ହିନ୍ଦୀ ହାର୍ଟଲ୍ୟାଣ୍ଡରେ ୬ ମାସରେ ବଦଳିଗଲା ଚିତ୍ର: ମଧ୍ୟପ୍ରଦେଶ,ରାଜସ୍ଥାନ, ଛତିଶଗଡରେ କମବ୍ୟାକ କରିପାରେ ବିଜେପି
ଜାତୀୟ ଗଣମାଧ୍ୟମର ଏକଜିଟ ପୋଲରେ ଗେରୁଆ ଦଳକୁ ମିଳିବ ଅଧିକ ଲୋକସଭା ଆସନ; ବିଧାନସଭା ନିର୍ବାଚନରେ ବିଜେପିଠାରୁ କ୍ଷମତା ଛଡାଇନେଇଥିଲା କଂଗ୍ରେସ
କନକ ବ୍ୟୁରୋ: ବିଭିନ୍ନ ଜାତୀୟ ଗଣମାଧ୍ୟମରେ ହିନ୍ଦୀ ହାର୍ଟଲ୍ୟାଣ୍ଡରେ ବିଜେପି ଭଲ କରିବ ବୋଲି ବିଭିନ୍ନ ଗଣମାଧ୍ୟମ ଆକଳନ କରିଛନ୍ତି । ବିଶେଷକରି ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡରେ ବିଜେପି ଭଲ ପ୍ରଦର୍ଶନ କରିବ ବୋଲି ଆକଳନ କରିଛନ୍ତି ଏକଜିଟ ପୋଲ । ଅର୍ଥାତ ୬ ମାସ ମଧ୍ୟରେ ଏଠାରେ ଚିତ୍ର ବଦଳିଯାଇଛି । ଗତବର୍ଷ ଏଠାରେ ବିଜେପିଠାରୁ କ୍ଷମତା ଛଡାଇନେଇଥିଲା ବିଜେପି । କିନ୍ତୁ ଏବେ ଏଠାରେ ଚିତ୍ର ବଦଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଇଣ୍ଡିଆ ଟୁଡେ-ଆକ୍ସିସର ସର୍ଭେ ଅନୁସାରେ ମଧ୍ୟପ୍ରଦେଶରେ ମୋଟ ୨୯ ଆସନ ମଧ୍ୟରୁ ବିଜେପିକୁ ୨୬ରୁ ୨୮ ଓ କଂଗ୍ରେସକୁ ୧ରୁ ୩ଟି ଆସନ ମିଳିପାରେ । ଗତଥର ଏହି ରାଜ୍ୟରେ ବିଜେପି ୨୭ ଓ କଂଗ୍ରେସ ୨ଟି ଆସନ ଜିତିଥିଲା । ସେହିଭଳି ରାଜସ୍ଥାନର ମୋଟ ୨୫ଟି ଆସନ ମଧ୍ୟରୁ ବିଜେପି ୨୩ ଓ କଂଗ୍ରେସ ୨ଟି ଆସନ ହାସଲ କରିପାରେ । ଛତିଶଗଡରେ ମୋଟ ୧୧ ଆସନ ମଧ୍ୟରୁ ବିଜେପି ୭ରୁ ୮ଟି ଆସନ ଜିତିପାରେ । ସେହିଭଳି କଂଗ୍ରେସ ୨ରୁ ୩ଟି ଆସନ ଜିତିପାରେ । ଅନ୍ୟ ଜାତୀୟ ଗଣମାଧ୍ୟମ ମଧ୍ୟ ଅଳ୍ପ ବହୁତ ଏହି ଆକଳନ କରିଛନ୍ତି ।