କେବିଏନ ଗ୍ରୁପର ମାଷ୍ଟରମାଇଣ୍ଡ କେଉଁଠି ଅଛି ? ଗ୍ୟାଙ୍ଗର ୪ଜଣଙ୍କୁ ଉଠାଇ ନେଇ ପଚରାଉଚରା ବେଳେ ମିଳିଲା ଗୁରୁତ୍ୱପୂର୍ଣ୍ଣ ତଥ୍ୟ
ବୁକୁ ଧରିବାକୁ ବିଭିନ୍ନ ସ୍ଥାନରେ ରେଡ କରୁଛି ପୋଲିସ
କନକ ବ୍ୟୁରୋ : କେବିଏନ୍ ଗ୍ରୁପର ମୁଖ୍ୟ ବୁବୁ ଜେନା ବିଷୟରେ ପୋଲିସକୁ ମିଳିଲା ବଡ଼ ସୁରାକ । ଗ୍ୟାଙ୍ଗରେ ସଂପୃକ୍ତି ସନ୍ଦେହରେ ଘାଟିକିଆ ଅଂଚଳରୁ ୪ ଜଣ ଯୁବକଙ୍କୁ ଉଠାଇ ଆଣି ପଚରାଉଚରା କରିଛି ପୋଲିସ । ଏହି ସମୟରେ ପୋଲିସକୁ ଗୁରୁତ୍ୱପୂର୍ଣ୍ଣ ତଥ୍ୟ ମିଳିଛି । ୪ ଯୁବକଙ୍କ ତଥ୍ୟ ଆଧାରରେ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି । କିଛି ଦିନ ପୂର୍ବରୁ ବୁବୁର ଜିପ୍ ଜବତ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଜିପକୁ ବ୍ୟବହାର କରି ଗ୍ୟାଙ୍ଗର ମାଷ୍ଟର ମାଇଣ୍ଡ ବୁବୁ ଜେନା ଭୟ ବଢାଇଲା ଭଳି ଭିଡିଓ ସବୁ ତିଆରି କରୁଥିଲା । ଘାଟିକିଆ ଦତାତ୍ରେୟ ଆପାର୍ଟମେଂଟ ନିକଟ ଏକ ପରିତ୍ୟକ୍ତ ସ୍ଥାନରୁ ଜିପଟିକୁ ଠାବ କରିଥିଲା ପୋଲିସ । ଦୁର୍ବୃତମାନେ ବଡ କାଇଦାରେ ଜିପକୁ ଏକ ପଲିଥିନ ଘୋଡାଇ ରଖିଥିଲେ । ପରିତ୍ୟକ୍ତ ସ୍ଥାନରେ ରଖିଥିଲେ ମଧ୍ୟ ଗ୍ୟାଙ୍ଗର ସଦସ୍ୟ ଜିପଟି ଉପରେ ନଜର ରଖିଥିଲେ । ପୋଲିସ ଜିପଟିକୁ ଜବତ କରିଥିଲେ ମଧ୍ୟ ଗ୍ୟାଙ୍ଗର ମୁଖ୍ୟ ବୁବୁ ଜେନା ସମେତ ପ୍ରାୟ ୨୦ ଜଣ ସଦସ୍ୟ ଏବେ ଫେରାର ଅଛନ୍ତି । ସେମାନଙ୍କୁ ଗିରଫ କରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ।