ମଝି ରାସ୍ତାରେ ହାତୀପଲ୍ଲଙ୍କ ଉତ୍ପାତ । ଘଣ୍ଟା ଘଣ୍ଟା ଧରି ଅଟକି ରହିଲା ଯାନବାହନ । ଯୋଡ଼ା ଗୁରୁବେଡ଼ା ଛକର ଘଟଣା ।
କନକ ବ୍ୟୁରୋ: ମଝି ରାସ୍ତାରେ ହାତୀପଲଙ୍କ ଉତ୍ପାତ । ଯୋଡ଼ା ଗୁରୁବେଡ଼ା ଛକରେ ଘଂଟା ଘଂଟା ଧରି ଅଟକି ରହିଲା ଯାନବାହନ । ୧୭ ଟିକିଆ ହାତୀପଲଙ୍କ ଉତ୍ପାତ ଯୋଗୁଁ ରାସ୍ତାର ଉଭୟ ପାଶ୍ୱର୍ରେ ଅଟକି ରହିଥିଲେ ଯାତ୍ରୀ । ରାସ୍ତାଟି ଜୁରୁଡ଼ି-ବାମେବାରୀକୁ ସଂଯୋଗ କରୁଥିବା ବେଳେ, ଅନ୍ୟପଟେ ଏହି ରାସ୍ତା ଯୋଡ଼ା ସହରକୁ ସଂଯୋଗ କରିଥାଏ ।
Kanak News is now on WhatsApp
Join and get latest news updates delivered to you via WhatsApp
ହାତୀଛୁଆକୁ ଧରି ହାତୀପଲ ଦୀର୍ଘ ସମୟ ଧରି ରାସ୍ତା ଅବରୋଧ କରିବାରୁ ରାସ୍ତାର ଉଭୟ ପାର୍ଶ୍ୱରେ ଅଟକି ରହିଲେ ଲୋକେ । ଶେଷରେ ବନ ବିଭାଗ ଘଟଣାସ୍ଥଳରେ ପହଂଚି ହାତୀପଲଙ୍କୁ ସୁରକ୍ଷିତ ସ୍ଥାନକୁ ଘଉଡାଇବା ପରେ ରାସ୍ତାରେ ଯାତାୟତ ସ୍ୱାଭାବିକ ହୋଇଥିଲା । ସୂଚନା ଅନୁଯାୟୀ, ଚମ୍ପୁଆ ରେଞ୍ଜ ଯୋଡ଼ା ସେକ୍ସନ୍ ବୈତରଣୀ-ଏ ସଂରକ୍ଷିତ ଜଙ୍ଗଲରେ ଏହି ୧୭ ଟିକିଆ ହାତୀପଲ ଗତ କିଛି ଦିନ ଧରି ଚଳପ୍ରଚଳ କରୁଥିବା ବେଳେ, ଆଜି ଗୁରୁବେଡ଼ା ଛକ ନିକଟରେ ଦୀର୍ଘ ୨ ଘଣ୍ଟା ଧରି ରାସ୍ତା ଅବରୋଧ କରିଥିଲେ । ଯାହାକୁ ନେଇ ଆଖପାଖ ଲୋକେ ଭୟଭୀତ ଅବସ୍ଥାରେ ରହିଛନ୍ତି ।