ଭାରତ କରୁଛି କରୋନା ମୁକାବିଲା: ସଙ୍ଗରୋଧରେ ରହିପାରିଲେ ହିଁ ସୁରକ୍ଷିତ । ହେଲେ ନିଜକୁ ସଙ୍ଗରୋଧ କରି ରଖିବା ଦେଶବାସୀଙ୍କ ପାଇଁ କେତେ ସମ୍ଭବ?
କନକ ବ୍ୟୁରୋ: ନିଜେ ନିଜକୁ ବନ୍ଦୀ କରନ୍ତୁ ଜନତା । ଅତି ଆବଶ୍ୟକ ନଥିଲେ ଘରୁ ବାହାରନ୍ତୁ ନାହିଁ । ଜନତା କର୍ଫ୍ୟୁ ନେଇ ପ୍ରଧାନମନ୍ତ୍ରୀ ମୋଦିଙ୍କ ଏଭଳି ଆହ୍ୱାନ ଭିତରେ ପ୍ରଶ୍ନ ଉଠୁଛି ଯେ, ୧୩୦ କୋଟିରୁ ଅଧିକ ଜନସଂଖ୍ୟା ବିଶିଷ୍ଟ ଭାରତ ପାଇଁ ଏହା କେତେ ସମ୍ଭବ?
Kanak News is now on WhatsApp
Join and get latest news updates delivered to you via WhatsApp
କାରଣ ସାରା ଦେଶରେ କ୍ୱାରେଂଟାଇନ୍ ଅର୍ଥାତ୍ ସଙ୍ଗରୋଧ କରିବା ସହଜ ନୁହେଁ । ଏଥିପାଇଁ ସରକାର ଉପରେ ଦେଶବାସୀଙ୍କ ବିଶ୍ୱାସ ରହିବା ଜରୁରୀ । ସଙ୍ଗରୋଧ ନିର୍ଦ୍ଦେଶ ଦେବା ପୂର୍ବରୁ ସରକାର ପର୍ଯ୍ୟାପ୍ତ ପରିମାଣର ଭିତିଭୂମି ତିଆରି କରିବା ଆବଶ୍ୟକ । ଯାହାଫଳରେ ଲୋକେ ସୁରକ୍ଷିତ ଭାବେ ନିଜ ଘରେ ସଙ୍ଗରୋଧରେ ରହିପାରିବେ ।
ଦେଶବାସୀଙ୍କୁ କ୍ୱାରେଂଟାଇନ୍ ଅର୍ଥାତ୍ ସଙ୍ଗରୋଧରେ ରଖିବାକୁ ବିଶ୍ୱର ଅନେକ ଦେଶ ପାଖରେ ସେଭଳି କ୍ଷମତା ଓ ଭିତିଭୂମି ରହିଛି । ତେବେ ଭାରତରେ ଏଭଳି ବ୍ୟବସ୍ଥା ଲାଗୁ କରିବା କଷ୍ଟସାଧ୍ୟ ଏବଂ କିଛି ମାତ୍ରାରେ ଅସମ୍ଭବ ମଧ୍ୟ । କାରଣ…
– ଭାରତରେ ଅଧିକାଂଶ ଘର ଗୋଟିଏ କିମ୍ବା ଦୁଇଟି କୋଠରୀ ବିଶିଷ୍ଟ
– ଅଧିକାଂଶ ଭାରତୀୟ ଘରେ ଗୋଟିଏ ରୁମରେ ଏକାଠି ରହନ୍ତି
– ଅଧିକାଂଶ ଲୋକ ଯୌଥ ପରିବାରରେ ବାସ କରନ୍ତି
– ଆଦିବାସୀ ଓ ଗ୍ରାମାଂଚଳ ବିଶିଷ୍ଟ ଭାରତରେ ଅଧିକାଂଶ ବଡ ପରିବାର ଅର୍ଥାତ୍ ପରିବାରର ସଦସ୍ୟ ସଂଖ୍ୟା ୩ରୁ ଅଧିକ
ଦେଶରେ ୬୯ ପ୍ରତିଶତରୁ ଅଧିକ ଘରେ ଗୋଟିଏ କିମ୍ବା ଦୁଇଟି କୋଠରୀ ରହିଛି । ୧ କୋଟିରୁ ଅଧିକ ଘରେ ସ୍ୱତନ୍ତ୍ର କୋଠରୀ ସୁବିଧା ନାହିଁ । ଏଭଳି ସ୍ଥିତିରେ ପ୍ରଶ୍ନ ଉଠୁଛି ଯେ, ଲୋକେ ସାମାଜିକ ଦୂରତା ରଖିବେ କିଭଳି ।
ସର୍ଭେ କହୁଛି, ଦେଶରେ ଗୋଟିଏ କୋଠରୀ ଥିବା ଘର ସଂଖ୍ୟା ୩୭.୧ ପ୍ରତିଶତ । ୩୧. ୭ ପ୍ରତିଶତ ଘରେ ଦୁଇଟି କୋଠରୀ ସୁବିଧା ରହିଛି । ୧୪.୫ ପ୍ରତିଶତ ଘରେ ତିନିଟି କୋଠରୀ ଏବଂ ଚାରିଟି କୋଠରୀ ଥିବା ଘର ସଂଖ୍ୟା ହେଉଛି ୭.୫ ପ୍ରତିଶତ । ୨.୬ ପ୍ରତିଶତ ଘରେ ପାଂଚୋଟି ରୁମ୍ ଏବଂ ୨.୮ ପ୍ରତିଶତ ଘରେ ୬ କିମ୍ବା ତାଠାରୁ ଅଧିକ ରୁମ୍ ରହିଛି । ବଡ କଥା ହେଉଛି, ସାରା ଦେଶର ୩.୯ ପ୍ରତିଶତ ଘରେ ଏକାନ୍ତ କୋଠରୀ ଟିଏ ବି ନାହିଁ । ଦେଶରେ ଏଭଳି ମାତ୍ର ୪ କୋଟି ଘର ରହିଛି ଯେଉଁଠି ଜଣେ ବ୍ୟକ୍ତିଙ୍କ ପାଇଁ ଗୋଟିଏ ଗୋଟିଏ ରୁମ୍ ରହିଛି । ଏଭଳି ସ୍ଥିତିରେ ଦେଶରେ ମାତ୍ର ୧୫ ପ୍ରତିଶତ ଘରେ ସଙ୍ଗରୋଧ ବ୍ୟବସ୍ଥା ସମ୍ଭବ ।
ଭାରତରେ ପରିବାରର ସଦସ୍ୟ ସଂଖ୍ୟା ବୃଦ୍ଧି ପାଇଲେ, କମିଯାଏ କୋଠରୀ ସଂଖ୍ୟା । ଯୌଥ ପରିବାରରେ ଭାଗବଂଟା ବେଳେ ଘର ବି ଭାଗ ଭାଗ ହୋଇଯାଏ । ଏପରିକି ଲୋକେ ନିଜ ଘରେ ଅଲଗା ରୁମ ତିଆରି କରି ତାହା ଭଡାରେ ଲଗାଇଥାନ୍ତି । ଏଭଳି ସ୍ଥିତିରେ ପ୍ରଶ୍ନ ଉଠୁଛି, ଭାରତରେ ସଙ୍ଗରୋଧ ବ୍ୟବସ୍ଥା କେତେ ସମ୍ଭବ ।
ଭାରତ ପାଇଁ ସମ୍ଭବ କି ସଙ୍ଗରୋଧ?
– ଭାରତରେ ଅଧିକାଂଶ ଘର ଗୋଟିଏ କିମ୍ବା ଦୁଇଟି କୋଠରୀ ବିଶିଷ୍ଟ
– ଅଧିକାଂଶ ଭାରତୀୟ, ଘରେ ଗୋଟିଏ ରୁମରେ ଏକାଠି ରହନ୍ତି
– ଅଧିକାଂଶ ଲୋକ ଯୌଥ ପରିବାରରେ ବାସ କରନ୍ତି
– ଆଦିବାସୀ ଓ ଗ୍ରାମାଂଚଳ ବିଶିଷ୍ଟ ଭାରତରେ ଅଧିକାଂଶ ବଡ ପରିବାର
ଭାରତ ପାଇଁ ସମ୍ଭବ କି ସଙ୍ଗରୋଧ?
ଗୋଟିଏ କୋଠରୀ- ୩୭.୧ ପ୍ରତିଶତ
ଦୁଇଟି କୋଠରୀ- ୩୧. ୭ ପ୍ରତିଶତ
ତିନିଟି କୋଠରୀ- ୧୪.୫ ପ୍ରତିଶତ
ଚାରିଟି କୋଠରୀ- ୭.୫ ପ୍ରତିଶତ
ପାଂଚୋଟି ରୁମ୍- ୨.୬ ପ୍ରତିଶତ
୬ କିମ୍ବା ତାଠାରୁ ଅଧିକ- ୨.୮ ପ୍ରତିଶତ
ଦେଶର ୩.୯ ପ୍ରତିଶତ ଘରେ ଏକାନ୍ତ କୋଠରୀ ନାହିଁ
ମାତ୍ର ୪ କୋଟି ଘରେ ଜଣେ ବ୍ୟକ୍ତିଙ୍କ ପାଇଁ ଗୋଟିଏ ରୁମ୍ ରହିଛି
ମାତ୍ର ୧୫ ପ୍ରତିଶତ ଘରେ ସଙ୍ଗରୋଧ ବ୍ୟବସ୍ଥା ସମ୍ଭବ