କରୋନା ଲଢୁଛି କରୋନା ସହ । କରୋନାରୁ ସୁସ୍ଥ ହେବା ପରେ ଶରୀରରେ ବୃଦ୍ଧି ପାଉଛି ୧୦ ଗୁଣ ରୋଗ ପ୍ରତିରୋଧ ଶକ୍ତି, ଆଶା ବଢ଼ାଇଲା ଆରଏମଆରସିର ନୂଆ ଅଧ୍ୟୟନ ।
କନକ ବ୍ୟୁରୋ : ଯଦି କାହାକୁ କରୋନା ହୋଇସାରିଛି, ତେବେ ସେ ଏହି ଖବର ଦେଖିଲେ ନିଶ୍ଚୟ ଖୁସି ହେବେ । ଓଡିଶାର ରିଜିଓନାଲ ମେଡିକାଲ ରିସର୍ଚ୍ଚ ସେଂଟର- ଆରଏମଆରସି ଏକ ଗୁରୁତ୍ୱପୂର୍ଣ୍ଣ ବିଷୟରେ ଗବେଷଣା ଜାରି ରଖିଛି । ଏବଂ ଯେଉଁ ତଥ୍ୟ ଏହି ଗବେଷଣାରୁ ସାମ୍ନାକୁ ଆସୁଛି, ତାହା ଏକ ଗୁରୁତ୍ୱପୂର୍ଣ୍ଣ କଥା । ଯାହାକୁ ଥରେ କରୋନା ହୋଇଛି, ତା ଦେହରେ ଆଂଟିବଡି ୧୦ ଗୁଣା ବଢିଯାଇଛି । ଅର୍ଥାତ୍ ଯଦି ବି ପୁଣି ଥରେ କରୋନା ହୁଏ, ତେବେ ସେତେ ମାରାତ୍ମକ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଥରେ କରୋନାରେ ସଂକ୍ରମିତ ହେଲେ, ରୋଗୀଙ୍କ ଶରୀରରେ ତିଆରି ହେଉଥିବା ଆଂଟିବଡି ବା ପ୍ରତିରୋଧ ଶକ୍ତି କରୋନା ବିରୋଧରେ ବୃଦ୍ଧି ପାଉଛି । ଦେଶର ସର୍ବୋଚ୍ଚ ଭେଷଜ ଗବେଷଣା ସଂସ୍ଥା ଆଇସିଏମଆର ଦ୍ୱାରା ପରିଚାଳିତ ଭୁବନେଶ୍ୱର ଆରଏମଆରସି ପକ୍ଷରୁ ହୋଇଥିବା ଅଧ୍ୟୟନରୁ ଏହା ଜଣାପଡିଛି । କିଛି ସ୍ୱାସ୍ଥ୍ୟକର୍ମୀ ଓ ଆଗଧାଡିର କରୋନା ଯୋଦ୍ଧାଙ୍କୁ ନେଇ ଏହି ଅଧ୍ୟୟନ କରାଯାଇଥିବା ଦାବି କରାଯାଇଛି ।
ଆରଏମଆରସି ଅଧ୍ୟୟନରୁ ଆସିଥିବା ତଥ୍ୟ ଅନୁସାରେ
– କରୋନା ଆକ୍ରାନ୍ତଙ୍କ ଦେହରେ ଦୁଇ ପ୍ରକାର ଆଂଟିବଡି ବା ପ୍ରତିରୋଧ ଶକ୍ତି ସୃଷ୍ଟି ହୁଏ
– ପ୍ରଥମତଃ ଭୂତାଣୁର ନ୍ୟୁକ୍ଲୋକାପସିଡ୍ ପ୍ରୋଟିନ ବିରୋଧରେ ଆଂଟିବଡି ପ୍ରସ୍ତୁତ ହୁଏ
– ଦ୍ୱିତୀୟରେ ଭୂତାଣୁର ଷ୍ଟ୍ରକଚରାଲ ସ୍ପାଇକ୍ ପ୍ରୋଟିନ ବିରୋଧରେ ପ୍ରତିରୋଧ ଶକ୍ତି ତିଆରି ହୁଏ
– ଅଧ୍ୟୟନରୁ ଦେଖାଯାଇଛି ଯେ, ସ୍ପାଇକ ପ୍ରୋଟିନ ବିରୋଧରେ ଆଂଟିବଡି ହ୍ରାସ ପାଉନାହିଁ
– ଯାହା ପୁନଃ ସଂକ୍ରମିତ ହେବାରେ ମଣିଷ ଶରୀରର କୋଷିକାକୁ ସୁରକ୍ଷା ଯୋଗାଇ ହେଉଛି
– କରୋନାରୁ ସୁସ୍ଥ ହୋଇଥିବା ୭୬ ଜଣ ସ୍ୱାସ୍ଥ୍ୟକର୍ମୀ ଓ କରୋନା ଯୋଦ୍ଧାଙ୍କୁ ନେଇ ହୋଇଥିଲା ଏହି ଅଧ୍ୟୟନ
– କରୋନାରୁ ସୁସ୍ଥ ହେବାର ୨୮ ଦିନ ପରେ ୧୮ରୁ ୬୩ ବର୍ଷର ବ୍ୟକ୍ତିଙ୍କୁ ନେଇ ଏହି ଅଧ୍ୟୟନ କରାଯାଇଥିଲା
– ପ୍ରାୟ ୧୬ ସପ୍ତାହ ଧରି ଏମାନଙ୍କଠାରୁ ସିରମ ସାମ୍ପୁଲ ସଂଗ୍ରହ କରି ବିଭିନ୍ନ ପରୀକ୍ଷା ନିରୀକ୍ଷା କରାଯାଇଥିଲା
– ସେପ୍ଟେମ୍ବର ୨୦୨୦ରୁ ଫେବ୍ରୁଆରୀ ୨୦୨୧ ଭିତରେ ଏମାନଙ୍କର ଆଂଟିବଡି ପ୍ରାୟ ୧୦ ଗୁଣା ବୃଦ୍ଧି ପାଇଥିବା ଦେଖା ଯାଇଥିଲା ।