ବ୍ୟୁରୋ: ଜେଲରୁ କେମିତି ସରକାର ଚଳାଇବେ କେଜ୍ରିୱାଲ? କାରଣ ଜେଲରେ କଏଦୀଙ୍କ ପାଇଁ ରହିଛି କଡା ନିୟମ । ଏଠାରେ କୌଣସି ବିଶେଷ ଅଧିକାର ମିଳିନଥାଏ । ଜେଲ ମାନୁଆଲ ଅନୁସାରେ ନେତା କୌଣସି ବୈଠକ କରିପାରିବେନି । କୋର୍ଟଙ୍କ ଅନୁମତିରେ କେବଳ ନ୍ୟାୟିକ ଦସ୍ତାବିଜରେ ଦସ୍ତଖତ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଜେଲ ନିୟମ ଅନୁଯାୟୀ, ଜେଲରେ ଥାଇ କୌଣସି ଫାଇଲରେ ଦସ୍ତଖତ କଲେ ବୈଧ ହେବ ନାହିଁ । ଜେଲ ମାନୁଆଲ ଅନୁସାରେ, ସପ୍ତାହରେ ଦୁଇ ଥର କଏଦୀଙ୍କୁ ଭେଟିପାରିବେ । ଏଥିପାଇଁ କଏଦୀ ସର୍ବାଧିକ ୧୦ ଜଣଙ୍କ ନାମ ସୁପାରିଶ କରିପାରିବେ । ଭେଟଘାଟ ପାଇଁ ଟେଲିଫୋନ କରି ବୁକିଂ କରିବାକୁ ପଡି଼ଥାଏ । ଭେଟଘାଟ ତାରିଖ ଓ ସମୟ ଆଗୁଆ ନିର୍ଦ୍ଧାରଣ କରାଯାଏ ।ତାରିଖ ଓ ସମୟ ନିର୍ଦ୍ଧାରଣ କରିବେ ଜେଲ ସୁପରିଟେଣ୍ଡେଣ୍ଟଣ୍ଟ ଗୋଟିଏ ସମୟରେ ସର୍ବାଧିକ ୩ ଜଣ ହିଁ କଏଦୀକୁ ଭେଟିପାରିବେ । ତାରଜାଲି ଏପଟରେ ରହି କଏଦୀଙ୍କୁ ଭେଟି ପାରିବେ ସଂପର୍କୀୟ ସକାଳ ସାଢେ ୯ଟାରୁ ସାଢେ ୧୨ଟା ମଧ୍ୟରେ ହୋଇପାରିବ ଭେଟଘାଟ । ପିଏମଏଲଏ କୋର୍ଟଙ୍କ ଅନୁମତିରେ ଇଡି ରିମାଣ୍ଡ ସମୟରେ ଭେଟିପାରିବେ ସଂପର୍କୀୟ । ତେଣୁ ଏଭଳି ସ୍ଥିତିରେ କେଜ୍ରିୱାଲ କିପରି ଶାସନ ବ୍ୟବସ୍ଥା ଉପରେ ନଜର ରଖିବେ ସେ ନେଇ ହେଉଛି ଚର୍ଚ୍ଚା ।