କରୋନା ଟିକା କେନ୍ଦ୍ରରେ ଫଟୋକୁ ନେଇ ଟ୍ୱିଟର କଳି : ରାଜ୍ୟ ସରକାରଙ୍କୁ କଡ଼ା ଭାଷାରେ ସମାଲୋଚନା କଲେ ସାଂସଦ ଅପରାଜିତା ଷଡଙ୍ଗୀ; ଜବାବ ରଖିଲେ ବିଜେଡି ସାଂସଦ ସସ୍ମିତ ପାତ୍ର
କନକ ବ୍ୟୁରୋ : କରୋନା ଟିକା, ଫଟୋ ଓ ଟ୍ୱିଟର କଳି । ବିଜେପି ସାଂସଦ ଅପରାଜିତା ଷଡଙ୍ଗୀ ଏକ ଟ୍ୱିଟ କରି ଅତି କଡା ଭାଷାରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି । ଲେଖିଛନ୍ତି, ବାହାରୁ ଟିକା କିଣିବାରେ ଓଡିଶା ବିଫଳ ହେଲା । ତେଣୁ ବିପଦ ସମୟରେ ଓଡିଶା ମୁଖ୍ୟମନ୍ତ୍ରୀଙ୍କୁ ଉଦ୍ଧାର କରିବାକୁ ଆଗେଇ ଆସିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
Kanak News is now on WhatsApp
Join and get latest news updates delivered to you via WhatsApp
Odisha failed to procure vaccines;it sought Central Govt’s support.Our PM @narendramodi has come to the rescue of @CMO_Odisha. Basic courtesy demands that PM Modi’s photos with CM’s photo are put up at all Vaccination points by State Govt.Height of insecurity & narrow mindedness! pic.twitter.com/BcLaQ1KrnF
— Aparajita Sarangi, Member of Parliament (@AprajitaSarangi) June 23, 2021
ଏଥିପାଇଁ ସାଧାରଣ ସୌଜନ୍ୟ ଦୃଷ୍ଟିରୁ ପ୍ରଧାନମନ୍ତ୍ରୀଙ୍କ ଫଟୋକୁ ରାଜ୍ୟ ସରକାର ଟିକା କେନ୍ଦ୍ର ଗୁଡିକରେ ପ୍ରାଥମିକତା ଭିତିରେ ସ୍ଥାନ ଦେବାକଥା । ହେଲେ ଅସୁରକ୍ଷା ଓ ହୀନମନ୍ୟତା ଦୃଷ୍ଟିରୁ ଏଭଳି କରୁନାହାନ୍ତି ବୋଲି ଉଲ୍ଲେଖ କରିଛନ୍ତି ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ।
ସେହି ଟ୍ୱିଟରରେ ଏହାର ଜବାବ ରଖିଛନ୍ତି ବିଜେଡି ସାଂସଦ ସସ୍ମିତ ପାତ୍ର । ଟିକା ସାର୍ଟିଫିକେଟରେ ପ୍ରଧାନମନ୍ତ୍ରୀ ମୋଦୀଙ୍କ ଫଟୋ ରହିଥିବାରୁ ଏହାକୁ ନେଇ ସମସ୍ତ ରାଜନୈତିକ ଦଳ ଆପତି କରିଥିଲେ । ହେଲେ ବିଜେଡି ଏଥିରେ କୌଣସି ଆପତି ଅଭିଯୋଗ କରିନାହିଁ । ଟିକାକରଣ ସବୁବେଳେ କେନ୍ଦ୍ର ସରକାରଙ୍କ ଦାୟିତ୍ୱ । ଏହା ଏକ ଜାତୀୟ କାର୍ଯ୍ୟକ୍ରମ ହୋଇଥିବାବେଳେ ଏହାକୁ ରାଜ୍ୟଗୁଡିକ ଉପରେ ଜୋରଜବଦସ୍ତ ଲଦିଦେବା ପରେ ପୁଣି ପ୍ରତ୍ୟାହାର କରାଗଲା ।
@AprajitaSarangi Ji, Hon’ble PM’s photo is there on every COVID vaccination certificate. While every party made an issue out of it, BJD never made it an issue or politics over it. You are an ex-bureaucrat. Vaccination in india has always been a national programme done by (Cont’d)
— Dr. Sasmit Patra I ଡ଼ଃ ସସ୍ମିତ ପାତ୍ର (@sasmitpatra) June 23, 2021
ଏବେ ମୁଖ୍ୟମନ୍ତ୍ରୀଙ୍କ ଫଟୋ ଥାଇ କୋଭିଡ ସଚେତନ ବାର୍ତା ପ୍ରଚାର କରାଯାଉଥିବାବେଳେ ଏହାକୁ ନେଇ ରାଜନୀତି କରିବା ଲଜ୍ଜାଜନକ ବୋଲି ଟିପ୍ପଣୀ କରିଛନ୍ତି ବିଜେଡି ସାଂସଦ । ସିଧାସଳଖ ସାଂସଦ ଅପରାଜିତା ଷଡଙ୍ଗୀଙ୍କୁ ଇଙ୍ଗିତ କରି ଏହା ତାଙ୍କର ରାଜନୈତିକ ଅସୁରକ୍ଷା ଓ ହୀନ ରାଜନୀତି ବୋଲି ସେ ସମାଲୋଚନା କରିଛନ୍ତି ।