ଲାପଟପ୍ ଦେଖି ବେଦ ଉଚ୍ଚାରଣ କରୁଛନ୍ତି ପଣ୍ଡିତ । ପୁରୀ ରାମେଶ୍ୱର ଶୈବପୀଠରେ ଅନୁଷ୍ଠିତ ବିଶ୍ୱଶାନ୍ତି ଯଜ୍ଞରୁ ସାମ୍ନାକୁ ଆସିଲେ ସ୍ମାର୍ଟ ପଣ୍ଡିତ
କହିଲେ, ଯୁଗ ସହ ତାଳ ଦେଇ ବଦଳୁଛି ମନ୍ତ୍ର ଉଚ୍ଚାରଣର ପଦ୍ଧତି
କନକ ବ୍ୟୁରୋ: ସ୍ମାର୍ଟ ଯୁଗରେ ସାମ୍ନାକୁ ଆସିଲେ ହାଇଟେକ୍ ପଣ୍ଡିତ । ପୋଥୀ ଛାଡି ଲାପଟପ୍ ଦେଖି ବେଦ ଉଚ୍ଚାରଣ କରୁଛନ୍ତି ପଣ୍ଡିତ । ପୁରୀ ରାମେଶ୍ୱର ଶୈବପୀଠରେ ଅନୁଷ୍ଠିତ ବିଶ୍ୱଶାନ୍ତି ଯଜ୍ଞରୁ ସାମ୍ନାକୁ ଆସିଛି ସ୍ମାର୍ଟ ପଣ୍ଡିତଙ୍କ ନିଆରା ବେଦ ଉଚ୍ଚାରଣର ଦୃଶ୍ୟ । କହିଲେ ଯୁଗ ସହ ବଦଳୁଛି ମନ୍ତ୍ର ଉଚ୍ଚାତରଣର ପଦ୍ଧତି । କଥାଟା ହୁଏତ ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିବ । ପଣ୍ଡିତ ବେଦପାଠ କରୁଛନ୍ତି, ହେଲେ ଏଠି ଲ୍ୟାପଟପ୍ ଏବଂ ଟ୍ୟାବର କାମ କ’ଣ? ଭଲ କରି ଦେଖିଲେ ଜାଣିବେ ଏଠି ପଣ୍ଡିତ ଜଣକ, ବେଦପାଠ ଓ ଶାସ୍ତ୍ରପାଠ ବଦଳରେ ଲ୍ୟାପଟପ୍ ପାଠ କରୁଛନ୍ତି । ସରଳ ଭାଷାରେ କହିଲେ, ପୂଜାପାଠ ପାଇଁ ଆବଶ୍ୟକ ମନ୍ତ୍ର ଓ ବିଧି ଲ୍ୟାପ୍ଟପ୍ରୁ ଦେଖି ଅନୁସରଣ କରୁଛନ୍ତି । ପୁରୀ ଜିଲ୍ଲା ରାମେଶ୍ୱର ଶୈବପୀଠରେ ଅନୁଷ୍ଠିତ ବିଶ୍ୱଶାନ୍ତି ଯଜ୍ଞରୁ ଆସିଛି ଏଭଳି ଏକ ଚିତ୍ର ।
Kanak News is now on WhatsApp
Join and get latest news updates delivered to you via WhatsApp
ବେଦ ତଥା ଶାସ୍ତ୍ର ପୁସ୍ତକ ଧରି ବିଭିନ୍ନ ପୂଜାସ୍ତଳକୁ ଯିବା ଯେମିତି କଷ୍ଟସାଧ୍ୟ ସେହି ପୁସ୍ତକରୁ ନିର୍ଦ୍ଦିଷ୍ଟ ମନ୍ତ୍ର ଖୋଜି ପାଠ କରିବା ସେତିକି ସମୟ ସାପେକ୍ଷ । ଆଉ ଏହି ସବୁ ଝିନଝଟରୁ ମୁକ୍ତି ପାଇବା ପାଇଁ ଏକ ନିଆରା ବାଟ ଖୋଜି ବାହାର କରିଛନ୍ତି ଏହି ସ୍ମାର୍ଟ ପଣ୍ଡିତ । ଆଧୁନିକ ଯୁଗର ବୈଷୟିକ ଜ୍ଞାନ କୌଶଳକୁ ପାରମ୍ପରିକ ପୂଜାପାଠରେ ଉପଯୋଗ କରି ଏବେ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛନ୍ତି ।
ବୈଦିକ ପୂଜାବିଧି ଯେ, କେବଳ ପାରମ୍ପରିକ ଉପାୟରେ ହୋଇପାରିବ ତାହା ନୁହେଁ ବରଂ ଏଥିରେ ଆମେ ଅଧୁନିକ ଜ୍ଞାନ କୌଶଳର ବି ବିନିଯୋଗ କରିପାରିବା, ହୁଏତ ଏଭଳି ଏକ ବାର୍ତା ଦେଉଛନ୍ତି ବିଶ୍ୱଶାନ୍ତି ଯଜ୍ଞ ପାଇଁ ଆସିଥିବା ଏହି ପଣ୍ଡିତମାନେ ।