ଗର୍ଭପାତ : ଆଇନ ସମ୍ମତ ! ଆୟରଲାଣ୍ଡରେ ଗର୍ଭପାତକୁ ମିଳିଲା ଅନୁମତି, ୨୦୧୨ରେ ଭାରତୀୟ ଦାନ୍ତ ଡାକ୍ତରଙ୍କ ମୃତ୍ୟୁ ପରେ ଜୋର ଧରିଥିଲା ଆନ୍ଦୋଳନ
କନକ ବ୍ୟୁରୋ: ଆବର୍ସନ ବା ଗର୍ଭପାତକୁ ଆୟରଲାଣ୍ଡରେ ମିଳିଲା ଅନୁମତି । ଶନିବାର ଏହାକୁ ଆଇନଗତ ସ୍ୱୀକୃତି ପ୍ରଦାନ କରିଛି ଆୟରଲାଣ୍ଡର ସଂସଦ । ଏହି ପ୍ରସଙ୍ଗ ଏଇଥିପାଇଁ ଗୁରୁତ୍ୱପୂର୍ଣ୍ଣ, କାରଣ ୨୦୧୨ ମସିହାରେ ଗର୍ଭପାତ କରିବାକୁ ଅନୁମତି ନମିଳିବାରୁ ଜଣେ ଭାରତୀୟ ମହିଳାଙ୍କ ଆୟରଲାଣ୍ଡରେ ମୃତ୍ୟୁ ହୋଇଥିଲା । କର୍ଣ୍ଣାଟକର ସବିତା ହାଲପନ୍ନାଭାରଙ୍କ ଗର୍ଭରେ ସଂକ୍ରମଣ ସତ୍ୱେ ତାଙ୍କୁ ଗର୍ଭପାତ କରାଇବାକୁ ଅନୁମତି ଦେଇନଥିଲା ସେଠାକାର ଆଇନ ବ୍ୟବସ୍ଥା । ଏହି ଭାରତୀୟ ଦାନ୍ତ ଡାକ୍ତରଙ୍କ ବାରମ୍ବାର ଅନୁରୋଧ ପରେ ବି ଆୟରଲାଣ୍ଡ ସମ୍ବିଧାନରେ ଥିବା କଟକଣା ଯୋଗୁଁ ଗର୍ଭପାତ କରିବାକୁ ଦିଯାଇନଥିଲା । ଆଉ ଶେଷରେ ତାଙ୍କର ମୃତ୍ୟୁ ହୋଇଗଲା ।
Kanak News is now on WhatsApp
Join and get latest news updates delivered to you via WhatsApp
ହେଲେ ସେବେଠାରୁ ଆୟରଲାଣ୍ଡରେ ଥିବା ଏହି ଆଇନ କଟକଣାକୁ ନେଇ ଯେଉଁ ଆନ୍ଦୋଳନ ମୁଣ୍ଡ ଟେକିଥିଲା, ଶେଷରେ ତାର ବିଜୟ ହୋଇଛି । ଜୀବନ, ମରଣ ପରିସ୍ଥିତିରେ ଗର୍ଭପାତକୁ ଅନୁମତି ଦେବା ସପକ୍ଷରେ ହୋଇଥିବା ଜନମତରେ ୬୬ ପ୍ରତିଶତ ଭୋଟ ପଡିଥିଲା । ଏହାପରେ ଆୟରଲାଣ୍ଡ ସମ୍ଭିଧାନରେ ଥିବା ଅଷ୍ଟମ ପରିଚ୍ଛେଦକୁ ସଂଶୋଧନ କରାଯାଇଛି । ନୂଆ ସଂଶୋଧନ ଅନୁସାରେ ମାଆ କିମ୍ବା ଗର୍ଭରେ ଥିବା ଛୁଆର ଜୀବନ ସଂକଟାପନ୍ନ ଥିଲେ ଗର୍ଭପାତ କରାଯାଇ ପାରିବ ।