କେମିତି ଜେଲ ଭିତରେ ରହୁଛନ୍ତିି କଏଦୀ? ସାମ୍ନାକୁ ସତ ଆଣିଲା କନକ ନ୍ୟୁଜ୍ । ବଡ ଅଭିଯୋଗ ଆଣିଲେ ନିତ୍ୟ କିଶୋର ଦାସ
କନକ ବ୍ୟୁରୋ: ଜେଲ ଭିତରେ କଣ ଚାଲିଛି? ଏହି କଥା ଜାଣିବାକୁ ଲୋକଙ୍କ ଭିତରେ ସ୍ୱତନ୍ତ୍ର ଆଗ୍ରହ ଥାଏ । କିନ୍ତୁ ଜେଲ ଭିତରର ଭିତିରି କଥା ସହଜରେ ପଦାକୁ ଆସେନି । କିନ୍ତୁ କନକ ନ୍ୟୁଜକୁ ସ୍ୱତନ୍ତ୍ର ସୂଚନା ଦେଇ ଜେଲ ଫୁଡ ସପ୍ଲାୟର ଏକ ବଡ ଖୁଲାସା କରିଛନ୍ତି । କହିଛନ୍ତି, ଜେଲରେ କଏଦୀଙ୍କ ପାଇଁ ଫ୍ୟାନ ଓ ଟିଭିର ବ୍ୟବସ୍ଥା ରହିଛି । ସନ୍ଧ୍ୟା ୬ଟା ସୁଦ୍ଧା କଏଦୀଙ୍କୁ ଖାଇବା ଦିଆଯାଏ । ବନ୍ଦୀମାନଙ୍କ ଭିତରେ ନିର୍ବାଚନ ହୁଏ ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ଜେଲରେ କଏଦୀଙ୍କୁ ଖାଦ୍ୟ ଯୋଗାଇବା ପାଇଁ କେମିତି ଟେଣ୍ଡର ଫିକ୍ସିଂ ହୁଏ ତାର ଗୁମର ଖୋଲିଛନ୍ତି ଫୁ୍ଡ ସପ୍ଲାୟର । ଅଭିଯୋଗ କରି କହିଛନ୍ତି,
- ଜେଲକୁ ଆସୁଥିବା ଖାଦ୍ୟ ସାମଗ୍ରୀ ବାଟମାରଣା ହୁଏ
- ଜେଲରେ ଖାଦ୍ୟ ଯୋଗାଇବା ଟେଣ୍ଡର ପାଇବା ପାଇଁ ଫିକ୍ସିଂ ହୁଏ
- ଟେଣ୍ଡର ପାଇଁ ମୋଟା ଅଙ୍କର ଟଙ୍କା ଦେବାକୁ ପଡେ
- ମୂଷା ଖାଇଯିବା ନାଁରେ ବସ୍ତାପିଛା ୫କେଜି କଟାଯାଏ
- ଜେଲ କର୍ତ୍ତୃପକ୍ଷଙ୍କ ସହ ଭିତିରିଆ ସମ୍ପର୍କ ଥିଲେ ସୁବିଧା ମିଳେ
ତେବେ ଗୋଟିଏ ପଟେ ଜେଲର ଭିତିରି କଥା ପଦାକୁ ଆସୁଥିବାବେଳେ, ଆଉ ଗୋଟିଏ ପଟେ, ରାଜ୍ୟର ସର୍ବବୃହତ ଜେଲ ନିର୍ମାଣ ପାଇଁ ଯୋଜନା କରିଛନ୍ତି ସରକାର । ସୂଚନା ଅନୁସାରେ, ଜାମୁଝରିରେ ନିର୍ମାଣ ହେବ ରାଜ୍ୟର ସର୍ବବୃହତ ଜେଲ । ଏହି ଜେଲରେ ରହିପାରିବେ ୨୫୦୦ କଏଦୀ । ଜେଲରେ ରହିବ, ହସ୍ପଟାଏ, ଆମ୍ଫି ଥିଏଟର, ଲାଇବ୍ରେରୀ, ଜିମ୍, ବେକରି ୟୁନିଟ, ଫୁଡପ୍ରସେସିଂ ୟୁନିଟ୍ । ଜେଲ ନିର୍ମାଣ ଶେଷ ହେବା ପରେ ଝାରପଡା ଜେଲର କଏଦୀଙ୍କୁ ସେଠାକୁ ସ୍ଥାନାନ୍ତର କରାଯିବ ।
ଗତ କିଛି ବର୍ଷ ଭିତରେ ବହୁ ସଂସ୍କାର ଆସିଥିଲେ ବି ଜେଲର ଅବ୍ୟବସ୍ଥାକୁ ନେଇ ଅନେକ ସମୟରେ ପ୍ରଶ୍ନ ଉଠେ । ଏପରିକି କଏଦୀଙ୍କୁ ମୌଳିକ ସୁବିଧା ମିଳୁନଥିବା ଅଭିଯୋଗ ହୁଏ । ହାଇପ୍ରୋଫାଇଲ ଅପରାଧୀଙ୍କୁ ସ୍ୱତନ୍ତ୍ର ସୁବିଧା ମିଳେ ବୋଲି ଅଭିଯୋଗ ହୁଏ । ଯାହା ଜେଲ ବ୍ୟବସ୍ଥାକୁ ନେଇ ଅନେକ ସମୟରେ ବଡ ପ୍ରଶ୍ନବାଚୀ ଛିଡା କରିଥାଏ ।