ଆଫଗାନିସ୍ତାନ ସ୍ଥିତି ନେଇ ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଉଚ୍ଚସ୍ତରୀୟ ବୈଠକ, ଗୃହ, ରକ୍ଷା,ଅର୍ଥ ମନ୍ତ୍ରୀଙ୍କ ସହ ଏନଏସଏ ସାମିଲ
କନକ ବ୍ୟୁରୋ : ଆଫଗାନିସ୍ତାନର ସ୍ଥିତି ଏବେ ଭାରତ ପାଇଁ ଚିନ୍ତା ବଢାଇଛି । ସେଠାକାର ସ୍ଥିତି ଉପରେ ସମୀକ୍ଷା କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଜ ବାସଭବନରେ ଏକ ଉଚ୍ଚସ୍ତରୀୟ ବୈଠକ ଡାକିଛନ୍ତି । ଏହି ବୈଠକରେ ରକ୍ଷାମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହା, ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ସହ ଜାତୀୟ ସୁରକ୍ଷା ପରିଷଦର ପରାମର୍ଶଦାତା ଅଜିତ ଡୋଭାଲ ବି ସାମିଲ ଅଛନ୍ତି । ସୂଚନା ମୁତାବକ ଆଫଗାନିସ୍ତାନର ସ୍ଥିତି ସଂପର୍କରେ ପ୍ରଧାନମନ୍ତ୍ରୀ ଲଗାତର ଭାବେ ଶୀର୍ଷ ଅଧିକାରୀମାନଙ୍କ ସଂପର୍କରେ ରହିଛନ୍ତି । ଗତକାଲି ମଧ୍ୟରାତ୍ର ଯାଏଁ ପ୍ରଧାନମନ୍ତ୍ରୀ ସେଠିକାର ସ୍ଥିତି ନେଇ ଶୀର୍ଷ ଅଧିକାରୀଙ୍କ ସହ ଫୋନରେ ବାର୍ତ୍ତାଳାପ ଜାରି ରଖିଥିଲେ । କାବୁଲରୁ ବିମାନ ଉଡାଣ ଭରିବା ନେଇ ତାଙ୍କୁ ସୂଚନା ଦିଆଯିବା ପରେ ଜାମନଗରରେ ଯାତ୍ରୀମାନଙ୍କ ଖାଇବା ପିଇବା ବନ୍ଦୋବସ୍ତ କରିବାକୁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି କାବୁଲରେ ଥିବା ଭାରତୀୟ ରାଜଦୂତ ଏବଂ ଦୂତାବାସ କର୍ମଚାରୀଙ୍କ ସମେତ ୧୨୦ ଜଣ ଯାତ୍ରୀଙ୍କୁ ନେଇ ଭାରତୀୟ ବାୟୁସେନାର ଏକ ବିମାନ ଆଫଗାନିସ୍ତାନରୁ ବାହାରି ମଙ୍ଗଳବାର ଗୁଜୁରାଟର ଜାମନଗର ଠାରେ ପହଂଚିଥିଲା ।
#WATCH | Delhi: Prime Minister Narendra Modi chairs the meeting of Cabinet Committee on Security (CCS), the meeting is currently underway. pic.twitter.com/TaJr00PZOQ
— ANI (@ANI) August 17, 2021
ସୂଚନା ଥାଉକି ଆଫଗାନିସ୍ତାନର ରାଜଧାନୀ କାବୁଲକୁ ତାଲିବାନ ଦଖଲ କରିବା ପରେ ସେଠାରେ ଉପୁଜିଥିବା ସ୍ଥିତିକୁ ନେଇ ଲୋକଙ୍କୁ ସେଠାରୁ ବାହାର କରି ଭାରତୀୟ ବାୟୁସେନାର ଏକ ବିମାନ ସେଠାରୁ ଉଡାଣ ଆରମ୍ଭ କରିଥିଲା । ଏନେଇ ଆଫଗାନିସ୍ତାନରେ ଭାରତୀୟ ରାଜଦୂତ ରୂଦେନ୍ଦ୍ର ଟଣ୍ଡନ କହିଛନ୍ତି କି, କାବୁଲର ସ୍ଥତି ଏବେ ବହୁତ ଜଟିଳ ଓ ଅସ୍ୱଭାବିକ ରହିଛି । ବ୍ୟବସାୟୀକ ଉଡାଣ ବନ୍ଦ ହେବା ପରେ ବାକି ଲୋକଙ୍କୁ ସେଠାରୁ ଉଦ୍ଧାର କରାଯିବ ।