ନିପାହ ଭାଇରସକୁ ନେଇ ଆତଙ୍କିତ କି ? ଜାଣନ୍ତୁ ଏହି ଭୟଙ୍କର ଭାଇରସରୁ ରକ୍ଷା ପାଇବାର ଉପାୟ । ଦେଶ ବିଦେଶସ୍ପେଶାଲ୍ ରିପୋର୍ଟ By Mukesh Sahu On May 21, 2018 - 10:30 PM Last updated May 22, 2018 - 3:12 PM 58 Share Kanak News is now on WhatsApp Join and get latest news updates delivered to you via WhatsApp Join Now ଭାରତରେ ଆତଙ୍କ ଖେଳାଇଥିବା ନିପାହ ଭାଇରସ ବିଶେଷ କେରଳର କରି କୋଝିକୋଡ ଅଞ୍ଚଳରେ ବ୍ୟାପିବାର ଲାଗିଛି । ଏପରିକି ଏହି ଭାଇରସର ଶିକାର ହୋଇ ଦୁଇ ଜଣଙ୍କର ମୃତ୍ୟୁ ହୋଇଥିବା ଘଟଣା ସାମ୍ନାକୁ ଆସିଛି । ଏହାସହ ୨୫ଜଣଙ୍କ ରକ୍ତ ନମୂନାରେ ଭାଇରସ ଥିବା ଜଣାପଡିଛି । ତେଣୁ ଘଟଣା ଗମ୍ଭୀରତାକୁ ଦୃଷ୍ଟିରେ ରଖି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଜେ.ପି ନଡ୍ଡା ଏନସିଡିସିର ଏକ ପ୍ରତିନିଧି ଦଳକୁ କେରଳ ଯିବା ପାଇଁ ନିର୍ଦ୍ଦେଶ ଦେଇଛନ୍ତି । କ’ଣ ଏହି ନିପାହ ଭାଇରସ : ନିପାହ ଭାଇରସ ମୁଖ୍ୟତଃ ବାଦୁଡି ଠାରେ ଥିବା ଏକ ସଂକ୍ରମିତ ରୋଗ ବା ଭାଇରସ ଦ୍ୱାରା ହିଁ ହୋଇଥାଏ ବୋଲି ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କୁହାଯାଇଛି । ଏହି ଭାଇରସ ଫଳମୂଳରେ ଦେଖାଯାଉଥିବା ରୋଗ ହେଣ୍ଡ୍ରା ଭାଇରସ ଭଳି ଉଭୟ ମଣିଷ ଏବଂ ଫଳକୁ ମଧ୍ୟ ବ୍ୟାପିଥାଏ । ପ୍ରାରମ୍ଭିକ ପରୀକ୍ଷାରୁ ଏହି ଭାଇରସ ଖଜୁରୀ ଚାଷ କରୁଥିବା ଲୋକଙ୍କୁ ସଂକ୍ରମିତ କରିଥିବା ଜଣାପଡିଛି । ଏହାର ଲକ୍ଷଣ : ଏହି ଭାଇରସରେ ଆପଣ ଆକ୍ରାନ୍ତ ହେଲେ ଆପଣଙ୍କୁ ପ୍ରଥମେ ନିଶ୍ୱାସ ନେବାରେ ଅସୁବିଧା ହେବ । ଏବଂ ମସ୍ତିଷ୍କରେ ଜଳାପୋଡା, ମୁଣ୍ଡ ବୁଲାଇବା ଭଳି ଲକ୍ଷଣ ପ୍ରାରମ୍ଭିକ ପର୍ଯ୍ୟାୟରେ ଅନୁଭବ କରିବେ ଯଦି ଏହାର ପ୍ରାଥମିକ ଚିକିତ୍ସା ନ ହୁଏ ତେବେ ଏହି ଆକ୍ରାନ୍ତକାରୀଙ୍କ ମୃତ୍ୟୁ ହୋଇଯିବାର ଅଧିକ ଆଶଙ୍କା ଥାଏ । ଭାଇରସ ପ୍ରତିରୋଧ ପାଇଁ କ’ଣ କରିବା ଉଚିତ୍ : ବର୍ତ୍ତମାନ ପର୍ଯ୍ୟନ୍ତ ନିପାହ ଭାଇରସ ପାଇଁ କୌଣସି ଭ୍ୟାକସିନ ବାହାରି ନାହିଁ । ତେଣୁ ଏହି ଭାଇରସରୁ ରକ୍ଷା ପାଇବାକୁ ହେଲେ ମୁଖ୍ୟତଃ ଆପଣଙ୍କୁ ଖଜୁରୀ କୋଳି ଠାରୁ ଦୂରେଇ ରହିବାକୁ ପଡିବ । ଗଛରୁ ତଳେ ପଡିଥିବା ଫଳକୁ ମଧ୍ୟ ଖାଇବା ନିଷେଦ୍ଧ । ଏବଂ ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏହି ଭାଇରସ ମଣିଷଙ୍କ ଠାରୁ ଅନ୍ୟ ମଣିଷକୁ ବ୍ୟାପିଥାଏ । ତେଣୁ ସଂକ୍ରମିତ ବ୍ୟକ୍ତିଠାରୁ ଯଥା ସମ୍ଭବ ଦୂରେଇ ରହିବା ହିତକାରକ । ତେବେ ଏହି ଭାଇରସକୁ ବର୍ତ୍ତମାନ ରୋକିବା ପାଇଁ ସମସ୍ତ ପ୍ରୟାସ କରାଯାଉଛି । କାରଣ କେରଳ ପରେ ଏବେ ଭାରତର କେଉଁ କୋଣରେ ବି ଏହି ଭାଇରସର ଆତଙ୍କ ଦେଖା ଦେଇପାରେ । 58 Share FacebookTwitterGoogle+WhatsAppTelegramEmailPrint