କନକ ବ୍ୟୁରୋ: ଓଡିଶା ପ୍ରଶାସନିକ ସେବା ପରୀକ୍ଷାରେ ସଫଳତା ପାଇବା ପାଇଁ କଡା ପ୍ରଶ୍ନର ମୁକାବିଲା କରିବାକୁ ପଡିଥାଏ । ଏସବୁ ପ୍ରଶ୍ନର ସମ୍ପୃକ୍ତି ରହିଥାଏ ସାମ୍ପ୍ରତିକ ଘଟଣାବଳି ଉପରେ । ଆଉ ଭାବିଚିନ୍ତି ବେଶ ଦୃଢତାର ସହିତ ଏହାର ଉତର ରଖିଥାନ୍ତି ପରୀକ୍ଷାର୍ଥୀ । ଏଥର ଓଏଏସ ପରୀକ୍ଷାରେ ପରୀକ୍ଷାର୍ଥୀମାନେ ମଧ୍ୟ କିଛି ଏପରି ପ୍ରଶ୍ନର ସମ୍ମୁଖୀନ ହୋଇଥିଲେ । ପଢ଼ନ୍ତୁ… କଣ ଥିଲା ପ୍ରଶ୍ନ ଆଉ କି ଉତ୍ତର ରଖିଥିଲେ ସଫଳ ପରୀକ୍ଷାର୍ଥୀ ।
Kanak News is now on WhatsApp
Join and get latest news updates delivered to you via WhatsApp
ଭବାନୀ ପାଟଣା ଅଂଚଳର ବିବାଦୀୟ ଯାତ୍ରା ଛତର ଯାତ୍ରାକୁ ରୋକାଯାଇପାରିବ କି?
ଆଉ ଉତରରେ ପରୀକ୍ଷାର୍ଥୀ ଋତୁପର୍ଣ୍ଣା ମହାପାତ୍ର କହିଥିଲେ ଏହି ଯାତ୍ରା ବନ୍ଦ ହେବା ତ ଦରକାର କିନ୍ତୁ ସମ୍ଭିଧାନ ଅନୁସାରେ କୌଣସି ଧାର୍ମିକ ପର୍ବକୁ ପାଳନ କରିବା ଆମର ଅଧିକାର । ତେବେ ଏହାକୁ ବନ୍ଦ କରିବା ଦିଗରେ ସଚେତନତା କରାଯାଇପାରିବ ।
ଋତୁପର୍ଣ୍ଣା ମହାପାତ୍ର, ଓଏଏସ ରାଙ୍କ-୨
ଆଉ ଏକ ପ୍ରଶ୍ନ ହେଲା, ପିଆଜ ଦରବୃଦ୍ଧିକୁ କିପରି ରୋକାଯାଇପାରିବ ? ଏହି ପ୍ରଶ୍ନର ଉତରରେ ଋତୁପର୍ଣ୍ଣା କହିଥିଲେ କମ ପଇସାରେ ଶୀତଳ ଭଣ୍ଡାର ନିର୍ମାଣ କରିବା ସହିତ ପିଆଜର ଦର ସମ୍ପର୍କିତ ସୂଚନା ସଠିକ ଭାବରେ ପହଂଚାଇବା ।
ଋତୁପର୍ଣ୍ଣା ମହାପାତ୍ର, ଓଏଏସ ରାଙ୍କ-୨
ପରୀକ୍ଷାର୍ଥୀ ଅସିମା ପାଢୀଙ୍କୁ ପ୍ରଶ୍ନ ଥିଲା, ଆପଣଙ୍କ ଅଂଚଳରେ ମହିଳା ସଶକ୍ତିକରଣ କିପରି କରାଯାଇପାରିବ ? ଏହାର ଜବାବରେ ଅସିମା କହିଥିଲେ, ସରକାରଙ୍କ ବିଭିନ୍ନ ସ୍କିମ ସମ୍ପର୍କରେ ମହିଳାମାନଙ୍କୁ ଅବଗତ କରାଯିବା ଦରକାର । ଏଥିସହ ବିଭିନ୍ନ ଅନୁଷ୍ଠାନ ଗଠନ କରି ମହିଳାମାନଙ୍କୁ ସେଥିରେ ସମ୍ପୃକ୍ତ କରାଯାଇ ସଶକ୍ତ କରାଯାଇପାରିବ । ‘
ଅସିମା ପାଢୀ, ଓଏଏସ ରାଙ୍କ-୪୬
ଆଉ ଏକ ପ୍ରଶ୍ନ ଥିଲା କିପରି ପ୍ଲାଷ୍ଟିକ କଟକଣାକୁ କାର୍ଯ୍ୟକାରୀ କରାଯାଇପାରିବ ? ଏହାର ଉତରରେ ଅସିମା କହିଥିଲେ, ପ୍ଲାଷ୍ଟିକକୁ ରିସାଇକେଲିଂ କରିବା ଉପରେ ଗୁରୁତ୍ୱ ଦେବା ସହିତ କଟକଣା ଆଇନ ସମ୍ପର୍କରେ ଲୋକମାନଙ୍କୁ ଅବଗତ କରାଯାଇପାରିବ ।
ଅସିମା ପାଢୀ, ଓଏଏସ ରାଙ୍କ-୪୬
ତେବେ ଏପରି କିଛି ପ୍ରଶ୍ନର ଉତ୍ତର ରଖି ଏହି ପରୀକ୍ଷାର୍ଥୀମାନେ ଓଏଏସ ପରୀକ୍ଷାରେ ସଫଳତା ହାସଲ କରିଥିଲେ । ଆଉ ଆଗାମୀ ପିଢ଼ୀ କିଭଳି ଏହାକୁ ଅନୁକରଣ କରି ନିଜର ଭବିଷ୍ୟତ ଗଢ଼ିବେ ଓ ବିଭିନ୍ନ ପରୀକ୍ଷା ସଫଳତା ହାସଲ କରିବେ ସେନେଇ ପରୀକ୍ଷାର୍ଥୀ ବାଟ ଦେଖାଇଛନ୍ତି ।