ଚେହେରାରେ ଆସିବ ଏକ ଅପୂର୍ବ ଚମକ୍ ! ଆପଣାନ୍ତୁ ଏହି ଘରୋଇ ଉପଚାର
କୌଣସି ପାର୍ଟି ହେଉ ଅବା ଫଙ୍କସନ୍ । ପ୍ରତ୍ୟେକ ଝିଅଙ୍କର ଇଚ୍ଛା ଥାଏ କି କେମିତି ସେ ଅନ୍ୟମାନଙ୍କ ଠାରୁ ଅଲଗା ଲାଗିବେ ଆଉ ସମସ୍ତଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ହେବେ । ତେଣୁ ଝିଅମାନେ ସର୍ବଦା ପାର୍ଲରକୁ ଯାଇଥା’ନ୍ତି । ହେଲେ ହଜାର ହଜାର ଟଙ୍କା ଖର୍ଚ୍ଚ କରିଲା ପରେ ବି ସେମାନେ ସେମାନଙ୍କର ମନପସନ୍ଦର ସୁନ୍ଦରତା ପାଇପାରି ନଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ଆମେ ଆପଣଙ୍କୁ ଏପରି ଏକ ଘରୋଇ ଉପଚାର ବିଷୟରେ ଜଣାଇବୁ, ଯାହାକୁ ଆପଣ ପ୍ରୟୋଗ କରି ଖୁବ୍ କମ ସମୟ ମଧ୍ୟରେ ଚେହେରାରେ ଚମକ ଆଣିପାରିବେ । ଏଥିପାଇଁ ଆପଣଙ୍କୁ ଆଦୌ ଖର୍ଚ୍ଚାନ୍ତ ହେବାକୁ ପଡ଼ିବ ନାହିଁ ।
ଆବଶ୍ୟକୀୟ ସାମଗ୍ରୀ :
୧- ଆଳୁ
୨- ଗୋଲାପ ଜଳ
୩- ମହୁ
୪- ଲେମ୍ବୁ
ପ୍ରଣାଳୀ :
ଯଦି କମ୍ ସମୟ ମଧ୍ୟରେ ଆପଣଙ୍କ ଚେହେରାରେ ଚମକ୍ ଆଣିବାକୁ ଚାହୁଁ ଥାଆନ୍ତି ତେବେ ଆପଣଙ୍କୁ ଏଇ ଉପାୟ ପ୍ରୟୋଗ କରିବାକୁ ହେବ । ଚେହେରାରେ ଚମକ୍ ଆଣିବା ପାଇଁ ଆଳୁ ହେଉଛି ସବୁଠୁ ଉପକାରୀ। ତେବେ ଏଥିପାଇଁ ସର୍ବପ୍ରଥମେ ଆପଣଙ୍କୁ ଆଳୁକୁ ଆଣି ତା’ଉପରୁ ଚୋପାକୁ ଛଡ଼ାନ୍ତୁ । ଏହାପରେ ସେହି ଆଳୁକୁ ଛୋଟ ଛୋଟ ଖଣ୍ଡ କରି ଗ୍ରାଇଣ୍ଡରରେ ବାଟନ୍ତୁ । ଏହା ପରେ ବଟା ଆଳୁ ସହିତ ଗୋଲାପ ଜଳ ମିଶାଇ ଏକ ପେଷ୍ଟ୍ ପ୍ରସ୍ତୁତ କରନ୍ତୁ ।
ଯଦି ଆପଣଙ୍କ ତ୍ୱାଚା ତେଲିଆ ହୋଇଥାଏ, ତେବେ ସେଥିରେ ଲେମ୍ବୁ ରସ ପକାନ୍ତୁ । ଆଉ ଯଦି ଆପଣଙ୍କର ତ୍ୱାଚାଶୁଷ୍କ ହୋଇଥାଏ ତେବେ ସେଥିରେ ମହୁ ମିଶାନ୍ତୁ । ଯଦି ଆପଣଙ୍କ ତ୍ୱଚା ତେଲିଆ କିମ୍ବା ଶୁଷ୍କ ନହୋଇ ସାଧାରଣ ଥାଏ, ତେବେ ଆପଣ ସେଥିରେ କିଛି ମାତ୍ରାରେ ମହୁ ଏବଂ ଲେମ୍ବୁ ରସକୁ ମିଶାନ୍ତୁ । ଏହାପରେ ଆପଣ ଏହି ପେଷ୍ଟକୁ ନିଜର ଚେହେରାରେ ଲଗାଇ ଦେଇ ୧୫ ମିନିଟ୍ ରଖିବା ପରେ ଥଣ୍ଡା ପାଣିରେ ଧୋଇ ଦିଅନ୍ତୁ । ଏହାପରେ ଆପଣ ନିଜେ ହିଁ ଅନୁଭବ କରି ଜାଣି ପାରିବେ ଯେ କିଭଳି ଭାବରେ ପୂର୍ବ ଅପେକ୍ଷା ଆପଣଙ୍କ ଚେହେରାରେ ଅଧିକ ଚମକ ଆସିଯାଇଛି ।