କଳିଙ୍ଗ ଷ୍ଟାଡିୟମରେ ଝଲକ ଦେଖାଇଲେ ସରକାର ।
କନକ ବ୍ୟୁରୋ: ବିଶ୍ୱସ୍ତରରେ ଓଡ଼ିଆ ଭାଷାର ପ୍ରଚାର ପ୍ରସାର ପାଇଁ ରାଜ୍ୟ ସରକାରଙ୍କ ନୂଆ ଉଦ୍ୟମ । କ୍ରୀଡ଼ା ମାଧ୍ୟମରେ ଓଡ଼ିଆ ଭାଷାର ପ୍ରଚାର ପ୍ରସାର କରିବା ଲାଗି କଳିଙ୍ଗ ଷ୍ଟାଡିୟମରୁ ପ୍ରସ୍ତୁତି କରୁଛନ୍ତି ରାଜ୍ୟ ସରକାର । ନଭେମ୍ବର ୨୮ ତାରିଖରୁ ଡିସେମ୍ବର ୧୬ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ପୁରୁଷ ହକି ବିଶ୍ୱକପରେ ସାରା ବିଶ୍ୱ ଦେଖିବ ଓଡ଼ିଆ ଭାଷା । ଯାହାର ଝଲକ ପ୍ରାରମ୍ଭିକ ଭାବେ ଦେଖିବାକୁ ମିଳିଛି । କଳିଙ୍ଗ ଷ୍ଟାଡିୟମକୁ ନୂଆ ରୁପରେ ସଜେଇବା ସହ ଓଡ଼ିଆ ଭାଷାରେ ‘ଓଡ଼ିଶା’ର ନାମକୁ ଦର୍ଶକଙ୍କ ବସିବା ସ୍ଥାନରେ ପ୍ରଦର୍ଶିତ କରାଯିବାର ପ୍ରସ୍ତୁତି ଶେଷ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କ୍ରୀଡ଼ା ସଚିବ ବିଶାଲ ଦେବଙ୍କ ସୂଚନା ମୁତାବକ ଭୂବନେଶ୍ୱରର ବିଭିନ୍ନ ସ୍ଥାନରେ ଓଡ଼ିଆ ଭାଷାରେ ସିଗନାଲ୍, ସୂଚକାଙ୍କ ବୋର୍ଡ, ଦୋକନର ନାଁ, ମଲ୍ ଏବଂ ହେଟେଲ୍ ର ନାମ ଗୁଡିକ ଓଡ଼ିଆ ଫଳକରେ ଲେଖିବା ପାଇଁ ସମସ୍ତ ଷ୍ଟେକ ହୋଲଡରର୍ସଙ୍କୁ ନିର୍ଦ୍ଦେଶ ଦିଆଯାଇଛି । ଏବଂ ଏହା ଆସନ୍ତା ଅକ୍ଟୋବର ୧୫ ତାରିଖ ମଧ୍ୟରେ ସମ୍ପୂର୍ଣ୍ଣ କରିବା ପାଇଁ ସୁଚନା ଦିଆଯାଇଥିବା କହିଛନ୍ତି କ୍ରୀଡ଼ା ସଚିବ ।
ଓଡ଼ିଆ ଏଭଳି ଆନ୍ତର୍ଜାତୀୟ କ୍ରୀଡ଼ାର ଆୟୋଜନ କରି ଓଡ଼ିଆ ଭାଷାର ପ୍ରଚାର ପ୍ରସାର କରିବାରେ ଏକ ନୂଆ ଅଧ୍ୟାୟ ଆରମ୍ଭ ହେବ ବୋଲି ଆଶା ପ୍ରକଟ କରିଛନ୍ତି ରାଜ୍ୟ ସରକାର । କଳିଙ୍ଗ ଷ୍ଟାଡିୟମ ଭିତରେ ବିଭିନ୍ନ ବିଜ୍ଞାପନକୁ ଓଡ଼ିଆ ଭାଷାରେ ପ୍ରଦର୍ଶିତ କରିବା ପାଇଁ ବିଭିନ୍ନ ବୈଦେଶିକ କମ୍ପାନୀ ମାନଙ୍କ ସିହିତ ଆଲୋଚନା କରିଛନ୍ତି ରାଜ୍ୟ କ୍ରୀଡ଼ା ବିଭାଗ ।