ଗରିବଙ୍କ ପାଇଁ ନୁହେଁ ଫାଇଜର ଟୀକା ! କରୋନା ରୋକିବାରେ ପ୍ରଭାବୀ ବୋଲି ଦାବି କିନ୍ତୁ ଭାରତ ଭଳି ଦେଶରେ ଆମଦାନୀ ନୁହେଁ ସମ୍ଭବ
କନକ ବ୍ୟୁରୋ : ଗରିବ ପାଇଁ ନୁହେଁ ଫାଇଜର କରୋନା ଟିକା । କାରଣ, ଏହି ଟିକାକୁ ସୁରକ୍ଷିତ ଭାବେ ଆଣି ରୋଗୀଙ୍କୁ ଦେବା ଏତେ ସହଜ ନୁହେଁ । ମାଇନସ୍ ୭୦ ଡିଗ୍ରୀ ସେଲସିୟସରେ ଟିକାକରଣ କେନ୍ଦ୍ରକୁ ଆଣି ୫ ଦିନ ଭିତରେ ଟିକା ଦେଲେ ଏହା ଉପଯୋଗୀ ହେବ ବୋଲି ଆଶା କରାଯାଉଛି । ଏଭଳି ସ୍ଥିତିରେ ଭାରତ ଭଳି ଦେଶ ଏଭଳି ଟିକା ଆମଦାନ କରି ରୋଗୀଙ୍କୁ ଦେବା ଏତେ ସହଜ ହୋଇନପାରେ ।
Kanak News is now on WhatsApp
Join and get latest news updates delivered to you via WhatsApp
ତେବେ ଚୀନ, ଜାପାନ ଏବଂ ଇଲଣ୍ଡ ଭଳି ଦେଶ ଏହି ଫାଇଜର ଟିକା ଦେବା ପାଇଁ ପ୍ରକ୍ରିୟା ଆରମ୍ଭ କରିଦେଇଛନ୍ତି । ଦୁଇ ଦିନ ତଳେ ପି- ଫାଇଜର ଓ ବାଇଓ-ଏନ-ଟେକ୍ ଦ୍ୱାରା ମିଳିତ ଭାବେ ପ୍ରସ୍ତୁତ ଟିକା କରୋନା ରୋକିବାରେ ୯୦ ପ୍ରତିଶତ ପ୍ରଭାବି ବୋଲି ନିର୍ମାତାଙ୍କ ପକ୍ଷରୁ କୁହାଯାଇଥିଲା । ଏହି କୋଭିଡ୍ ଟିକାର ଏବେ ତୃତୀୟ ପର୍ଯ୍ୟାୟ ପରୀକ୍ଷଣ ଜାରି ରହିଛି । କମ୍ପାନୀ ପକ୍ଷରୁ କୁହାଯାଇଛି, ଟିକାର ପ୍ରଥମ ଡୋଜ୍ ଦେବାର ୨୮ ଦିନରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରୁଛି ଓ ଦ୍ୱିତୀୟ ଡୋଜ୍ ଦେବାର ୭ ଦିନ ମଧ୍ୟରେ ରୋଗୀକୁ ସୁରକ୍ଷା ଦେଉଛି ।
ଫାଇଜରର ସିଇଓ ଆଲବର୍ଟ କହିଛନ୍ତି, ତାଙ୍କ କମ୍ପାନୀ ଦ୍ୱାରା ବିକଶିତ କରାଯାଇଥିବା ଟିକାର ତୃତୀୟ ପର୍ଯ୍ୟାୟ ମାନବ ପରୀକ୍ଷଣରୁ ସ୍ପଷ୍ଟ ହୋଇଛି ଯେ ଏହା କୋଭଡ-୧୯ ମୁକାବିଲା ପାଇଁ କେତେ ସକ୍ଷମ । ଏଥିସହ ଖୁବ୍ ଶୀଘ୍ର ବିଶ୍ୱ ସମସ୍ୟାକୁ ଶେଷ କରିବାରେ ନିକଟତର ହେବେ ବୋଲି ଆଶା ପ୍ରକଟ କରିଛନ୍ତି । ଏହି କମ୍ପାନୀ ୨୦୨୦ରେ ୫୦ ମିଲିୟନ ଡୋଜ୍ ଓ ୨୦୨୧ରେ ୧.୩ ବିଲିୟନ ଡୋଜ୍ ଯୋଗାଇ ପାରିବ ବୋଲି ସେ ଆକଳନ କରିଛନ୍ତି । ହେଲେ ଏହି ଟିକାର ଆମଦାନି ଓ ଟିକାକରଣକୁ ନେଇ ଏବେ ବଡ଼ ପ୍ରଶ୍ନବାଚୀ ସୃଷ୍ଟି ହୋଇଛି ।