ଅସରାଏ ବର୍ଷାରେ ଭାସିଲା ରାଜଧାନୀ: ଲକ୍ଷ୍ମୀସାଗରରେ ଘରେ ପଶିଲା ପାଣି; ଇସ୍କନ ମନ୍ଦିର ରାସ୍ତାରେ କ୍ରୁତିମ ବନ୍ୟା
ଉତ୍ତରପୂର୍ବ ବଙ୍ଗୋପସାଗରେ ସୃଷ୍ଟି ଘୂର୍ଣ୍ଣିବଳୟ ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ବର୍ଷା
କନକ ବ୍ୟୁରୋ: ଅସରାଏ ବର୍ଷାରେ ବେହାଲ ରାଜଧାନୀ । ବିଭିନ୍ନ ସ୍ଥାନରେ ପାଣି ଜମି ରହିଛି । ସହରର ବିଭିନ୍ନ ଯାଗାରେ ରାସ୍ତା ଉପରେ ଆଣ୍ଠୁଏ ଉଚ୍ଚର ପାଣି ଜମି ରହିଥିବା ବେଳେ ଇସକନ ମନ୍ଦିର ନିକଟରେ ସ୍ଥିତି ବେହାଲ ହୋଇପଡିଛି । ସ୍କୁଟି ଗୁଡିକ ବୁଡିଯାଇଥିବା ବେଳେ କାର ଗୁଡିକ ମଧ୍ୟ ଅଧା ବୁଡିଯାଇଛି । ସେହିପରି ଲକ୍ଷ୍ମୀସାଗରରେ ଅଂଚଳରେ ମଧ୍ୟ ଘରେ ପାଣି ପଶିଯାଇଛି । ଫଳରେ ଲୋକେ ନାହିଁ ନଥିବା ଅସୁବିଧାର ସମ୍ଭୁଖୀନ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ଉତ୍ତର ପଶ୍ଚିମ ବଙ୍ଗୋପସାଗରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି । ଏହାର ପ୍ରଭାବରେ ସାରା ରାଜ୍ୟରେ ବର୍ଷା ଆରମ୍ଭ ହୋଇଛି । କୋରାପୁଟ, କଳହାଣ୍ଡି, ସୁନ୍ଦରଗଡ, କେନ୍ଦୁଝର ଓ ଝାରସୁଗୁଡାରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ସେହିପରି ନବରଙ୍ଗପୁର, ବରଗଡ, ବଲାଙ୍ଗୀର, ନୂଆପଡାରେ ମଧ୍ୟମ ଧରଣର ବର୍ଷା ହେବ ବୋଲି ଆଂଚଳିକ ପାଣିପାଗ କେନ୍ଦ୍ର କହିଛି ।