ପ୍ରଥମ ଡୋଜ ନେଇଥିଲେ କୋୱିନ ପୋର୍ଟଲାରେ ସ୍ଲଟ ବୁକ ନକରି ବି ନେଇପାରିବେ ଦ୍ୱିତୀୟ ଡୋଜ । ପ୍ରଥମ ଡୋଜ ନେଇଥିବା ସ୍ଥାନରେ ମିଳିବ ଦ୍ୱିତୀୟ ଡୋଜ ଟିକା

915

କନକ ବ୍ୟୁରୋ : ସ୍ଲଟ ବୁକିଂ ନକରି ଭୁବନେଶ୍ୱରବାସୀ ନେଇପାରିବେ ଦ୍ୱିତୀୟ ଡୋଜ । ଏନେଇ ଘୋଷଣା କଲା ବିଏମସି । ଯେଉଁମାନେ ମେ ୩ରୁ ମେ ୧୪ ଭିତରେ ବିଏମସି ଅଧୀନରେ ନିଜ ପ୍ରଥମ ଡୋଜ ଟିକା ନେଇଛନ୍ତି, ସେମାନଙ୍କୁ ଦ୍ୱିତୀୟ ଡୋଜ ନେବା ପାଇଁ ଆଉ କୋୱିନ୍ ୱେବସାଇଟରେ ସ୍ଲଟ ବୁକ୍ କରି ଟିକା ନେବାକୁ ପଡ଼ିବନି । ଯେଉଁ ସ୍ଥାନରେ ପ୍ରଥମ ଡୋଜ ଟିକା ନେଇଥିଲେ ସେହି ସ୍ଥାନରେ ଦ୍ୱିତୀୟ ଡୋଜ ଟିକା ନେଇ ପାରିବେ ।
ଦ୍ୱିତୀୟ ଡୋଜ ଟିକା ନେବା ପାଇଁ କେବଳ ପ୍ରଥମ ଡୋଜ ଟିକାକରଣ ସାର୍ଟିଫିକେଟ ନେଇ ଆସିବେ । ଯିଏ ଯେଉଁ ତାରିଖରେ ପ୍ରଥମ ଡୋଜ ଟିକା ନେଇଥିଲେ, ସେହି ଅନୁସାରେ ତାଙ୍କର ଦ୍ୱିତୀୟ ଡୋଜ ଟିକା ନେବାର ତାରିଖ ଓ ସମୟ ବିଏମସି ପକ୍ଷରୁ ଜାରି କରାଯାଇଛି । ସେହି ତାରିଖ ଓ ସେହି ସମୟରେ ଆସି ନିଜର ଦ୍ୱିତୀୟ ଡୋଜ ନେଇପାରିବେ । କୋୱିନ୍ ୱେବସାଇଟକୁ ଯାଇ ପ୍ରଥମ ଡୋଜ ଟିକା ନେବାର ସାର୍ଟିଫିକେଟକୁ ନେଇ ଟିକାକେନ୍ଦ୍ର ଯିବାକୁ କୁହଯାଇଛି । ଏହି ଟିକାକରଣ ପ୍ରକିୟା କେବଳ ଭୁବନେଶ୍ୱର ମ୍ୟୁନିସିପାଲ କର୍ପୋରେସନ ଅଧୀନରେ ଲାଗୁହେବ ।

Comments are closed.