ନବୀନ ନିବାସ ସାମ୍ନାରେ ହାଇଡ୍ରାମା । ଭିତରକୁ ଯିବାକୁ ହାତଯୋଡି ନିବେଦନ କଲେ ବିଜେଡି ନେତା, ଧାରଣାରେ ବସିଲେ ବିଜେପି ବିଧାୟକ ।
କନକ ବ୍ୟୁରୋ : ନବୀନ ନିବାସ ସାମ୍ନାରେ ହାଇଡ୍ରାମା । ନବୀନ ନିବାସ ସାମ୍ନାରେ ପହଞ୍ଚିବା ପରେ ଧାରଣାରେ ବସିଲେ ବିଜେପି ବିଧାୟକ । ମନ୍ତ୍ରୀ ସମୀର ଦାସ ହାତଯୋଡି ନିବେଦନ କରିବା ସତ୍ତେ୍ୱ ମଧ୍ୟ ନବୀନ ନିବାସ ଭିତରକୁ ଯାଇନାହାନ୍ତି ବିଜେପି ବିଧାୟକ । ବରଂ ତାଙ୍କ ପାଇଁ ନବୀନ ନିବାସର ଗେଟ ବନ୍ଦ କରି ଦେଇଥିବା ନେଇ ଅଭିଯୋଗ କରିଛନ୍ତି ବିଜେପି ଟିମ୍ । ମୁଖ୍ୟମନ୍ତ୍ରୀ ଦେଖା କରିବାକୁ ପ୍ରସ୍ତୁତ ଥିଲେ ମଧ୍ୟ ବିଜେପି ଟିମ୍ ଭିତରକୁ ନଯାଇ ରାଜରାସ୍ତାରେ ବସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ବିଜେଡି ବିଧାୟକ କହିଛନ୍ତି, ଯଦି ଚାଷୀଙ୍କୁ ବାସ୍ତବରେ ନ୍ୟାୟ ଦେବାକୁ ଚାହୁଁଛନ୍ତି ତେବେ ବିଜେପି ଟିମ୍ ନବୀନ ନିବାସ ଭିତରକୁ ଆସନ୍ତୁ । ଏଭଳି ରାସ୍ତାରେ ବସି ରାଜନୀତି ନ କରନ୍ତୁ ବୋଲି କହିଛନ୍ତି ପ୍ରମିଳା ମଲ୍ଲିକ । ହାତ ଧରି ଡାକିବା ସତ୍ତେ୍ୱ ମଧ୍ୟ ବିଜେପି ବିଧାୟକ କାହିଁକି ନ ଆସି ରାଜନୀତି କରୁଛନ୍ତି ତାହାକୁ ନେଇ ପ୍ରଶ୍ନ ଉଠାଇଛନ୍ତି ।