ରେଳ ବଜେଟରେ ଓଡିଶାକୁ ଅଣଦେଖା ପ୍ରସଙ୍ଗ: ବାଚସ୍ପତିଙ୍କ ଅଧ୍ୟକ୍ଷତାରେ ଚାଲିଥିଲା ଗୃହ କମିଟି ବୈଠକ, ଅପମାନର ଅଭିଯୋଗ ଆଣିଲେ, ଅସନ୍ତୋଷ ହୋଇ ଅଧାରୁ ଉଠି ପଳାଇ ଆସିଲେ ବିରୋଧୀଦଳ ମୁଖ୍ୟ ସଚେତକ ।
କନକ ବ୍ୟୁରୋ: ରେଳ ବଜେଟରେ ଓଡିଶାକୁ ଅଣଦେଖା ପ୍ରସଙ୍ଗ । ବାଚସ୍ପତିଙ୍କ ଅଧ୍ୟକ୍ଷତାରେ ବସିଲା ରେଳବାଇ ସଂପର୍କିତ ଗୃହ କମିଟିର ବୈଠକ । ତେବେ ଏହି ବୈଠକରେ ରେଳ ଅନୁଦାନ ଦେଇ ଆଲୋଚନା ଚାଲିଥିବାବେଳେ ସମସ୍ତଙ୍କୁ ଚକିତ କଲା ଭଳି ଦୃଶ୍ୟ ଦେଖିବାକୁ ମିଳିଛି । ବୈଠକ ଅଧାରୁ ଉଠି ପଳାଇଆସିଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମାଝୀ । ଆଉ କ୍ଷୋଭର ସହ କହିଲେ, ବୈଠକରେ ଉପସ୍ଥିତ ଅଧିକାରୀ କୌଣସି ଉତ୍ତର ଦେଉନାହାନ୍ତି । ତେଣୁ ସେ କାଲି ରେଳ ମନ୍ତ୍ରୀଙ୍କୁ ଭେଟିବାକୁ ଦିଲ୍ଳୀ ଯିବେନି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଆସନ୍ତାକାଲି ସନ୍ଧ୍ୟା ୭ଟାରେ ଦିଲ୍ଲୀ ଯାଇ କେନ୍ଦ୍ର ରେଳ ମନ୍ତ୍ରୀଙ୍କୁ ଭେଟି ଦାବି ଅବଗତ କରିବ ଗୃହ କମିଟି । ଆଉ କେଉଁ କେଉଁ ଦିଗ ନେଇ ଦାବି ରହିବ ସେ ନେଇ ଆଜିର ଗୃହ କମିଟି ବୈଠକରେ ନିଷ୍ପତି ହୋଇଛି । ସେପଟେ ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝୀଙ୍କ ଏଭଳି ଅଚାନକ୍ ବୈଠକ ଛାଡ଼ି ପଳେଇ ଆସିବା ସାଧାରଣରେ ଅନେକ ପ୍ରଶ୍ନ ଉଠାଇଛି ।