ତୃତୀୟ ଲହର : ଜନସ୍ୱାସ୍ଥ୍ୟ ନିର୍ଦ୍ଦେଶକ କହିଲେ, ଆମ ଦେଶରେ ବି ଆସିପାରେ ତୃତୀୟ ଲହର, ଡିଏମଇଟି କହିଲେ ତୃତୀୟ ଲହର ପାଇଁ ମାନସିକ ସ୍ତରରେ ପ୍ରସ୍ତୁତ ରହିବା ଦରକାର ।
କନକ ବ୍ୟୁରୋ : ପୃଥିବୀର ଅନେକ ଦେଶରେ ତୃତୀୟ ଲହର ଆସିଥିବା ବେଳେ କେତେକ ଦେଶରେ ଏ ପର୍ଯ୍ୟନ୍ତ ଆସିନି । ତେଣୁ ତୃତୀୟ ଲହର ପାଇଁ ଆମକୁ ମାନସିକ ସ୍ତରରେ ପ୍ରସ୍ତୁତ ହେବାକୁ ପଡିବ ବୋଲି ଡିଏମଇଟି ସିବିକେ ମହାନ୍ତି କହିଛନ୍ତି । ଡେଲଟା ପ୍ଳସ ଭେରିଆଂଟ ଆମ ଦେଶରେ ମାତ୍ର ୭ଟି ଚିହ୍ନଟ ହୋଇଛି । ତାଙ୍କୁ ଚିହ୍ନଟ କରି ଆଇସୋଲେଟ କରାଯାଇଛି । ଆଗକୁ ଯଦି କିଏ ଏମିତି ଚିହ୍ନଟ ହେବେ ତାକୁ ତୁରନ୍ତ ଆଇସୋଲେଟ କରାଗଲେ ଡେଲଟା ପ୍ଲସ ଭେରିଆଂଟ ବିଶେଷ କ୍ଷତି କରିବ ନାହିଁ ବୋଲି ଡିଏମଇଟି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ପୋଷ୍ଟ କୋଭିଡ କମ୍ପ୍ଲିକେସନ ନେଇ ପ୍ରତିକ୍ରିିୟାରେ କହିଛନ୍ତି, କୋଭିଡ ହେବା ଦ୍ୱାରା ଆପଣଙ୍କ ଶରୀରକୁ ଭାଇରସ ଅନେକ ଡ୍ୟାମେଜ କରିଦେଉଛି । ସାଇଟୋକାଇନ ଟର୍ମ ଯୋଗୁଁ ଅନେକ ଲୋକଙ୍କ ମୃତ୍ୟୁ ହେଉଛି । ଯାହା ଦ୍ୱାରା ଦ୍ୱିତୀୟ ସପ୍ତାହ ବେଳକୁ ମୃତ୍ୟୁ ହେଉଥିବା ଦେଖାଯାଇଛି । କୋଭିଡ ଦ୍ୱାରା ଅନେକ ଗୁଡିଏ ଅଙ୍ଗ ଅଚଳ ହୋଇଯିବା ପରେ ତାହା ଆଉ ସୁରକ୍ଷିତ ହୋଇ ରହୁନାହିଁ, ତାହା ଉପରେ ସେକେଣ୍ଡାରି କମ୍ପ୍ଲିକେସନ ହେବାର ଦେଖାଯାଉଛି ।
ଅନ୍ୟପଟେ ବିଭିନ୍ନ ଦେଶରେ ତୃତୀୟ ଲହର ଆସିବାର ଦେଖାଯାଉଛି, ତେଣୁ ଆମର ବି ଆସିପାରେ । ସେଥିପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି ବୋଲି କହିଛନ୍ତି, ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର । ହେଲେ, ଆଶ୍ୱସ୍ତିକର କଥା ହେଉଛି, ଦିତ୍ୱୀୟ ଲହର ଅପେକ୍ଷା ତୃତୀୟ ଲହରର ପ୍ରଭାବ କମ୍ ରହୁଛି । ତଥାପି ଆମକୁ ତୃତୀୟ ଲହର ଆସିବା ପୂର୍ବରୁ ଟୀକାକରଣକୁ ଜୋରଦାର କରିବାକୁ ପଡିବ । କେନ୍ଦ୍ର ସରକାର ଯେତେ ଟୀକା ଦେବ ସେହି ଅନୁସାରେ ଆମେ ଟିକାକରଣ କରିବୁ । ଟିକାକରଣ ନେଇ ଆମର ସମ୍ପୂର୍ଣ୍ଣ ବ୍ୟବସ୍ଥା ରହିଛି ଏବଂ ଏଥିପାଇଁ ପ୍ରସ୍ତୁତ ରହିଛୁ ବୋଲି ନିରଞ୍ଜନ ଦେଇଛନ୍ତି ।