ମୋବାଇଲ ଇଣ୍ଟରନେଟ୍ ଫେରିବା ପରେ କେମିତି ଅଛି ସମ୍ବଲପୁରର ସ୍ଥିତି ? କେତେ ଖୁସି ଅଛନ୍ତି ଲୋକେ ? ୧୧ ଦିନ ପରେ ସ୍ୱାଭାବିକ ନେଟ୍ ସେବା
କନକ ବ୍ୟୁରୋ : ସମ୍ବଲପୁରରେ ସ୍ୱାଭାବିକ ହୋଇଛି ମୋବାଇଲ ଇଣ୍ଟରନେଟ । ଗତକାଲିଠୁ ନେଟ ସେବା ସ୍ୱାଭାବିକ ହୋଇଥିଲା ବେଳେ ଲୋକେ ଖୁସି ହୋଇଛି । ଇଣ୍ଟରନେଟ ସୁବିଧା ମିଳିବା ପରେ ସ୍ୱାଭାବିକ ଢଙ୍ଗରେ ବ୍ୟବସାୟୀ ଓ ସରକାରୀ କାର୍ଯ୍ୟାଳୟର ଅନଲାଇନ କାମ ସ୍ୱାଭାବିକ ହୋଇଛି । ପିଲାମାନେ ଅନଲାଇନ ପାଠ ପଢିବା ସୁବିଧା ପାଇଛନ୍ତି । ହନୁମାନ ଜୟନ୍ତୀରେ ହିଂସାକାଣ୍ଡ ପରେ ସୋସିଆଲ ମିଡିଆରେ ହିଂସା, ବିଦ୍ୱେଷ ସୃଷ୍ଟିକାରୀ ଗୁଜବ ପ୍ରଚାର ହେବାର ଆଶଙ୍କା କରିଥଲା ପ୍ରଶାସନ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସହରର ଶାନ୍ତି ଶୃଙ୍ଖଳା ବଜାୟ ରଖିବାକୁ ଗତ ୧୩ ତାରିଖରୁ ସମଗ୍ର ଜିଲ୍ଲାରେ ଇଣ୍ଟରନେଟ ସେବା ବନ୍ଦ କରିଦିଆଯାଇଥିଲା । ଫଳରେ ଦୀର୍ଘ ୧୧ ଦିନ କାଳ ଅନଲାଇନ ସେବା ଓ ଏଣ୍ଟରଟେନମେଣ୍ଟରୁ ବଞ୍ଚିତ ହୋଇଥିଲେ ଲୋକେ । ଆଜିର ଦିନରେ ମୋବାଇଲ ଏକ ଜରୁରୀ ସାମଗ୍ରୀ ପାଲଟିଯାଇଛି । ପ୍ରାୟ କଥାରେ ମୋବାଇଲ ଉପରେ ନିର୍ଭରଶୀଳ ହୋଇପଡିଥିବା ମଣିଷଙ୍କ ପାଇଁ ମୋବାଇଲ ଇଣ୍ଟରନେଟ ବନ୍ଦ ହେଲେ କଣ ଅସୁବିଧା ହୁଏ ଏହା ସମ୍ବଲପୁରବାସୀଙ୍କ ଠାରୁ ଆଉ କିଏ ଅଧିକ ବୁଝି ପାରିବ । ସ୍ଥିତିରେ ସୁଧାର ଆସିବା ପରେ ୧୧ ଦିନର ବନ୍ଦ ପରେ ଇଂଟରନେଟ ସେବା ସ୍ୱଭାବିକ ହୋଇଛି ।