ଉପନିର୍ବାଚନ ପ୍ରଚାର ମଇଦାନରେ ଜୋରଦାର ଲଢେଇ । ଗାଁ ଗାଁରେ ବୁଲୁଛନ୍ତି ନେତା ମନ୍ତ୍ରୀ । ବାଲେଶ୍ୱରରେ ଭୋଟରଙ୍କୁ ମନେଇବା ପାଇଁ ଚାଲଛି ଜୋରଦାର ଉଦ୍ୟମ । ତିର୍ତୋଲ ଜିତିବାକୁ ୩ ପ୍ରମୁଖ ଦଳର ରଣନୀତି ।
କନକ ବ୍ୟୁରୋ : ତିର୍ତୋଲ-ବାଲେଶ୍ୱର ଉପନିର୍ବାଚନ ତାରିଖ ଯେତିକି ପାଖଉଛି ପ୍ରଚାର ମଇଦାନରେ ଲଢେଇ ସେତିକି ଜୋରଦାର ହେଉଛି । ଗାଦି ହାତେଇ ସ୍ୱାଭିମାନ ବଂଚେଇବା ପାଇଁ ଗାଁ ଗାଁରେ ବୁଲୁଛନ୍ତି ନେତା ମନ୍ତ୍ରୀ । ବାଲେଶ୍ୱର ଓ ତିର୍ତୋଲରେ ଭୋଟରଙ୍କୁ ମନେଇବା ପାଇଁ ଚାଲଛି ଜୋରଦାର ଉଦ୍ୟମ ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ ବାଲେଶ୍ୱର ଆସନ ବିଜେପି ଅକ୍ତିଆର କରିଥିବା ବେଳେ ଉପନିର୍ବାଚନରେ ମଧ୍ୟ ଗାଦି ହାତେଇବା ପାଇଁ ଲାଗି ପଡିଛନ୍ତି ବିଜେପି ପ୍ରାର୍ଥୀ ମାନସ କୁମାର ଦତ୍ତ । ବିଜେଡି ବି ଖୁବ୍ ଜୋରସୋରରେ ପୁରୁଣା ସ୍ଥାନ ଅଧିକାର କରିବା ପାଇଁ ଲଢେଇ କରୁଛି । ସେପଟେ ତିର୍ତୋଲ ଆସନ ଜିତିବାକୁ ୩ ପ୍ରମୁଖ ଦଳର ରଣନୀତି ପ୍ରସ୍ତୁତ କରିଛନ୍ତି ।
ବାଲେଶ୍ୱର ସଦରରେ ଟିକେଟ ବଂଟନକୁ ନେଇ କୌଣସି ଅସନ୍ତୋଷ ନାହିଁ । ଟିକେଟକୁ ନେଇ ବାଲେଶ୍ୱର ବିଜେଡିରେ ଅସନ୍ତୋଷ ଥିବା ଚର୍ଚ୍ଚା ହେବା ପରେ ସାମ୍ବାଦିକ ସମ୍ମିଳନୀରେ ଏହି ମତ ରଖିଛନ୍ତି ମନ୍ତ୍ରୀ ପ୍ରତାପ ଜେନା, ପୂର୍ବତନ ସାଂସଦ ରବୀନ୍ଦ୍ର ଜେନା ଓ ପୂର୍ବତନ ବିଧାୟକ ଜୀବନ ପ୍ରଦୀପ ଦାସ । ପୂର୍ବତନ ସାଂସଦ ରବୀନ୍ଦ୍ର ଜେନା କହିଛନ୍ତି, ଦଳ ଏକଜୁଟ ଅଛି । ଏଠାରେ ବିଜେଡି ପ୍ରାର୍ଥୀ ହିଁ ଜିତିବେ ଓ ବାଲେଶ୍ୱରର ବିକାଶକୁ ଆଗେଇ ନେବେ ।
ସାମ୍ବାଦିକ ସମ୍ମିଳନୀରେ ମନ୍ତ୍ରୀ ପ୍ରତାପ ଜେନା କହିଛନ୍ତି ଯେ, ବାଲେଶ୍ୱରର ବିକାଶ ପଛରେ ରହିଛି । ଆଉ ଏହାର କାରଣ ହେଉଛି ସଂପୃକ୍ତ ନିର୍ବାଚନମଣ୍ଡଳୀର ଜନପ୍ରତିନିଧ ଦେଢବର୍ଷ ଭିତରେ ଠିକ ଭାବେ କାମ କରିନାହାନ୍ତି କି ଏହାକୁ ଠି ଭାବେ ଉପସ୍ଥାପିତ କରିନାହାନ୍ତି ।