କନକ ବ୍ୟୁରୋ : ଆଫଗାନିସ୍ତାନକୁ ତାଲିବାନ କବଜା କରିବା ପରେ ଭାରତର ଆଭିମୁଖ୍ୟ କ’ଣ ହେବ ଓ ପଡୋଶୀ ଦେଶ ହିସାବରେ ଭାରତ ଉପରେ ଏହାର କଣ ପ୍ରଭାବ ପଡିବ ସେ ଉପରେ ସମସ୍ତଙ୍କ ନଜର ରହିଛି । ବର୍ତମାନ ସୁଦ୍ଧା ତାଲିବାନ ନେଇ ଭାରତ ନିଜର ସ୍ଥିତି ସ୍ପଷ୍ଟ କରିନାହିଁ । କେନ୍ଦ୍ର ସରକାର ବି ଏ ବାବଦରେ କୌଣସି ଔପଚାରିକ ପ୍ରତିକ୍ରିୟା ଦେଇନାହିଁ । କିନ୍ତୁ ପାକିସ୍ତାନ ମିଡିଆକୁ ତାଲିବାନ ମୁଖପାତ୍ର କହିଛନ୍ତି, ଭାରତ ଆଫଗାନିସ୍ତାନରେ ନିଜ ସବୁ ଯୋଜନାକୁ ଶେଷ କରୁ ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ଖବର ଅନୁସାରେ ତାଲିବାନ ମ୍ରୁଖପାତ୍ର ସୋହେଲ ସାହିନ କହିଛନ୍ତି, ତାଲିବାନ ଆଫଗାନିସ୍ତାନ ମାଟିରେ ଅନ୍ୟ କୌଣସି ଦେଶ ବିରୋଧରେ ଚକ୍ରାନ୍ତ କରିବାକୁ ସୁଯୋଗ ଦେବ ନାହିଁ । ଆଫଗାନିସ୍ତାନରେ ପ୍ରାୟ ୧୭୦୦ ଭାରତୀୟ ରହୁଛନ୍ତି । ଏହାଛଡା ଭାରତ ଆଫଗାନିସ୍ତାନର ବିଭିନ୍ନ ବିକାଶମୂଳକ ଯୋଜନାରେ ପ୍ରାୟ ୩ ଆରବ ଡଲାଲର ନିବେଶ କରିଛି । ତେଣୁ ଏହାର ଭବିଷ୍ୟତ ଉପରେ ଏବେ ବଡ ପ୍ରଶ୍ନଚିହ୍ନ ସୃଷ୍ଟି ହୋଇଛି ।
ବିଶେଷଜ୍ଞଙ୍କ କହିବା ଅନୁସାରେ, ଭାରତ ଦୁଇଟି ଦିଗ ଉପରେ ବିଚାର କରିପାରେ । ପ୍ରଥମ କଥା ହେଲା, ଭାରତ ଆଫଗାନିସ୍ତାନ ସହ ସମ୍ପର୍କ ରଖିବ । ଦ୍ୱିତୀୟ କଥା ହେଲା, ୯୦ ଦଶକ ଭଳି ସମସ୍ତ ସମ୍ପର୍କ ଛିନ୍ନ କରିବ । ତେବେ ବର୍ତମାନ ଯାହା ସ୍ଥିତି, ଭାରତର ଔପଚାରିକ ମନ୍ତବ୍ୟକୁ ଅପେକ୍ଷା କରାଯାଇଛି ।