କନକ ବ୍ୟୁରୋ : ଗାଡ଼ି ଚେକିଂ ବେଳେ ନାକେ ଦମ ହେଲା ପୋଲିସ । ମଦ୍ୟପଙ୍କ ହାବୁଡ଼ରେ ପଡ଼ି ପୋଲିସ ନାକେଦମ ହୋଇଛି । ନାଲି ଆଖି ଦେଖାଇବା ସହ ପୁଲିସ ଅଧିକାରୀଙ୍କୁ ଗାଳି ଗୁଲଜ ସହ ଦାଦା ଗିରି କରିଛନ୍ତି । ଏସବୁ ଦୃଶ୍ୟ ଦେଖି ଚେକିଂ ଦାୟିତ୍ୱରେ ଥିବା ପୋଲିସ ବିଭାଗର ଅଧିକାରୀଙ୍କ ଅକଲ ଗୁଡୁମ ହୋଇଯାଇଥିଲା। ଶେଷରେ ପୁଲିସ ବଳପ୍ରୟୋଗ କରି କାବୁ କରିବାକୁ ଚେଷ୍ଟା କରିବାରୁ ଜଙ୍ଗଲ ଭିତରକୁ ଦୌଡ଼ି ପଳାଇଲେ । ପୋଲିସ ମଧ୍ୟ ତାଙ୍କୁ ଧରିବା ପାଇଁ ଜଙ୍ଗଲ ଭିତରେ ପଶିଥିଲା । ଏହି ଲୁଚ କାଳି ଖେଳ ଏକ ଘଂଟା ଚାଲିଥିଲା । ଆଉ କିଛି ପୋଲିସ କର୍ମଚାରୀ ଘଟଣାସ୍ଥଳରେ ପହଚିଂବା ପରେ ମଦ୍ୟପଙ୍କୁ କାବୁ କରି ଥାନାକୁ ନେଇ ଯାଇଥିଲେ । ଏଭଳି ଦୃଶ୍ୟ ଜୟପୁର ବ୍ଳକର ଆମ୍ବାଗୁଡ଼ା ଗ୍ରାମ ନିକଟ ଜାତୀୟ ରାଜପଥ ୨୬ ଉପରେ ଦେଖିବାକୁ ମିଳିଛି ।