କରୋନାରୁ ସୁସ୍ଥ ହେବା ପରେ ଶରୀରରେ ବୃଦ୍ଧି ପାଉଛି ପ୍ରତିରୋଧ ଶକ୍ତି : ଆଶା ବଢ଼ାଇଲା ଆରଏମଆରସିର ନୂଆ ଅଧ୍ୟୟନ
କରୋନା ସ୍ପାଇକ୍ ପ୍ରୋଟିନ୍ ବିରୋଧରେ ଦେଉଛି ସୁରକ୍ଷା; ୭୬ଜଣ ସ୍ୱାସ୍ଥ୍ୟକର୍ମୀ ଓ ଆଗ ଧାଡ଼ିର କରୋନା ଯୋଦ୍ଧାଙ୍କୁ ପରୀକ୍ଷା ପରେ ତଥ୍ୟ ପ୍ରକାଶ
କନକ ବ୍ୟୁରୋ : ଥରେ କରୋନାରେ ସଂକ୍ରମିତ ହେଲେ, ରୋଗୀଙ୍କ ଶରୀରରେ ତିଆରି ହେଉଥିବା ଆଂଟିବଡି ବା ପ୍ରତିରୋଧ ଶକ୍ତି କରୋନା ବିରୋଧରେ ବୃଦ୍ଧି ପାଉଛି । ଦେଶର ସର୍ବୋଚ୍ଚ ଭେଷଜ ଗବେଷଣା ସଂସ୍ଥା ଆଇସିଏମଆର ଦ୍ୱାରା ପରିଚାଳିତ ଭୁବନେଶ୍ୱର ଆରଏମଆରସି ପକ୍ଷରୁ ହୋଇଥିବା ଅଧ୍ୟୟନରୁ ଏହା ଜଣାପଡିଛି । କିଛି ସ୍ୱାସ୍ଥ୍ୟକର୍ମୀ ଓ ଆଗଧାଡିର କରୋନା ଯୋଦ୍ଧାଙ୍କୁ ନେଇ ଏହି ଅଧ୍ୟୟନ କରାଯାଇଥିବା ଦାବି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
– କରୋନା ଆକ୍ରାନ୍ତଙ୍କ ଦେହରେ ଦୁଇ ପ୍ରକାର ଆଂଟିବଡି ବା ପ୍ରତିରୋଧ ଶକ୍ତି ସୃଷ୍ଟି ହୁଏ
– ପ୍ରଥମତଃ ଭୂତାଣୁର ନ୍ୟୁକ୍ଲୋକାପସିଡ୍ ପ୍ରୋଟିନ ବିରୋଧରେ ଆଂଟିବଡି ପ୍ରସ୍ତୁତ ହୁଏ
– ଦ୍ୱିତୀୟରେ ଭୂତାଣୁର ଷ୍ଟ୍ରକ୍ଚରାଲ ସ୍ପାଇକ ପ୍ରୋଟିନ ବିରୋଧରେ ପ୍ରତିରୋଧ ଶକ୍ତି ତିଆରି ହୁଏ
– ଅଧ୍ୟୟନରୁ ଦେଖାଯାଇଛି ଯେ, ସ୍ପାଇକ ପ୍ରୋଟିନ ବିରୋଧରେ ଆଂଟିବଡି ହ୍ରାସ ପାଉନାହିଁ
– ଯାହା ପୁନଃ ସଂକ୍ରମିତ ହେବାରେ ମଣିଷ ଶରୀରର କୋଷିକାକୁ ସୁରକ୍ଷା ଯୋଗାଇ ହେଉଛି
– କରୋନାରୁ ସୁସ୍ଥ ହୋଇଥିବା ୭୬ ଜଣ ସ୍ୱାସ୍ଥ୍ୟକର୍ମୀ ଓ କରୋନା ଯୋଦ୍ଧାଙ୍କୁ ନେଇ ହୋଇଥିଲା ଏହି ଅଧ୍ୟୟନ
– କରୋନାରୁ ସୁସ୍ଥ ହେବାର ୨୮ ଦିନ ପରେ ୧୮ରୁ ୬୩ ବର୍ଷର ବ୍ୟକ୍ତିଙ୍କୁ ନେଇ ଏହି ଅଧ୍ୟୟନ କରାଯାଇଥିଲା
– ପ୍ରାୟ ୧୬ ସପ୍ତାହ ଧରି ଏମାନଙ୍କଠାରୁ ସିରମ ସାମ୍ପୁଲ ସଂଗ୍ରହ କରି ବିଭିନ୍ନ ପରୀକ୍ଷା ନିରୀକ୍ଷା କରାଯାଇଥିଲା
– ସେପ୍ଟେମ୍ବର ୨୦୨୦ରୁ ଫେବ୍ରୁଆରୀ ୨୦୨୧ ଭିତରେ ଏମାନଙ୍କର ଆଂଟିବଡି ପ୍ରାୟ ୧୦ ଗୁଣା ବୃଦ୍ଧି ପାଇଥିବା ଦେଖା ଯାଇଥିଲା