ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାଁରେ ମହାଭିଯୋଗର ହେବ ଭୋଟିଂ । ପ୍ରତିନିଧୀ ସଭାରେ ଭୋଟିଂ ପାଇଁ ସରିଲାଣି ସବୁ ପ୍ରକ୍ରିୟା
କନକ ବ୍ୟୁରୋ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଆସିଥିବା ମହାଭିଯୋଗ ପ୍ରସ୍ତାବ ନେଇ ଭୋଟିଂ ହେବ । ଏଥିନେଇ ସବୁ ପ୍ରକ୍ରିୟା ଶେଷ ହୋଇସାରିିଛି । ଆମେରିକାର ପ୍ରତିନିଧି ସଭା ମହାଭିଯୋଗ ନେଇ ଭୋଟିଂ ନିଷ୍ପତିକୁ ଔପଚାରିକ ରୂପ ଦେଇସାରିଛି । ରାଷ୍ଟ୍ରପତି ଟ୍ରମ୍ପଙ୍କ ନାଁରେ ଦୁର୍ନୀତି ବିରୋଧ ମାମଲାର ତଦନ୍ତରେ ୟୁକ୍ରେନ୍ ଉପରେ ଚାପ ପକାଇଥିବା ଅଭିଯୋଗ । ତେବେ ଏହି ଅଭିଯୋଗକୁ ଅସ୍ୱୀକାର କରିଛନ୍ତି ଟ୍ରମ୍ପ । ଆମେରିକାର ଜାତୀୟ ଗଣମାଧ୍ୟମ ଏଜେନ୍ସି ଏଏଫପି ସୂଚନା ଅନୁସାରେ ଆମେରିକା କଂଗ୍ରେସର ନିମ୍ନ ସଦନ ଟ୍ରମ୍ପଙ୍କ ସମସ୍ୟାକୁ ଅଧିକ ବଢାଇ ଦେଇଛି । ଟ୍ରମ୍ପ ନିଜର ପ୍ରତିଦ୍ୱନ୍ଦ୍ୱୀ ଡେମୋକ୍ରାଟିକ ପାର୍ଟିର ନେତା ଜୋ ବାଇଡେନ ଏବଂ ତାଙ୍କ ପୁଅ ବିରୋଧରେ ୟୁକ୍ରେନର ଗ୍ୟାସ୍ ଏଜେନ୍ସି ବୁରିସ୍ମାର ଏକ ଭିତିହୀନ ଅଭିଯୋଗର ତଦନ୍ତ ପାଇଁ ୟୁକ୍ରେନ ଉପରେ ଚାପ ପକାଇଥିବା ନେଇ ଅଭିଯୋଗରେ ଛନ୍ଦି ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମେରିକା ପ୍ରତିନିଧି ସଭାର ବାଚସ୍ପତି ନେନ୍ସି ପଲୋସୀ ରାଷ୍ଟ୍ରପତି ଟ୍ରମ୍ପଙ୍କ ବିରୋଧରେ ମହାଭିଯୋଗର ପ୍ରକ୍ରିୟା ଆରମ୍ଭ କରିବାକୁ ଘୋଷଣା କରିଛନ୍ତି । ତେବେ ଏହି ମହାଭିଯୋଗ ପ୍ରସ୍ତାବ ଭୋଟିଂକୁ ଗଲେ ମଧ୍ୟ ଏହା ପାରିତ ହେବା କଷ୍ଟକର ହେବ । କାରଣ ଆମେରିକାର ସିନେଟରେ ରିପବ୍ଲିକାନ୍ ପାର୍ଟି ବହୁମତରେ ରହିଛି । ଟ୍ରମ୍ପଙ୍କୁ ରାଷ୍ଟ୍ରପତି ପଦରୁ ହଟାଇବାକୁ ହେଲେ ୨୦ ଜଣ ରିପବ୍ଲିକାନ୍ ସାଂସଦଙ୍କ ଭୋଟ୍ ଟ୍ରମ୍ପଙ୍କ ବିରୋଧରେ ଯିବା ଆବଶ୍ୟକ । ଆମେରିକାର ସଂଘୀୟ ବ୍ୟବସ୍ଥା ଅନୁସାରେ ଏଠାରେ ଦୁଇ ସଦନ ରହିଛି । ଗୋଟିଏ ପ୍ରତିନିଧି ସଭା ଓ ଅନ୍ୟଟି ସିନେଟ୍ । ଆମେରିକାର ସଂବିଧାନ ଅନୁସାରେ ପ୍ରତିନିଧି ସଭାରେ ବହୁମତ ପାଇବା ପରେ ମହାଭିଯୋଗ ପ୍ରକ୍ରିୟା ଆରମ୍ଭ ହୋଇଥାଏ ।