କନକ ବ୍ୟୁରୋ: ଅଲ କାଏଦାର ମୁଖ୍ୟ ଆୟମାନ ଅଲ-ଜାୱାହିର ମୃତ୍ୟୁ ପରେ ହାଇ ଆର୍ଲଟରେ ଆମେରିକା । ସାରା ବିଶ୍ୱରେ ବିଭିନ୍ନ ଦେଶରେ ରହୁଥିବା ଆମେରିକାର ନାଗରିକମାନଙ୍କୁ ସତର୍କ ରହିବାକୁ ପରାମର୍ଶ ଦେଇଛି ଆମେରିକା । ଜାୱାହିରିଙ୍କ ମୃତ୍ୟୁ ପରେ ଅଲ କାଏଦାର ସମର୍ଥକ ଏବଂ ଏହି ସଙ୍ଗଠନ ସହ ଜଡିତ ଅନ୍ୟ ଆତଙ୍କୀ ସଙ୍ଗଠନଗୁଡିକ ଆମେରିକାର ଅନୁଷ୍ଠାନ, ଅଧିକାରୀ ତଥା ନାଗରିକମାନଙ୍କ ଉପରେ ଆକ୍ରମଣ କରିବାର ଆଶଙ୍କା ସୃଷ୍ଟି ହୋଇଛି । ବିଶେଷକରି ଯାତାୟତ ବେଳେ ସତର୍କତା ଅବଲମ୍ବନ କରିବାକୁ ନାଗରିକଙ୍କ ପରାମର୍ଶ ଦେଇଛି ଆମେରିକା । ଗତ ଜୁଲାଇ ୩୧ରେ କୁଖ୍ୟାତ୍ ଆତଙ୍କବାଦୀ ଓସାମା ବିନ୍ ଲାଡେନଙ୍କ ଉତ୍ତରାଧିକାରୀ କୁହାଯାଉଥିବା ଆୟମାନ ଅଲ-ଜାୱାହିରିଙ୍କୁ ଡ୍ରୋନ୍ ଆକ୍ରମଣ କରି ହତ୍ୟା କରିଥିଲା ଆମେରିକା ସେନା ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀ ଜାୱାହିରିଙ୍କ ସମ୍ପର୍କରେ ସୂଚନା ଦେଲେ ୧୯୬ କୋଟିରୁ ଅଧିକ ଟଙ୍କାର ପୁରସ୍କାର ରାଶି ଆମେରିକା ଘୋଷଣା କରିଥିଲେ ମଧ୍ୟ ତାଲିବାନ ସରକାର ଭୟରେ ଲୋକେ ମୁହଁ ଖୋଲୁନଥିଲେ । ଆଉ ଏବେ ଜାୱାହିରିଙ୍କ ମୃତ୍ୟ ଖବର ଉପରେ ଲୋକେ କଥା ହେବାକୁ ଭୟ କରୁଛନ୍ତି । କିନ୍ତୁ ଆତଙ୍କବାଦୀ ଜାୱାହିରି ରହୁଥିବା ସେରପୁର ଅଞ୍ଚଳର ଜଣେ ବାସିନ୍ଦା କହିଛନ୍ତି, ସେ ଜାୱାହିରି ଏବଂ ତାଙ୍କ ଉପରେ ହୋଇଥିବା ଆକ୍ରମଣ ନେଇ ପୂର୍ବରୁ ସୂଚନା ପାଇଥିଲେ । କିନ୍ତୁ ସେ ଜାୱାହିରି ବୋଲି ଜାଣିନଥିଲେ । ଆକ୍ରମଣ ପରେ ଟିଭି ଦେଖିବାରୁ ସେ ଅଲ କାଏଦାର ମୁଖ୍ୟ ଆୟମାନ ଅଲ-ଜାୱାହିର ବୋଲି ଜାଣିଥିଲେ ।