ଦିଦିଙ୍କ ଉପରେ ବର୍ଷିଲେ ମୋଦି । କହିଲେ ପରିବର୍ତ୍ତନ ପାଇଁ ମମତା ସରକାରଙ୍କୁ ବାଛିଥିଲେ ବଙ୍ଗଳା ଜନତା, ହେଲେ ଲୋକଙ୍କ ସ୍ୱପ୍ନକୁ ଭାଙ୍ଗି ଚୁନା କରିଦେଲେ ଦିଦି ।
କନକ ବ୍ୟୁରୋ: କୋଲକାତା ବ୍ରିଗେଡ ଗ୍ରାଉଣ୍ଡର ମହାସମାବେଶକୁ ସମ୍ବୋଧନ କରି ଦିଦିଙ୍କ ଉପରେ ବର୍ଷିଲେ ମୋଦି । ଜନତାଙ୍କୁ ସମ୍ବୋଧିତ କରି କହିଲେ ପରିବର୍ତନ ପାଇଁ ମମତା ସରକାରଙ୍କୁ ବାଛିଥିଲେ ବଙ୍ଗଳା ଜନତା । ହେଲେ ଲୋକଙ୍କ ସ୍ୱପ୍ନକୁ ଭାଙ୍ଗି ଚୁରମାର କରିଦେଲେ ଦିଦି । ସେପଟେ ବଙ୍ଗାଲ ଲଢେଇର ସୁପର-ସଣ୍ଡେରେ ବିଜେପିରେ ସାମିଲ ହୋଇଛନ୍ତି ବଲିଉଡ ଷ୍ଟାର ମିଥୁନ ଚକ୍ରବର୍ତ୍ତୀ । କୋଲକାତାର ବ୍ରିଗେଡ ପରେଡ ଗ୍ରାଉଣ୍ଡରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପହଂଚିବା ପୂର୍ବରୁ ମଂଚରେ ପହଂଚି ଯାଇଥିଲେ ମିଥୁନ୍ । ବିଜେପିର ବରିଷ୍ଠ ନେତା ମୁକୁଲ ଘୋଷ, କୈଳାସ ବିଜୟବର୍ଗୀୟ ତାଙ୍କୁ ଦଳରେ ସାମିଲ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗ ବିଧାନସଭା ନିର୍ବାଚନ ତାରିଖ ଘୋଷଣା ହେବା ପରେ ପ୍ରଥମ ଥର ପାଇଁ କୋଲକାତାର ବ୍ରିଗେଡ୍ ଗ୍ରାଉଣ୍ଡରେ ପ୍ରଧାନମନ୍ତ୍ରୀ ମୋଦି କରିଛନ୍ତି ବିଶାଳ ଜନ ସମାବେଶ । ଏହି ସମାବେଶରେ ଆଗାମୀ ବିଧାନସଭା ନିର୍ବାଚନ ପାଇଁ ଶଙ୍ଖନାଦ କରିଛନ୍ତି ପ୍ରଧାନମନ୍ତ୍ରୀ । ବ୍ରିଗେଡ ପରେଡ ଗ୍ରାଉଣ୍ଡରେ ବିଶାଳ ରାଲି କରି ମମତା ବାନାର୍ଜୀଙ୍କ ବିରୋଧରେ, ବିଜେପି ରଣହୁଙ୍କାର ଦେଇଛି । ମୋଦିଙ୍କ ରାଲିରେ ପ୍ରାୟ ୧୦ ଲକ୍ଷରୁ ଅଧିକ ଲୋକଙ୍କ ସମାଗମ ହେବ ବୋଲି ବିଜେପି ପୂବ ର୍ରୁ ଦାବି କରିଥିଲା । ଆଉ ପ୍ରଧାନମନ୍ତ୍ରୀଙ୍କ ରାଲିରେ ମଧ୍ୟ ଜନସମୁଦ୍ର ଦେଖିବାକୁ ମିଳିଛି ।
କୋଲକାତାର ବିଭିନ୍ନ ସ୍ଥାନରୁ ଓ ରାଜ୍ୟର ଦୂରଦୁରାନ୍ତରୁ ସମର୍ଥକ ବସ୍ ଯୋଗେ ବ୍ରିଗେଡ୍ ଗ୍ରାଉଣ୍ଡକୁ ଆସିଛନ୍ତି । ମୋଦିଙ୍କ ସହ ମଂଚରେ ବଲିଉଡ୍ ଆକ୍ଟର ମିଥୁନ ଚକ୍ରବର୍ତି ଉପସ୍ଥିତ ରହଥିଲେ । ଆରଏସଏସ ମୁଖ୍ୟ ମୋହନ ଭାଗବତଙ୍କୁ ମିଥୁନ ଭେଟିବା ପରଠାରୁ ଯେଉଁ ଆକଳନ କରାଯାଉଥିଲା ତାହା ଆଜି ବାସ୍ତବ ରୁପ ନେଇଛି । କୁହାଯାଉଛି ମମତାଙ୍କୁ କାଉଂଟର କରିବାକୁ ବିଜେପି ଏକ ବଙ୍ଗୀୟ ଚେହେରା ଖୋଜୁଥିଲା । ଆଉ ମିଥୁନଙ୍କ ଆକାରରେ ଦଳକୁ ତାହା ମିଳିଯାଇଛି ।