ହିମନ୍ତ ବିଶ୍ୱଶର୍ମା ବଦଳାଇଲେ ଟ୍ୱିଟର ବାୟୋ, ଇଣ୍ଡିଆ ବଦଳରେ ଲେଖିଲେ ଭାରତ ।

କନକ ବ୍ୟୁରୋ : ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ନିଜର ଟ୍ୱିଟର ବାୟୋ ବଦଳାଇବା ସହ ଇଣ୍ଡିଆ ବଦଳରେ ଭାରତ ରଖିଛନ୍ତି । ଟ୍ୱିଟ୍ କରି ହିମନ୍ତ କହିଛନ୍ତି, ଇଂରେଜ ମାନେ ଆମ ଦେଶର ନାଁ ଇଣ୍ଡିଆ ରଖିଥିଲେ । ଆମର ପୂର୍ବପୁରୁଷ ଭାରତ ପାଇଁ ଲଢେଇ କରିଥିଲେ ଏବଂ ଆମେ ମଧ୍ୟ ଭାରତ ପାଇଁ କାମ କରିବା ଜାରି ରଖିବୁ ।

ହିମନ୍ତ ବିଶ୍ୱଶର୍ମାଙ୍କ ପୁରୁଣା ଟ୍ୱିଟର ବାୟୋରେ ଚିଫ୍ ମିନିଷ୍ଟର ଅଫ୍ ଆସାମ, ଇଣ୍ଡିଆ ଉଲ୍ଲେଖ ରହିଥିଲା । କିନ୍ତୁ ଏବେ ତାହାକୁ ବଦଳାଇ ଚିଫ୍ ମିନିଷ୍ଟର ଅଫ୍ ଆସାମ, ଭାରତ ବୋଲି ଉଲ୍ଲେଖ ରହିଛି । ହିମନ୍ତ ନିଜର ବାୟୋ ସେତେବେଳେ ବଦଳାଇଛନ୍ତି ଯେତେବେଳେ ବିରୋଧୀ ଦଳ ନିଜ ମହାମେଣ୍ଟର ନାଁ ଇଣ୍ଡିଆ ରଖିଛନ୍ତି । ତେବେ ହିମନ୍ତଙ୍କ ଏଭଳି ବାୟୋ ପରିବର୍ତ୍ତନ ପରେ କଂଗ୍ରେସ ବିଜେପିକୁ ଟାର୍ଗେଟ କରିଛି । କଂଗ୍ରେସ ନେତା କହିଛନ୍ତି, ଯାହାକୁ ଇଣ୍ଡିଆ ଭଲ ଲାଗୁନି ସେମାନେ ପାକିସ୍ତାନ ଚାଲି ଯାଉନାହାନ୍ତି କାହିଁକି?

Our civilisational conflict is pivoted around India and Bharat.The British named our country as India. We must strive to free ourselves from colonial legacies. Our forefathers fought for Bharat, and we will continue to work for Bharat .

BJP for BHARAT

— Himanta Biswa Sarma (@himantabiswa) July 18, 2023

ବାଙ୍ଗାଲୋରେ ବିରୋଧୀଙ୍କର ଏହି ବୈଠକରେ ୨୬ଟି ଦଳ ଭାଗ ନେଇଥିଲେ । ୨୦୨୪ ନିର୍ବାଚନ ପୂର୍ବରୁ ୨୬ ବିରୋଧୀ ଦଳ ଏକାଠି ହେବା ବିଜେପି ନେତୃତ୍ୱାଧୀନ ଏନଡିଏର ଚିନ୍ତା ବଢାଇ ଦେଇଛି ।