ଫିଲ୍ମରେ ପୁଣି ହିନ୍ଦୁ ଦେବୀଙ୍କୁ ଅପମାନ । ଜୋର ଧରିଲା ନିର୍ଦ୍ଦେଶିକାଙ୍କୁ ଗିରଫ ଦାବି
କନକ ବ୍ୟୁରୋ: ଡକ୍ୟୁମେଣ୍ଟାରୀ ଫିଲମ ‘କାଳୀ’ର ପୋଷ୍ଟରକୁ ନେଇ ତେଜିଛି ବିବାଦ । ସୋସିଆଲ ମିଡିଆରେ ପୋଷ୍ଟର ଭାଇରାଲ ହେବା ପରେ ୟୁଜର୍ସ ନିର୍ମାତା ତଥା ନିର୍ଦ୍ଦେଶିକାଙ୍କୁ ଟାର୍ଗେଟ କରିଛନ୍ତି । ପୋଷ୍ଟରକୁ କଦାକାର କରି ହିନ୍ଦୁ ଦେବୀଙ୍କୁ ଅପମାନ କରାଯାଇଥିବା ଅଭିଯୋଗ କରି ନିର୍ଦ୍ଦେଶିକା ଲିନା ମଣିମେକଲାଇଙ୍କୁ ଗିରଫ କରିବାକୁ ଦାବି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ରିଲିଜ୍ ହୋଇଥିବା ପୋଷ୍ଟରରେ ଜଣେ ମହିଳା ମ’ କାଳୀଙ୍କଙ୍କ ପୋଷାକ ପିନ୍ଧିଛନ୍ତି । ସେ ସିଗାରେଟ ଟାଣୁଥିବାର ଦେଖାଯାଉଛି । ସେ ଗୋଟିଏ ହାତରେ ଏଲଜିବିଟି କମ୍ୟୁନିଟିର ପତାକା ଓ ଅନ୍ୟ ହାତରେ ତ୍ରିଶୂଳ ଧରିଛନ୍ତି । ସୋସିଆଲ ମିଡିଆରେ ପୋଷ୍ଟର ସେୟାର କରି ଲିନାଙ୍କୁ ଗିରଫ କରିବାକୁ ଦାବି କରାଯାଉଛି ।
ହେଲେ ଏ ମାମଲାରେ ଭୁଲକୁ ସ୍ୱୀକାର କରିବାକୁ ନାରାଜ ନିର୍ଦ୍ଦେଶିକା ଲିନା ମଣିମେକଲାଇ । ପୋଷ୍ଟରକୁ ନେଇ ତାଙ୍କ ବିରୋଧରେ ଏଫଆଇଆର ଦାଖଲ କରିଛନ୍ତି ଓକିଲ । ଏହାସହ ଦିଲ୍ଲୀ ପୋଲିସ ଓ ଗୃହମନ୍ତ୍ରଣାଳୟ ନିକଟରେ ଅଭିଯୋଗ ହୋଇଛି ।