ରାଜ୍ୟର ଅଛନ୍ତି କେତେ ଦେହଜୀବୀ ? କେଉଁ ଜିଲ୍ଲାରେ ସବୁଠାରୁ ଅଧିକ ମହିଳା ଅଛନ୍ତି ଦେହ ବ୍ୟବସାୟରେ ଲିପ୍ତ ? ବିଧାନସଭାରେ ଉତ୍ତର ରଖିଲେ ସ୍ୱାସ୍ଥ୍ୟମନ୍ତ୍ରୀ ନବ ଦାସ
କନକ ବ୍ୟୁରୋ: ରାଜ୍ୟରେ ଅଛନ୍ତି ୧୦ ହଜାରରୁ ଅଧିକ ଦେହଜୀବୀ । ଓଡିଶାର ବିଭିନ୍ନ ସ୍ଥାନରେ ୧୦ ହଜାର ୨୧୦ ଜଣ ମହିଳା ଦେହ ବ୍ୟବସାୟରେ ଲିପ୍ତ ଅଛନ୍ତି । ବିଧାନସଭାରେ ଯୌନକର୍ମୀଙ୍କ ତାଲିକା ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ ଦାସ । ରମେଶ ସାଏଙ୍କ ଅଣତାରକା ପ୍ରଶ୍ନର ଉତ୍ତରରେ ରଖିଛନ୍ତି ନବ ଦାସ ।
Kanak News is now on WhatsApp
Join and get latest news updates delivered to you via WhatsApp
ତେବେ ରାଜ୍ୟରେ କେଉଁ ଅଞ୍ଚଳରେ କେତେ ମହିଳା ଦେହ ବ୍ୟବସାୟରେ ଲିପ୍ତ ଅଛନ୍ତି ଆଉ ସେମାନଙ୍କୁ ଉକ୍ତ କୁତ୍ସିତ କାମରୁ ନିବୃତ୍ତ ପାଇଁ ସରକାର କି ପଦକ୍ଷେପ ନେଇଛନ୍ତି ତା ଉପରେ ପ୍ରଶ୍ନ କରିଥିଲେ ରମେଶ । ଆଉ ତାହାର ଉତ୍ତରରେ ମନ୍ତ୍ରୀ କହିଛନ୍ତି କି ଏହି ଯୌନକର୍ମୀଙ୍କ ନିମନ୍ତେ ଲକ୍ଷ୍ୟଭେଦୀ ପ୍ରକଳ୍ପ ମାଧ୍ୟମରେ ଓଡିଶା ରାଜ୍ୟ ଏଡସ ନିୟନ୍ତ୍ରଣ ସମିତି ଏଚଆଇଭି ଓ ଏଡସ ସମ୍ପର୍କିତ ସେବା ଓ ସୁବିଧା ଯୋଗାଇ ଆସୁଛି ।
ମୋଟ ୧୦, ୨୧୦ ଜଣ ଦେହଜୀବୀଙ୍କ ମଧ୍ୟରୁ ବାଲେଶ୍ୱରରେ ସର୍ବାଧିକ ମହିଳା ଦେହ ବ୍ୟବସାୟରେ ଲିପ୍ତ ଅଛନ୍ତି । ବାଲେଶ୍ୱରରେ ୧୦୫୦ ଜଣ ମହିଳା ଯୌନକର୍ମୀ ଭାବେ ଲିପ୍ତ ରହିଥିବା ବେଳେ କୋରାପୁଟରେ ୭୫୦, କେନ୍ଦୁଝର, ଯାଜପୁର, ଓ କେନ୍ଦୁଝରରେ ୭୦୦ ଜଣ ଲେଖାଏଁ ଦେହଜୀବୀ ଅଛନ୍ତି । ତେବେ ଢେଙ୍କାନାଳରେ ସର୍ବନିମ୍ନ ୧୫୦ ମହିଳା ଯୌନ ବ୍ୟବସାୟରେ ଲିପ୍ତ ରହିଥିଲା ଉତ୍ତରରେ କହିଛନ୍ତି ମନ୍ତ୍ରୀ ନବ ଦାଶ ।