କନକ ବ୍ୟୁରୋ: ବ୍ୟାନ୍ ହେଲା ହୁକ୍କା । କର୍ଣ୍ଣାଟକରେ ହୁକ୍କାକୁ ବ୍ୟାନ୍ କରିଛନ୍ତି ରାଜ୍ୟ ସରକାର । ହୁକ୍କା ଉତ୍ପାଦର କିଣା ବିକା ଉପରେ ପ୍ରତିବନ୍ଧକ ଲଗାଇଛନ୍ତି କର୍ଣ୍ଣାଟକ ସରକାର । ତେବେ ରାଜ୍ୟରେ ଲୋକଙ୍କ ସ୍ୱାସ୍ଥ୍ୟକୁ ଆଖି ଆଗରେ କର୍ଣ୍ଣାଟକ ସରକାର ଏପରି ନିଷ୍ପତ୍ତି ନେଇଥିବା ଘୋଷଣା କରିଛନ୍ତିି ।
ହୁକ୍କା ଉପରେ ବ୍ୟାନ୍ ଲଗାଇବା ପରେ କର୍ଣ୍ଣାଟକ ସ୍ୱାସ୍ଥ୍ୟମନ୍ତ୍ରୀ ଦିନେଶ ଗୁଣ୍ଡୁ ରାଓ କହିଛନ୍ତି ଯେ, ସାର୍ବଜନୀନ ସ୍ୱାସ୍ଥ୍ୟ ଓ ଯୁବବର୍ଗଙ୍କ ସୁରକ୍ଷା ଦୃଷ୍ଟିରୁ କର୍ଣ୍ଣାଟକ ସରକାର ହୁକ୍କା ଉପରେ ବ୍ୟାନ୍ ଲଗାଇବାର ନିଷ୍ପତ୍ତି ନେଇଛନ୍ତି । ଧୂମ୍ରପାନକୁ ନେଇ ଦେଖା ଦେଉଥିବା ଗମ୍ଭୀର ସ୍ୱାସ୍ଥ୍ୟ ସମସ୍ୟାକୁ ଆଖି ଆଗରେ ରଖି ଏପରି ବ୍ୟାନ୍ ଲଗାଯାଇଛି । ଅନ୍ୟପଟେ ଭବିଷ୍ୟତର ପିଢିକୁ ଏକ ସୁରକ୍ଷିତ ଏବଂ ସ୍ୱାସ୍ଥ୍ୟକର ବାତାବରଣ ଦେବା ଆମ କାମ ବୋଲି କହିଛନ୍ତି କର୍ଣ୍ଣାଟକର ସ୍ୱାସ୍ଥ୍ୟମନ୍ତ୍ରୀ ।
Karnataka Health Minister Dinesh Gundu Rao announces statewide ban on hookah to protect public health and youth.
This decisive action is backed by alarming data from the WHO Global Adult Tobacco Survey-2016-17 (GATS-2), which states that 22.8% of adults in Karnataka use… pic.twitter.com/haRnMPPEso
— ANI (@ANI) February 8, 2024
ଏହାପୂର୍ବରୁ କର୍ଣ୍ଣାଟକର ସ୍ୱାସ୍ଥ୍ୟମନ୍ତ୍ରୀ ଏନେଇ ୨୦୨୩ ମସିହା ସେପ୍ଟେମ୍ବର ମାସରେ ଘୋଷଣା କରିଥିଲେ । ତା ସହିତ ତମାଖୁ ସେବନର ବୟସକୁ ମଧ୍ୟ ୧୮ରୁ ବୃଦ୍ଧି କରି ୨୧ କରିଥିଲେ କର୍ଣ୍ଣାଟକ ସରକାର । ସେତେବେଳେ ଏହାକୁ କର୍ଣ୍ଣାଟକର ଅନେକ ରେସ୍ତୋରାଂ ଏବଂ ବାର୍ ବିରୋଧ କରିଥିଲେ । ହେଲେ ସେ ସବୁକୁ ପଛରେ ରଖି କର୍ଣ୍ଣାଟକ ସରକାର କିନ୍ତୁ ହୁକ୍କା ଉପରେ ପ୍ରତିବନ୍ଧକ ଲଗାଇଛନ୍ତି ।
ଗତ ବର୍ଷ ହରିୟାଣାରେ ମଧ୍ୟ ଏପରି ନିଷ୍ପତ୍ତି ନିଆଯାଇଥିଲ । ହରିୟାଣାର ସମସ୍ତ ହୋଟେଲ, ରେସ୍ତୋରାଂ, ବାର୍ ଏବଂ ବାଣିଜ୍ୟିକ ପ୍ରତିଷ୍ଠାନରେ ଗ୍ରାହକଙ୍କୁ ହୁକ୍କା ଦେବା ଉପରେ ପ୍ରତିବନ୍ଧକ ଲଗାଯାଇଥିଲା । ଆଉ ଏବେ କର୍ଣ୍ଣାଟକରେ ମଧ୍ୟ ଏହି ନିୟମ ଲାଗୁ ହେଇଛି ।