ହିଣ୍ଡନବର୍ଗର ନୂଆ ଧମାକା… ଆଦାନୀ ପରେ ଆଉ କିଏ?
କନକ ବ୍ୟୁରୋ: ଆଦାନୀ ଗ୍ରୁପ ନେଇ ଘାତକ ରିପୋର୍ଟ ପ୍ରକାଶ କରିଥିବା ଆମେରିକୀୟ କମ୍ପାନୀ ହିଣ୍ଡନବର୍ଗ ଅନେକ ନିବେଶକଙ୍କ ଟଙ୍କା ବୁଡାଇଦେଇଥିଲା । ତେବେ ପୁଣି ଥରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । କମ୍ପାନୀ ଆଉ ଏକ ନୂଆ ରିପୋର୍ଟ ପ୍ରକାଶ କରିବାକୁ ଯାଉଛି । ଏନେଇ ସାମାଜିକ ଗଣମାଧ୍ୟମରେ କମ୍ପାନୀ ପକ୍ଷରୁ ସୂଚନା ଦିଆଯାଇଛି । ଟ୍ୱିଟରରେ ହୋଇଥିବା ଏହି ପୋଷ୍ଟରେ ଉଲ୍ଲେଖ କରାଯାଇଛି ଯେ, ଆଉ ଗୋଟିଏ ନୂଆ ରିପୋର୍ଟ ଆସୁଛି- ଆଉ ଜଣେ ବଡ ବ୍ୟକ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ପୋଷ୍ଟ ପରେ ଆଶା କରାଯାଉଛି ଯେ ଶୀଘ୍ର ଆଉ ଏକ ବଡ ଖୁଲାସା କରିବାକୁ ଯାଉଛି ହିଣ୍ଡନବର୍ଗ । ତେବେ କାହାକୁ ନେଇ ଏହି ଖୁଲାସା ହେବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରୁନାହିଁ । ଗତ କିଛି ମାସ ତଳେ ହିଣ୍ଡନବର୍ଗ ରିପୋର୍ଟ କାରଣରୁ ଷ୍ଟକ ମାର୍କେଟରେ ବଡ ପ୍ରଭାବ ପଡିଥିଲା । ଗୌତମ ଆଦାନୀଙ୍କ ସମ୍ପତ୍ତି ୧୫୦ ଅରବ ଡଲାରରୁ ଖସି ୫୩ ଅରବ ଡଲାରରେ ପହଞ୍ଚିଯାଇଥିଲା । ଫୋର୍ବସ ଦ୍ୱାରା ପ୍ରକାଶିତ ବିଶ୍ୱର ସବୁଠାରୁ ଅଧିକ ଧନୀ ତାଲିକାରେ ଶ୍ରେଷ୍ଠ ୩୫ରୁ ବାଦ ପଡିଛନ୍ତି । ପାଖାପାଖି ୧୨୦ ଅରବ ଡଲାରର କ୍ଷତି ସହିଛନ୍ତି ।