ଗୋଟିଏ ମିସଡ୍ କଲ୍ କରି ଆକାଉଣ୍ଟ ବାଲାନ୍ସ ଜାଣିପାରିବେ ଏସବିଆଇ ଗ୍ରାହକ । ଜାଣନ୍ତୁ, କେଉଁ ନମ୍ବରକୁ କରିବେ ମିସଡ୍ କଲ୍?
କନକ ବ୍ୟୁରୋ: ଯଦି ଆପଣଙ୍କର ଏସବିଆଇରେ ଆକାଉଣ୍ଟ ଅଛି , ଆଉ ଆପଣ ନିଜର ଆକାଉଣ୍ଟ ବାଲାନ୍ସ ଜାଣିବା ପାଇଁ ଅସୁବିଧାର ସମ୍ମୁଖୀନ ହେଉଛନ୍ତି , ତେବେ ଆପଣଙ୍କ ପାଇଁ ଆସିଛି ଖୁସି ଖବର । କେବଳ ଗୋଟିଏ ମିସଡ୍ କଲରେ ଆପଣ ଜାଣିପାରିବେ ଆପଣଙ୍କ ଆକାଉଣ୍ଟ ବାଲାନ୍ସ । ଏସବିଆଇ କ୍ୱିକ୍-ମିସଡ୍ କଲ୍ ବ୍ୟାଙ୍କିଙ୍ଗ ସର୍ଭିସରେ ଲୋକଙ୍କ ପାଖରେ ଏଭଳି ସେବା ପହଞ୍ଚାଉଛି ଷ୍ଟେଟ୍ ବ୍ୟାଙ୍କ୍ ଅଫ୍ ଇଣ୍ଡିଆ । ଯେଉଁଥିରେ କେବଳ ଗୋଟିଏ ମିସଡ୍ କଲ୍ କିମ୍ବା ମେସେଜ୍ କଲେ ହିଁ ଜଣେ ଗ୍ରାହକ ନିଜର ଆକାଉଣ୍ଟ ବାଲାନ୍ସ ଜାଣିପାରିବେ ।
Kanak News is now on WhatsApp
Join and get latest news updates delivered to you via WhatsApp
କେମିତି ଜାଣିବେ ଆପଣଙ୍କର ଆକାଉଣ୍ଟ ବାଲାନ୍ସ?
ଏସଏମଏସ୍ କିମ୍ବା ମିସଡ୍ କଲ୍ ମାଧ୍ୟମରେ ଆପଣ ନିଜର ଆକାଉଣ୍ଟ ବାଲାନ୍ସ ଜାଣିବାକୁ ଚାହୁଁଥିଲେ ପ୍ରଥମେ ଆପଣଙ୍କ ମୋବାଇଲ୍ ନମ୍ବରକୁ ଆପଣଙ୍କ ଆକାଉଣ୍ଟ ସହିତ ରେଜିଷ୍ଟର କରିବାକୁ ପଡିବ । ଯଦି ଆପଣ ଏହା କରିନାହାଁନ୍ତି, ତେବେ ଏହା ତୁରନ୍ତ କରାଇ ନିଅନ୍ତୁ । ଏହାକୁ ଆପଣ ଘରେ ବସି ମଧ୍ୟ କରିପାରିବେ । ଏଥିପାଇଁ ପ୍ରଥମେ ଆପଣ ନିଜ ମୋବାଇଲରୁ REG ଟାଇପ୍ କରିବା ସହିତ ଏଥିରେ ଆପଣଙ୍କର ଆକାଉଣ୍ଟ ନମ୍ବର ଲେଖି ଏହାକୁ ୦୯୨୨୩୪୮୮୮୮୮କୁ ପଠାଇ ଦିଅନ୍ତୁ । ଏପରି କରିବା ପରେ ଆପଣଙ୍କ ମୋବାଇଲ ନମ୍ବର ବ୍ୟାଙ୍କ ଆକାଉଣ୍ଟ ସହିତ ରେଜିଷ୍ଟର ହୋଇଯିବ ।
ଏହାପରେ ଆପଣ ଯେକୌଣସି ମୁହୂର୍ତ୍ତରେ ଆପଣଙ୍କ ରେଜିଷ୍ଟର ମୋବାଇଲ ନମ୍ବରରୁ ୦୯୨୨୩୭୬୬୬୬୬ ନମ୍ବରକୁ ମିସଡ୍ କଲ କଲେ ଆପଣ କିଛି ସେକେଣ୍ଡ ଭିତରେ ଆପଣଙ୍କ ଆକାଉଣ୍ଟ ବାଲାନ୍ସ ଜାଣିପାରିବେ । ଏହା ସହିତ ମେସେଜ୍ କରି ମଧ୍ୟ ଆପଣ ନିଜର ଆକାଉଣ୍ଟ ବାଲାନ୍ସ ଜାଣିପାରିବେ । ସେହିପରି ମିନି ଷ୍ଟେଟମେଣ୍ଟ ପାଇବାକୁ ହେଲେ ଆପଣ ନିଜର ରେଜିଷ୍ଟର ମୋବାଇଲ ନମ୍ବରରୁ MSTMT ଟାଇପ୍ କରି ଏହାକୁ ୦୯୨୨୩୭୬୬୬୬୬କୁ ପଠାଇ ଦେଲେ ଆପଣ ନିଜର ମିନି ଷ୍ଟେଟମେଣ୍ଟ ମଧ୍ୟ ପାଇପାରିବେ । ଏହା ସାହାଯ୍ୟରେ ଆପଣ ବ୍ୟାଙ୍କ୍ ଚେକ୍ ପାଇ ମଧ୍ୟ ଆବେଦନ କରିପାରିବେ ।