ହେମନ୍ତଙ୍କୁ ପିଏମଏଲର କୋର୍ଟରୁ ଆଶ୍ୱସ୍ତି । ଫ୍ଲୋର ଟେଷ୍ଟରେ ଭାଗ ନେବାକୁ ଅନୁମତି

205

କନକ ବ୍ୟୁରୋ : ଝାଡଖଣ୍ଡ ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ କୋର୍ଟରୁ ଆଶ୍ୱସ୍ତି ମିଳିଛି । ଜମି ଦୁର୍ନୀତି ମାମଲାରେ ଇଡି ଦ୍ୱାରା ଗିରଫ ହୋଇ ଜେଲରେ ଥିବା ହେମନ୍ତ ସୋରେନ ଝାଡଖଣ୍ଡ ବିଧାନସଭାରେ ହେବାକୁ ଥିବା ଫ୍ଲୋର ଟେଷ୍ଟରେ ଭାଗ ନେଇପାରିବେ ବୋଲି କୋର୍ଟ ଅନୁମତି ଦେଇଛନ୍ତି ।

ଜମି ଦର୍ନୀତି ମାମଲାରେ ହେମନ୍ତ ସୋରେନ ଗିରଫ ହେବା ପରେ ତାଙ୍କ ସ୍ଥାନରେ ଦଳର ବରିଷ୍ଠ ନେତା ଚମ୍ପାଇ ସୋରେନ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି । ତାଙ୍କ ସହ କଂଗ୍ରେସ ବିଧାୟକ ଆଲମଗିରି ଆଲମ୍ ଓ ଆରଜେଡି ବିଧାୟକ ସତ୍ୟାନନ୍ଦ ଭୋକ୍ତା ମଧ୍ୟ ମନ୍ତ୍ରୀ ଭାବେ ଶପଥ ନେଇଛନ୍ତି । ହେଲେ ଚମ୍ପାଇ ସରକାର ଏପର୍ଯ୍ୟନ୍ତ ବହୁମତ ସାବ୍ୟସ୍ତ କରି ନାହାଁନ୍ତି ।

ସେପଟେ ବିଜେପିର ଅପରେସନ ଲୋଟସ ଭୟରେ ଜେଏମଏମ ତରଫରୁ ନିଜର ୩୮ ଜଣ ବିଧାୟକଙ୍କୁ ହାଇଦ୍ରାବାଦ ପଠାଇ ଦେଇଛି । ହେଲେ ଚମ୍ପାଇ ସୋରେନ ଦାବି କରିଛନ୍ତି କି, ଫ୍ଲୋର ଟେଷ୍ଟରେ ସେ ବିଜୟୀ ହେବେ ।