ଚିନ୍ତା ବଢ଼ାଉଛି ସେପ୍ଟେମ୍ବର, ଖୋର୍ଦ୍ଧାରେ ଉପରମୁହାଁ କରୋନା ମିଟର: ନିୟନ୍ତ୍ରଣକୁ ଆଣିବା ପାଇଁ ବସିଲା ବୈଠକ, ସଂକ୍ରମଣ କମାଇବାକୁ ଗଞ୍ଜାମ ମଡେଲ ଉପରେ ଗୁରୁତ୍ୱ
କନକ ବ୍ୟୁରୋ: ରାଜ୍ୟରେ ଉପରମୁହାଁ କରୋନାଗ୍ରାଫ । ରାଜ୍ୟରେ ଗତ ୨୪ଘଂଟାରେ ଆଉ ୩ ହଜାର ୮୧୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨୨ ଶହ ୮୬ ସଙ୍ଗରୋଧ କେନ୍ଦ୍ରରୁ ଥିବାବେଳେ ୧୫ ଶହ ୨୪ ସ୍ଥାନୀୟ ସଂକ୍ରମଣ ରହିଛନ୍ତି । ଖୋର୍ଦ୍ଧାରେ ସର୍ବାଧିକ ୭୯୭ ପଜିଟିଭ ଚିହ୍ନଟ ହୋଇଥିବାବେଳେ କଟକରେ ୩୨୨ ଅଛନ୍ତି । ବାଲେଶ୍ୱରରୁ ୧୨୦, ବରଗଡରୁ ୩୯୬, ଭଦ୍ରକରୁ ୧୦୭, ଗଞ୍ଜାମରୁ ୧୦୮, ଝାରୁସୁଗୁଡା ୧୯୨, କେନ୍ଦ୍ରାପଡାରୁ ୧୦୩, , ମୟୁରଭଞ୍ଜରୁ ୧୪୨, , ରାୟାଗଡାରୁ ୧୦୧ ଓ ସୋନପୁରରୁ ୧୦୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଗତ ୩ ଦିନରେ ଖୋର୍ଦ୍ଧାରେ ସଂକ୍ରମଣ ଅଢ଼େଇ ହଜାର ଟପିଯାଇଛି । କେବଳ ଭୁବନେଶ୍ୱରରେ ୩ ଦିନ ଭିତରେ ଦେଢ଼ ହଜାରରୁ ଅଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । କିପରି ସ୍ଥିତି ନିୟନ୍ତ୍ରଣକୁ ଆସିବ ଏ ନେଇ ଆରମ୍ଭ ହୋଇଛି ପ୍ରଶାସନିକ ସ୍ତରରେ ତନାଘନା ।
Kanak News is now on WhatsApp
Join and get latest news updates delivered to you via WhatsApp
ନଜର ପକାନ୍ତୁ ଗତ ତିନି ଦିନରେ ଖୋର୍ଦ୍ଧାରେ କେମିତି ବଢ଼ୁଛି କରୋନା ସଂକ୍ରମଣ?
ସେପ୍ଟେମ୍ବର ୬ – ୭୯୭
ସେପ୍ଟେମ୍ବର ୫ – ୮୭୮
ସେପ୍ଟେମ୍ବର ୪ – ୮୫୯ ଟି ନୂଆ ମାମଲା ସାମନାକୁ ଆସିଛି ।
ଖୋର୍ଦ୍ଧା ଜିଲ୍ଲାରେ ସବୁଠୁ ସଂଗୀନ ସ୍ଥିତି ଦେଇ ଗତି କରୁଛି କରୋନା । ମାତ୍ର ୩ ଦିନ ମଧ୍ୟରେ ଆଢ଼େଇ ହଜାରରୁ ଅଧିକ ପଜିଟିଭ୍ ସାମନାକୁ ଆସିଛି । ତେବେ ଅଧିକ ଚିନ୍ତାଜନକ ରହିଛି ଭୁବନେଶ୍ୱରର କରୋନା ସ୍ଥିତି । ନଜର ପକାନ୍ତୁ ରାଜଧାନୀ ଭୁବନେଶ୍ୱରରେ କିପରି ବଢୁଛି କରୋନା?
ସେପ୍ଟେମ୍ବର ୫ – ୪୦୯ ନୂଆ ପଜିଟିଭ୍
ସେପ୍ଟେମ୍ବର ୪ – ୫୫୦
ସେପ୍ଟେମ୍ବର ୩ – ୫୮୦ ନୂଆ ଆକ୍ରାନ୍ତ ଚିହ୍ନଟ ହେଉଛି ।
ଖୋର୍ଦ୍ଧା ଜିଲ୍ଲା ଓ ଭୁବନେଶ୍ୱର ମହାନଗର ନିଗମରେ କିପରି ଅଣାୟତ ହୋଇ ପଡିଥିବା କୋଭିଡ ସ୍ଥିତିକୁ ନିୟନ୍ତ୍ରଣ କରାଯିବ, ଏ ନେଇ ବୈଠକ ବସିଥିଲା । ବିଶେଷ କରି ଗଂଜାମ ମଡେଲ ଉପରେ ଆଲୋଚନା ହୋଇଛି । ଗଂଜାମ କୋଭିଡ୍ ଦାୟିତ୍ୱରେ ଥାଇ ସ୍ଥିତି ସମ୍ଭାଳିଥିବା ବରିଷ୍ଠ ଆଇଏଏସ୍ ଅଧିକାରୀ ବିଶାଳ ସିଂ ଏହି ବୈଠକରେ ସାମିଲ ହୋଇଥିଲେ । କରୋନା ପରିଚାଳନା ପାଇଁ ଗଂଜାମ ପଠା ଯାଇଥିବା ଦୁଇ ବରିଷ୍ଠ ଆଇଏଏସ ଅଧିକାରୀ ପାରୁଲ ପଟୱାରୀ ଓ ବିଶାଳ ସିଂଙ୍କୁ ଖୋର୍ଦ୍ଧା ଅଣାଯାଇଛି । ଗଂଜାମ ଭଳି ଖୋର୍ଦ୍ଧା ଜିଲ୍ଲାରେ କଂଟାକ୍ଟ ଟେସିଂକୁ ଗୁରୁତ୍ୱ ଦିଆଯିବା ସହ ଆକ୍ରାନ୍ତଙ୍କୁ ତୁରନ୍ତ ଚିକିତ୍ସା ଯୋଗାଇଦେବା ପାଇଁ ନିଷ୍ପତି ନିଆଯାଇଛି ।