କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବଡ ବୟାନ: କହିଲେ ଐତିହାସିକଙ୍କ ଭୁଲ ଯୋଗୁଁ ଲୁଚିଯାଇଛି ପ୍ରକୃତ ତଥ୍ୟ; ସମୟ ଆସିଛି ଇତିହାସରେ ଅଣାଯାଉ ସୁଧାର
କନକ ବ୍ୟୁରୋ: କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ବଡ଼ ବୟାନ । ସେ କହିଛନ୍ତି ଜାମ୍ମୁକାଶ୍ମୀରକୁ ଏକୀକିରଣ କରିବା ପରେ ଏବେ ଦେଶରେ ସତ ଇତିହାସ ଲେଖିବାର ସମୟ ଆସିଛି । କିଛି ଐତିହାସିକଙ୍କ ଭୁଲ ଯୋଗୁଁ ଲୋକେ ସତ ବଦଳରେ ବିଭ୍ରାନ୍ତିକର ତଥ୍ୟ ଜାଣିଛନ୍ତି । ଜମ୍ମୁକଶ୍ମୀରରୁ ସୁଫି ସନ୍ଥ ସଂସ୍କୃତି ଲୋପ ପାଇଗଲା, କାଶ୍ମୀର ପଣ୍ଡିତଙ୍କୁ ଘାଟି ଛାଡିବାକୁ ପଡିଲା । ଖାସ କରି କଶ୍ମୀର ଧାରା ୩୭୦ ଯୋଗୁଁ ବିଶେଷ କ୍ଷତି ସହିଛି ବୋଲି କହିଥିଲେ ଅମିତ ଶାହା ।
Kanak News is now on WhatsApp
Join and get latest news updates delivered to you via WhatsApp
ତେବେ କାଶ୍ମୀରରୁ ଧାରା ୩୭୦ ହଟିବା ପରେ ଅମିତ ଶାହାଙ୍କ ଏଭଳି ମନ୍ତବ୍ୟ ବେଶ ଗୁରୁତ୍ୱ ବହନ କରୁଛି । ସେ କହିଛନ୍ତି ସ୍ୱାଧୀନତା ପରେ ଛୋଟ ଛୋଟ ୬୩୦ ରାଜ୍ୟକୁ ଦେଶରେ ସାମିଲ କରିବାକୁ ସମୟ ଲାଗିଲା ନାହିଁ । ହେଲେ ଜାମ୍ମୁକାଶ୍ମୀର ଭାରତର ହେବାକୁ ୨୦୧୯ ଅଗଷ୍ଟ ୫ ତାରିଖ ଯାଏଁ ଅପେକ୍ଷା କରିବାକୁ ପଡିଲା । ଏହି ଅବସରରେ ସେ ସରଦାର ବଲ୍ଲଭାଇ ପଟେଲଙ୍କ କଥା ମଧ୍ୟ ମନେପକାଇଛନ୍ତି । ଐତିହାସିକମାନେ କରିଥିବା ଭୁଲର ସୁଧାର କରି ନୂଆ ରୂପପରେ ଇତିହାସ ଲେଖିବା ସମୟ ଆସିଛି ବୋଲି କହିଥିଲେ ଅମିତ ଶାହା ।