କନକ ବ୍ୟୁରୋ: ଶୀତ ରାତିରେ ଘନ କୁହୁଡିରେ ଦେଖାଗଲା ନାହିଁ ରାସ୍ତା । ଫଳରେ ହାଇୱା-କାର ମଧ୍ୟରେ ମୁହାଁମୁହିଁ ଧକ୍କା । ନବରଙ୍ଗପୁର ଜିଲ୍ଲା ଲକ୍ଷ୍ମୀପୁର ଟିମଝୋଲା ନିକଟରେ ଏକ ମର୍ମନ୍ତୁଦ ଦୁର୍ଘଟଣାରେ ୪ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ପ୍ରଥମେ ଲକ୍ଷ୍ମୀପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ ସେମାନଙ୍କୁ କୋରାପୁଟ ଏସଏଲଏନ ମେଡିକାଲକୁ ସ୍ଥାନାନ୍ତର କରାଯାଇଛି । ଦୁର୍ଘଟଣାରେ ଆହତ ହୋଇଥିବା ସମସ୍ତ ବ୍ୟକ୍ତି ତେନ୍ତୁଳିଖୁଂଟି ବ୍ଲକ ଗୁମ୍ମା ଗାଁର । ଏମାନେ ଭୁବନେଶ୍ୱରରୁ ଏକ କାର ଯୋଗେ ନବରଙ୍ଗପୁରକୁ ଫେରୁଥିଲେ । ଶିବରାମ ଆଚାର୍ଯ୍ୟ, ଦୀନେଶ ମିଶ୍ର, ବିମଳ ଚୌଧୁରୀ ଓ ସୁବୀର ସାହୁଙ୍କ ସ୍ୱ୍ୟାସ୍ଥାବସ୍ଥା ସଂକଟାପନ୍ନ ରହିଛି ।