ଭଦ୍ରକରେ ଭୋଟରଙ୍କ ଭରସା ଜିତିବ କିଏ? ନବାଗତଙ୍କ ମଧ୍ୟରେ ହେଉଛି ମହାଲଢେଇ, ନେତାଙ୍କ ଭାଗ୍ୟ ନିର୍ଦ୍ଧାରଣ କରିବାକୁ ଜନତା ଜନାର୍ଦ୍ଦନଙ୍କ ମଧ୍ୟରେ ପ୍ରବଳ ଉତ୍ସାହ
କନକ ବ୍ୟୁରୋ : ଭଦ୍ରକରେ କାହାକୁ ଭରସା କରିବେ ଭୋଟର । ୫ ବର୍ଷ ପାଇଁ କାହାକୁ ନିଜର ନେତା ବାଛିବେ ଜନତା । ଗଣତନ୍ତ୍ରର ମହାପର୍ବରେ ଆଜି ଭଦ୍ରକରେ ଆରମ୍ଭ ହୋଇଛି ଭୋଟିଂ । । ଏହି ସମ୍ମାନଜନକ ଆସନ ଅନେକ ନେତାଙ୍କୁ ପରିଚୟ ଦେଇଛି । ବାସୁଦେବପୁର, ଭଦ୍ରକ, ଚାନ୍ଦବାଲି, ଭଣ୍ଡ୍ାରୀପୋଖରୀ, ସୋର, ସିମୁଳିଆ ଓ ଧାମନଗରକୁ ନେଇ ଭଦ୍ରକ ଲୋକସଭା ନିର୍ବାଚନମଣ୍ଡଳୀ ଗଠିତ । ୨୦୧୪ରେ ଏହି ଲୋକସଭା ଅର୍ନ୍ତଗତ ୭ରୁ ୭ ବିଧାନସଭା ଆସନରେ ବିଜେଡି ବିଜୟ ଧ୍ୱଜା ଉଡାଇଥିଲା । ଏହାବାଦ୍ ଏହି ଲୋକସଭା ଆସନରେ ଅର୍ଜୁନ ଚରଣ ସେଠୀ ୮ଥର ସାଂସଦ ରହି ରେକର୍ଡ କରିଛନ୍ତି । ତେବେ ୨୦୧୯ରେ ନବାଗତଙ୍କ ଲଢେଇର ସାକ୍ଷୀ ହେବାକୁ ଯାଉଛି ଭଦ୍ରକ ।
Kanak News is now on WhatsApp
Join and get latest news updates delivered to you via WhatsApp
୨୦୧୯ର ଲଢେଇ
ବିଜେଡି- ମଞ୍ଜୁଲତା ମଣ୍ଡଳ
କଂଗ୍ରେସ- ମଧୁମିତା ସେଠୀ
ବିଜେପି- ଅଭିମନ୍ୟୁ ସେଠୀ
ବିଜେଡି : ମଞ୍ଜୁଲତା ମଣ୍ଡଳ
– ବିଜେଡିର ମହିଳା ନୂଆ ମୁହଁ
– ଧାମନଗର ବିଧାୟକ ମୁକ୍ତିକାନ୍ତ ମଣ୍ଡଳଙ୍କ ସ୍ତ୍ରୀ
– ପ୍ରଥମଥର ନିର୍ବାଚନ ଲଢୁଛନ୍ତି
– ସ୍ୱାମୀଙ୍କର ସୃଦୁଢ ସଙ୍ଗଠନ ରହିଛି ।
କଂଗ୍ରେସ: ମଧୁମିତା ସେଠୀ
– ପୂର୍ବତନ ସାଂସଦ ଏବଂ ବିଧାୟକ ଅନନ୍ତ ସେଠୀଙ୍କ ଝିଅ
– କଂଗ୍ରେସର ନୂଆ ଚେହେରା
– ପ୍ରଥମଥର ଲୋକସଭା ପ୍ରାର୍ଥୀ
– ବାପାଙ୍କ ଲୋକପ୍ରିୟତା ଏବଂ କଂଗ୍ରେସର ସଂଗଠନ ରହିଛି
ବିଜେପି : ଅଭିମନ୍ୟୁ ସେଠୀ
– ୮ଥର ସାଂସଦ ଅର୍ଜୁନ ଚରଣ ସେଠୀଙ୍କ ପୁଅ
– ବିଜେଡିରୁ ବିଜେପିରେ ସାମିଲ
– ପ୍ରଥମଥର ନିର୍ବାଚନ ଲଢୁଛନ୍ତି
– ବିଜେପିର ସଂଗଠନ ବଳରେ ମୈଦାନକୁ ଓହ୍ଲାଇଛନ୍ତି
୨୦୧୪ର ଲଢେଇ
– ମୈଦାନରେ ଥିଲେ ମୋଟ ୮ ପ୍ରାର୍ଥୀ
– ମୋଟ ଭୋଟର ସଂଖ୍ୟା – ୧୪ ଲକ୍ଷ ୬୯ ହଜାର ୪୯୮
– ମତ ଦେଇଥିଲେ – ୧୦ ଲକ୍ଷ ୮୧ ହଜାର ୯୭୧
– ଭୋଟଦାନ ହାର – ୭୩.୬୩%
୨୦୧୪ର ଫଳାଫଳ
ପ୍ରାର୍ଥୀ ଦଳ ଭୋଟ ପ୍ରତିଶତ ଫଳାଫଳ
ଅର୍ଜୁନ ଚରଣ ସେଠୀ ବିଜେଡି ୫,୦୨,୩୩୮ ୪୬.୪୫% ବିଜୟୀ
ସଂଗ୍ରାମ କେଶରୀ ଜେନା କଂଗ୍ରେସ ୩,୨୨,୯୭୯ ୨୯.୮୬% ପରାସ୍ତ
ଶରତ ଦାସ ବିଜେପି ୨,୧୬,୬୧୭ ୨୦.୦୩% ପରାସ୍ତ
କିଏ ମାରିଥିଲା ବାଜି?
– ବିଜେଡିର ଅର୍ଜୁନ ଚରଣ ସେଠୀ ନିର୍ବାଚନ ଜିତିଥିଲେ
– ୫ ଲକ୍ଷ ୦୨ ହଜାର ୩୩୮ ଖଣ୍ଡ ଭୋଟ ପାଇଥିଲେ ବିଜେଡି ପ୍ରାର୍ଥୀ
– କଂଗ୍ରେସ ପ୍ରାର୍ଥୀ ସଂଗ୍ରାମ କେଶରୀ ଜେନାଙ୍କୁ ପରାସ୍ତ କରିଥିଲେ
– ୧ ଲକ୍ଷ ୭୯ ହଜାର ୩୫୯ ଭୋଟ ବ୍ୟବଧାନରେ ବିଜୟୀ ହୋଇଥିଲେ
– ୫ ଜଣ ପ୍ରାର୍ଥୀ ଅମାନତ୍ ହରାଇଥିଲେ