ତାଳପତ୍ରରୁ ତିଆରି ହେଉଛି ଘରକରଣା ସାମଗ୍ରୀ । ବାହାନଗା କୋଚିଆକୋଇଲି ଗାଁର ୨୨ ଜଣ ମହିଳା ହେଉଛନ୍ତି ଉପକୃତ
କନକ ବ୍ୟୁରୋ : ତାଳ ପତ୍ରରୁ ତିଆରି ହେଉଛି ସୁନ୍ଦର ସୁନ୍ଦର ଘରକରଣା ସାମଗ୍ରୀ । ତାଳ ଗଛର ପତ୍ରରୁ ଆସନ, କୁଂଚିରୁ ଫୁଲ ଡାଲା, ଭୋଗ ଡାଲା, ଛାଂଚୁଣି, ମାଛଧରା ଖଇଁଚି, ମୁଗୁରା, ଚାଉଳ ଧୂଆ ଭଳି ବିଭିନ୍ନ ସାମଗ୍ରୀ ପ୍ରସ୍ତୁତ କରୁଛନ୍ତି ମହିଳା । ବାଲେଶ୍ୱର ବାହାନଗା ବ୍ଲକ କୋଚିଆକୋଇଲି ଗାଁର ୨୨ ଜଣ ଏସଏଚଜି ମହିଳା ଏଭଳି କିଛି କାମ କରି ନିଜେ ସ୍ୱାବଲମ୍ବୀ ହୋଇପାରିଛନ୍ତି । ପ୍ରଥମେ ଗାଁ ଗହଳିରେ ଥିବା ତାଳ ଗଛରୁ କଂଚା ମାଲ ସଂଗ୍ରହ କରିବା ପରେ ଏହାକୁ ଶୁଖାଇ ରଖନ୍ତି ମହିଳା । ଘର କାମ ପରେ ଦିନକୁ ୬ରୁ ୭ ଘଂଟା ପରିଶ୍ରମ କରି ମାସକୁ ୮ରୁ ୧୦ ହଜାର ଟଙ୍କା ରୋଜଗାର କରୁଛନ୍ତି । ଏସଏଚଜି ମହିଳାଙ୍କ ବ୍ୟତିତ ଏହି କାମରେ ପାଖାପାଖି ଶହେରୁ ଅଧିକ ମହିଳା ନିୟୋଜିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମହିଳା ମାନେ ପ୍ରସ୍ତୁତ କରୁଥିବା ଏହି ସବୁ ସାମଗ୍ରୀ ଗୁଡ଼ିକ ବାରିକପୁର, ଭଦ୍ରକ, ସୋର ଅଂଚଳରେ ବିକ୍ରି କରାଯାଉଛି । ଏହା ସହ ବିଭିନ୍ନ ମେଳା ମହୋତ୍ସବରେ ଷ୍ଟଲ ଲଗାଇ ଏହାକୁ ବିକ୍ରି କରୁଛନ୍ତି ମହିଳା । ସବୁଠାରୁ ବିଡ଼ମ୍ବନାର ବିଷୟ ହେଉଛି ମହିଳା ମାନେ ପ୍ରସ୍ତୁତ କରୁଥିବା ହାତ ତିଆରି ସାମଗ୍ରୀ ଗୁଡ଼ିକୁ ସାଇତି ରଖିବା ପାଇଁ ସ୍ଥାୟୀ ଗୃହଟିଏ ନାହିଁ । ପ୍ରଶାସନ ପକ୍ଷରୁ ଏକ ସ୍ଥାୟୀ ଗୃହ ଯୋଗାଇ ଦିଆଗଲେ ସେମାନେ ଉପକୃତ ହୋଇପାରନ୍ତେ ବୋଲି କହିଛନ୍ତି ।
ଦିନରେ ନିଜ ଖର୍ଚ୍ଚ ପାଇଁ ଅନ୍ୟ ମାନଙ୍କ ଉପରେ ନିର୍ଭର କରୁଥିବା ମହିଳା ଏବେ ଆତ୍ମନିର୍ଭର ହୋଇଛନ୍ତି । ଅନ୍ୟ ମହିଳା ମାନଙ୍କ ପାଇଁ ପ୍ରେରଣା ପାଲଟିଛନ୍ତି ।