ସହଯୋଗ କରୁନାହିଁ ଅଷ୍ଟ୍ରେଲିଆର ହସ୍ପିଟାଲ୍। ବାପାଙ୍କୁ ଫେରାଇ ଆଣିବାକୁ ଝିଅର କରୁଣ ନିବେଦନ।
କନକ ବ୍ୟୁରୋ: ହୃଦଘାତ ଶିକାର ବାପାଙ୍କୁ ଭୁବନେଶ୍ୱର ଫେରାଇ ଆଣିବା ପାଇଁ ନିବେଦନ କରିଛନ୍ତି ଝିଅ ସ୍ମିତା ସାମଲ । ଗୋଟିଏ ପଟେ ଲାଇଫ୍ ସପୋର୍ଟ ସିଷ୍ଟମ ଖୋଲି ଦେବାକୁ କହୁଛନ୍ତି ସିଡନୀ ସ୍ଥିତ ରୟାଲ୍ ପ୍ରିନ୍ସ ଆଲ୍ଫ୍ରେଡ୍ ହସପିଟାଲ କର୍ତୃପକ୍ଷ । ଅନ୍ୟପଟେ ଓଡ଼ିଶାକୁ କିପରି ଅଣା ଯାଇପାରିବ, ଏ ନେଇ ମଧ୍ୟ ସହଯୋଗ କରୁନାହିଁ ଅଷ୍ଟ୍ରେଲିଆର ଏହି ହସପିଟାଲ୍ । ଏ ନେଇ ପଦକ୍ଷେପ ନେବାକୁ ବୈଦେଶିକ ମନ୍ତ୍ରାଳୟ, ଭାରତୀୟ ଦୂତାବାସ ଏବଂ ଓଡ଼ିଶା ସରକାରଙ୍କୁ ଅନୁରୋଧ କରିଛନ୍ତି ସ୍ମିତା ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆ ବୁଲି ଯାଇଥିବା ବେଳେ ହୃଦଘାତର ଶିକାର ହୋଇ ସିଡନୀ ସ୍ଥିତ ରୟାଲ୍ ପ୍ରିନ୍ସ ଆଲ୍ଫ୍ରେଡ୍ ହସପିଟାଲରେ ଜୀବନ ସଂଘର୍ଷ କରୁଛନ୍ତି ସୁବାସ ଚନ୍ଦ୍ର ସାମଲ । କୋମାରେ ଥିବାରୁ ତାଙ୍କୁ ଲାଇଫ୍ ସପୋର୍ଟ ସିଷ୍ଟମରେ ରଖାଯାଇଛି । ଏହାକୁ ହଟାଇ ଦେଲେ କ’ଣ ହେବ କହିବା ମୁସ୍କିଲ । ଦୁଇ ଦିନ ପରେ ତାଙ୍କୁ ଆଉ ଲାଇଫ୍ ସପୋର୍ଟ ସିଷ୍ଟମରେ ରଖାଯାଇ ପାରିବନାହିଁ ବୋଲି କହିବା ପରେ ପରିବାର ଲୋକଙ୍କ ମୁଣ୍ଡରେ ଚଡ଼କ ପଡିଛି । ଭୁବନେଶ୍ୱର ଫେରାଇ ଆଣି ଚିକତ୍ସା କରିବାକୁ ଚାହୁଁଛନ୍ତି ପରିବାର । କିନ୍ତୁ ଏଥିରେ ରହିଛି ଦୁଇଟି ପ୍ରତିବନ୍ଧକ । ଅଷ୍ଟ୍ରେଲିଆ ହସପିଟାଲର ଅନୁମତି ଏବଂ ଏୟାର ଲିଫ୍ଟିଂ ପାଇଁ ଆବଶ୍ୟକ ୪୦ ଲକ୍ଷ ଟଙ୍କା । ଅଷ୍ଟ୍ରେଲିଆରେ ପ୍ରତିଦିନ ୩ ଲକ୍ଷ ଟଙ୍କା ଖର୍ଚ୍ଚ ହେଉଥିବାରୁ ଯାହା କିଛି ସଞ୍ଜୟ ଥିଲା ଶେଷ ହୋଇଯାଇଛି । ସହୃଦୟ ବ୍ୟକ୍ତିଙ୍କ ସହାୟତା ପାଇଁ ଆକୁଳ ନିବେଦନ କରିଛନ୍ତି ସ୍ମିତା ।
ବାପାଙ୍କୁ ବଞ୍ଚାଇବା ପାଇଁ ସ୍ମିତାଙ୍କ ଏହି ସଂଗ୍ରାମରେ ଯଦି ଆପଣ ସହାୟତା କରିବାକୁ ଚାହୁଁଛନ୍ତି, ତେବେ
SMITA SAMAL
KOTAK MAHINDRA BANK
AC. NO : 0113049842
IFSC : KKBK0000493
MOBILE NO : 93379 55059ରେ ଆର୍ଥିକ ସହଯୋଗ କରିପାରିବେ । ଆପଣଙ୍କ ଏହି ସହାୟତା ଜଣଙ୍କୁ ନୂଆ ଜୀବନ ଦେଇପାରିବ ।